ਇਸੇ ਵਿਚਾਲੇ ਲੋਕਾਂ ਵੱਲੋਂ ਕੀਤੇ ਜਾ ਰਹੇ ਬਾਈਕਾਟ ਕਾਰਨ Jio ਨੂੰ ਬਹੁਤ ਘਾਟਾ ਪਿਆ ਹੈ। ਉੱਥੇ ਹੀ ਹੋਰ ਟੈਲੀਕਾਮ ਕੰਪਨੀਆਂ ਵੱਲੋਂ ਇਸਦਾ ਪੂਰਾ ਫਾਇਦਾ ਚੁੱਕਿਆ ਜਾ ਰਿਹਾ ਹੈ।  Jio ਦੇ ਬਾਈਕਾਟ ਦੇ ਨਾਲ Airtel ਇੱਕ ਵਾਰ ਫਿਰ ਦੇਸ਼ ਦੀ ਪ੍ਰਮੁੱਖ ਟੈਲੀਕਮਿਊਨੀਕੇਸ਼ਨ ਕੰਪਨੀ ਬਣ ਕੇ ਉੱਭਰੀ ਹੈ। Airtel ਨੇ ਗਾਹਕਾਂ ਨੂੰ ਜੋੜਨ ਦੇ ਮਾਮਲੇ ਵਿੱਚ ਲਗਾਤਾਰ ਤੀਜੇ ਮਹੀਨੇ ਰਿਲਾਇੰਸ Jio ਨੂੰ ਪਛਾੜ ਦਿੱਤਾ ਹੈ। ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ (ਇੰਡੀਆ) ਵੱਲੋਂ ਜਾਰੀ ਕੀਤੇ ਗਏ ਅੰਕੜਿਆਂ ਦੇ ਅਨੁਸਾਰ ਏਅਰਟੈਲ ਨੇ ਫਿਰ ਵੱਧ ਤੋਂ ਵੱਧ ਗਾਹਕਾਂ ਨੂੰ ਜੋੜਿਆ ਹੈ।

ਅੰਕੜਿਆਂ ਦੇ ਅਨੁਸਾਰ ਏਅਰਟੈਲ ਨੇ ਪਿਛਲੇ ਅਕਤੂਬਰ ਵਿੱਚ ਆਪਣੀ ਕੰਪਨੀ ਵਿੱਚ 37 ਲੱਖ ਵਾਇਰਲੈੱਸ ਗਾਹਕਾਂ ਨੂੰ ਆਪਣੀ ਕੰਪਨੀ ਨਾਲ ਜੋੜਿਆ ਹੈ, ਜੋ ਕਿ ਪਿਛਲੇ ਮਹੀਨੇ ਦੇ ਮੁਕਾਬਲੇ ਲਗਭਗ 1.12% ਵੱਧ ਹੈ। ਉੱਥੇ ਹੀ ਗਾਹਕਾਂ ਨੂੰ ਜੋੜਨ ਦੇ ਮਾਮਲੇ ਵਿੱਚ Jio ਦੂਜੇ ਨੰਬਰ ‘ਤੇ ਰਿਹਾ। ਕੰਪਨੀ ਨੇ ਇਸ ਮਿਆਦ ਦੌਰਾਨ 22 ਲੱਖ ਗਾਹਕਾਂ ਨੂੰ ਜੋੜਿਆ।

ਹਾਲਾਂਕਿ ਏਅਰਟੈਲ ਨੇ ਨਵੇਂ ਗਾਹਕਾਂ ਨੂੰ ਜੋੜਨ ਦੇ ਮਾਮਲੇ ਵਿੱਚ ਰਿਲਾਇੰਸ Jio ਨੂੰ ਪਛਾੜ ਦਿੱਤਾ ਹੈ। ਦੱਸ ਦੇਈਏ ਕਿ Jio ਦੇ ਇਸ ਸਮੇਂ ਦੇਸ਼ ਭਰ ਵਿੱਚ 406.36 ਮਿਲੀਅਨ ਗਾਹਕ ਹਨ। ਇਸ ਤੋਂ ਬਾਅਦ ਦੂਜੇ ਨੰਬਰ ‘ਤੇ 330.29 ਮਿਲੀਅਨ ਗਾਹਕਾਂ ਦੇ ਨਾਲ ਏਅਰਟੈਲ ਅਤੇ ਤੀਜੇ ਸਥਾਨ ‘ਤੇ 292.84 ਮਿਲੀਅਨ ਗਾਹਕਾਂ ਦੇ ਨਾਲ ਵੋਡਾਫੋਨ ਆਈਡੀਆ ਹੈ। 

ਇਹ ਵੀ ਦੇਖੋ: 40 ਸਾਲ ਪੁਰਾਣੇ ਟਰੈਕਟਰ ‘ਤੇ ਸਵਾਰ ਹੋ ਕੇ ਪਾਤੜਾਂ ਤੋਂ ਦਿੱਲੀ ਧਰਨੇ ‘ਚ ਪਹੁੰਚਿਆ ਕਿਸਾਨ, LIVE ਤਸਵੀਰਾਂ

The post ਕਿਸਾਨ ਅੰਦੋਲਨ ਦਾ ਅਸਰ: Jio ਦੇ ਲੱਖਾਂ ਗਾਹਕ ਹੋਰਨਾਂ ਕੰਪਨੀਆਂ ‘ਚ ਹੋਏ Port appeared first on Daily Post Punjabi.