ਪਰ ਹੁਣ ਅਕਸ਼ੈ ਰਾਜਨੀਤੀ ਵਿੱਚ ਆਉਣ ਨੂੰ ਲੈ ਕੇ ਸੁਰਖੀਆਂ ਵਿੱਚ ਹਨ। ਸਵਾਲ ਇਹ ਹੈ ਕਿ ਕੀ ਅਕਸ਼ੈ ਕੁਮਾਰ ਹੁਣ ਰਾਜਨੀਤੀ ਦਾ ਹਿੱਸਾ ਬਣਨਗੇ ਜਾਂ ਨਹੀਂ? ਇਸ ਗੱਲ ਦਾ ਖੁਲਾਸਾ ਖੁਦ ਅਦਾਕਾਰ ਨੇ ਕੀਤਾ ਹੈ। ਅਕਸ਼ੈ ਕੁਮਾਰ ਦਾ ਨਾਂ ਰਾਜਨੀਤੀ ‘ਚ ਆਉਣ ਨੂੰ ਲੈ ਕੇ ਪਹਿਲਾਂ ਵੀ ਸੁਰਖੀਆਂ ‘ਚ ਰਿਹਾ ਹੈ ਅਤੇ ਹੁਣ ਇਕ ਵਾਰ ਫਿਰ ਤੋਂ ਇਸ ਦੀ ਚਰਚਾ ਜ਼ੋਰਾਂ ‘ਤੇ ਹੈ। ਦਰਅਸਲ, ਹਾਲ ਹੀ ‘ਚ ਲੰਡਨ ਦੇ ਪਾਲ ਮਾਲ ‘ਚ ਇੰਸਟੀਚਿਊਟ ਆਫ ਡਾਇਰੈਕਟਰਜ਼ ‘ਚ ਆਯੋਜਿਤ ”ਹਿਨੁਜਾਸ ਐਂਡ ਬਾਲੀਵੁੱਡ” ਦੀ ਬੁੱਕ ਲਾਂਚ ਮੌਕੇ ਅਦਾਕਾਰ ਤੋਂ ਰਾਜਨੀਤੀ ‘ਚ ਆਉਣ ਨੂੰ ਲੈ ਕੇ ਸਵਾਲ ਕੀਤਾ ਗਿਆ ਸੀ। ਇਸ ‘ਤੇ ਅਦਾਕਾਰ ਨੇ ਜਵਾਬ ਦਿੱਤਾ ਕਿ ਉਹ ਸਿਨੇਮਾ ਰਾਹੀਂ ਹੀ ਸਮਾਜ ਲਈ ਕੰਮ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ। ਰਾਜਨੀਤੀ ‘ਚ ਆਉਣ ‘ਤੇ ਅਕਸ਼ੇ ਨੇ ਅੱਗੇ ਕਿਹਾ- ਮੈਂ ਫਿਲਮਾਂ ਬਣਾ ਕੇ ਬਹੁਤ ਖੁਸ਼ ਹਾਂ।

ਇੱਕ ਅਦਾਕਾਰ ਹੋਣ ਦੇ ਨਾਤੇ, ਮੈਂ ਫਿਲਮਾਂ ਵਿੱਚ ਸਮਾਜਿਕ ਮੁੱਦਿਆਂ ਨੂੰ ਚੁੱਕਣ ਦੀ ਪੂਰੀ ਕੋਸ਼ਿਸ਼ ਕਰਦਾ ਹਾਂ। ਮੈਂ 150 ਫਿਲਮਾਂ ਦਾ ਨਿਰਮਾਣ ਕੀਤਾ ਹੈ। ਪਰ ਜੋ ਮੇਰੇ ਦਿਲ ਦੇ ਸਭ ਤੋਂ ਨੇੜੇ ਹੈ ਉਹ ਹੈ ‘ਰਕਸ਼ਾ ਬੰਧਨ’। ਅਕਸ਼ੈ ਕੁਮਾਰ ਨੇ ਅੱਗੇ ਕਿਹਾ- ਮੈਂ ਕਮਰਸ਼ੀਅਲ ਫਿਲਮਾਂ ਦਾ ਨਿਰਮਾਣ ਕਰਦਾ ਹਾਂ, ਕਈ ਵਾਰ ਅਜਿਹੀਆਂ, ਜੋ ਸਮਾਜਿਕ ਮੁੱਦਿਆਂ ਨਾਲ ਜੁੜੀਆਂ ਹੁੰਦੀਆਂ ਹਨ। ਅਕਸ਼ੈ ਨੇ ਅੱਗੇ ਦੱਸਿਆ ਕਿ ਉਹ ਇਕ ਸਾਲ ‘ਚ 3-4 ਫਿਲਮਾਂ ਦਾ ਨਿਰਮਾਣ ਕਰਦੇ ਹਨ। ਅਕਸ਼ੈ ਕੁਮਾਰ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਫਿਲਮ ‘ਸੌਦਾਗਰ’ ਨਾਲ ਕੀਤੀ ਸੀ। ਉਦੋਂ ਤੋਂ ਹੀ ਅਕਸ਼ੈ ਦਾ ਸਟਾਰਡਮ ਬਰਕਰਾਰ ਹੈ। ਅਕਸ਼ੈ ਜਲਦ ਹੀ ਫਿਲਮ ‘ਰਕਸ਼ਾ ਬੰਧਨ’ ‘ਚ ਨਜ਼ਰ ਆਉਣਗੇ। ਉਨ੍ਹਾਂ ਦੀ ਇਹ ਫਿਲਮ 11 ਅਗਸਤ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਹੁਣ ਦੇਖਦੇ ਹਾਂ ਕਿ ਅਕਸ਼ੈ ਦੀ ਫਿਲਮ ਨੂੰ ਦਰਸ਼ਕਾਂ ਦਾ ਹੁੰਗਾਰਾ ਕਿੰਨਾ ਮਿਲਦਾ ਹੈ। ਲਾਈਵ ਟੀ.ਵੀ

The post ਅਕਸ਼ੈ ਕੁਮਾਰ ਦੀ ਰਾਜਨੀਤੀ ‘ਚ ਆਉਣ ਦੀ ਕੀ ਹੈ ਯੋਜਨਾ, ਅਦਾਕਾਰ ਨੇ ਖੁਦ ਕੀਤਾ ਖੁਲਾਸਾ appeared first on Daily Post Punjabi.