ਇਸ ਯੋਜਨਾ ਬਾਰੇ ਏਅਰ ਲਾਈਨ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਸ ਯੋਜਨਾ ਨੂੰ ਲਾਗੂ ਕਰਨ ਦਾ ਸਭ ਤੋਂ ਵੱਡਾ ਉਦੇਸ਼ ਕੋਰੋਨਾ ਵਾਇਰਸ ਮਹਾਂਮਾਰੀ ਦੌਰਾਨ ਏਅਰ ਇੰਡੀਆ ਦੀ ਨਕਦੀ ਪ੍ਰਵਾਹ ਸਥਿਤੀ ਵਿੱਚ ਸੁਧਾਰ ਲਿਆਉਣਾ ਹੈ। ਅਧਿਕਾਰੀ ਨੇ ਅੱਗੇ ਕਿਹਾ ਕਿ ਸਥਾਈ ਕਰਮਚਾਰੀ ਇੱਕ ਸਾਲ ਲਈ ਇਸ ਯੋਜਨਾ ਦੀ ਚੋਣ ਕਰ ਸਕਦਾ ਹੈ।

ਅਧਿਕਾਰੀ ਨੇ ਅੱਗੇ ਆਪਣੇ ਬਿਆਨ ਵਿੱਚ ਕਿਹਾ ਕਿ ਜੋ ਸਥਾਈ ਕਰਮਚਾਰੀ shorter working week scheme ਨੂੰ ਚੁਨਣਗੇ ਉਹ ਡਿਊਟੀ ਕਰਨ ਤੋਂ ਬਾਅਦ ਹਫ਼ਤੇ ਦੇ ਜੋ ਬਾਕੀ ਦਿਨ ਬਚਣਗੇ ਉਸ ਸਮੇਂ ਕੋਈ ਹੋਰ ਰੁਜ਼ਗਾਰ ਨਹੀਂ ਕਰ ਸਕਦੇ। ਕੋਰੋਨਾ ਵਾਇਰਸ ਮਹਾਂਮਾਰੀ ਦੇ ਕਾਰਨ ਹਵਾਬਾਜ਼ੀ ਉਦਯੋਗ ਨੂੰ ਵਿੱਤੀ ਤੌਰ ‘ਤੇ ਸੱਟ ਵੱਜੀ ਹੈ। ਭਾਰਤ ਵਿੱਚ, ਸਾਰੀਆਂ ਏਅਰਲਾਈਨ ਕੰਪਨੀਆਂ ਨੇ ਆਪਣੇ ਨਕਦ ਵਹਾਅ ਵਿੱਚ ਸੁਧਾਰ ਲਿਆਉਣ ਲਈ ਕਰਮਚਾਰੀਆਂ ਦੀਆਂ ਤਨਖਾਹਾਂ ਵਿੱਚ ਕਟੌਤੀ ਕਰਨ ਅਤੇ ਉਨ੍ਹਾਂ ਨੂੰ ਛਾਂਟਣ ਲਈ ਕਦਮ ਚੁੱਕੇ ਹਨ ।ਕੋਰੋਨਾ ਵਾਇਰਸ ਲਾਕਡਾਊਨ ਹੋਣ ਕਾਰਨ ਘਰੇਲੂ ਉਡਾਣਾਂ ਕਰੀਬ 2 ਮਹੀਨਿਆਂ ਬਾਅਦ 25 ਮਈ ਤੋਂ ਮੁੜ ਸ਼ੁਰੂ ਹੋ ਗਈਆਂ ਹਨ, ਹਾਲਾਂਕਿ ਅੰਤਰਰਾਸ਼ਟਰੀ ਉਡਾਣਾਂ ਅਜੇ ਵੀ ਬੰਦ ਹਨ।

The post Air India ਦਾ ਕਰਮਚਾਰੀਆਂ ਨੂੰ ਤੋਹਫ਼ਾ, ਹੁਣ ਹਫ਼ਤੇ ‘ਚ 3 ਦਿਨ ਕੰਮ ਕਰਨ ‘ਤੇ ਮਿਲੇਗੀ 60 ਫ਼ੀਸਦੀ ਤਨਖ਼ਾਹ appeared first on Daily Post Punjabi.