ਚੀਫ ਆਫ ਡਿਫੈਂਸ ਸਟਾਫ ਬਿਪਿਨ ਰਾਵਤ ਦੇ ਅਚਾਨਕ ਦਿਹਾਂਤ ‘ਤੇ ਸੋਸ਼ਲ ਮੀਡੀਆ ‘ਤੇ ਆਈ ਪ੍ਰਤੀਕਿਰਿਆ ਤੋਂ ਬਾਅਦ ਅਲੀ ਅਕਬਰ ਨੇ ਇਹ ਅਹਿਮ ਫੈਸਲਾ ਲਿਆ ਹੈ। ਅਲੀ ਅਕਬਰ ਨੇ ਲਾਈਵ ਵੀਡੀਓ ਵਿੱਚ ਸੀਡੀਐਸ ਬਿਪਿਨ ਰਾਵਤ ਦੀ ਮੌਤ ਦਾ ਜਸ਼ਨ ਮਨਾਉਣ ਵਾਲਿਆਂ ਦੀ ਨਿੰਦਾ ਕੀਤੀ ਸੀ। ਬੁੱਧਵਾਰ ਨੂੰ ਅਲੀ ਅਕਬਰ ਨੇ ਦੱਸਿਆ ਸੀ ਕਿ ਉਨ੍ਹਾਂ ਦਾ ਮੁਸਲਿਮ ਧਰਮ ਤੋਂ ਵਿਸ਼ਵਾਸ ਖਤਮ ਹੋ ਗਿਆ ਹੈ। ਇਸ ਲਈ ਹੁਣ ਉਹ ਅਤੇ ਉਸ ਦੀ ਪਤਨੀ ਲੂਸੀਮਾ ਹਿੰਦੂ ਬਣਨ ਲਈ ਤਿਆਰ ਹਨ। ਅਲੀ ਅਕਬਰ ਨੇ ਵੀ ਆਪਣਾ ਨਵਾਂ ਨਾਂ ਚੁਣ ਲਿਆ ਹੈ। ਉਹ ਹੁਣ ਅਲੀ ਅਬਕਰ ਤੋਂ ਰਾਮਸਿਮਹਨ ਬਣੇਗਾ। ਉਸ ਨੇ ਦੱਸਿਆ ਕਿ ਰਾਮਸਿਮਹਨ ਉਹ ਵਿਅਕਤੀ ਸੀ ਜਿਸ ਨੂੰ ਇਸ ਲਈ ਮਾਰਿਆ ਗਿਆ ਕਿਉਂਕਿ ਉਹ ਆਪਣੇ ਸੱਭਿਆਚਾਰ ਲਈ ਖੜ੍ਹਾ ਸੀ।

ਅਲੀ ਅਕਬਰ ਦੇ ਅਨੁਸਾਰ, ਰਾਮਸਿਮਹਨ ਨਾਮ ਉਸ ਲਈ ਬਿਲਕੁਲ ਫਿੱਟ ਬੈਠਦਾ ਹੈ। ਅਲੀ ਅਕਬਰ ਨੇ ਲਾਈਵ ਵੀਡੀਓ ‘ਚ ਬਹਾਦਰ ਫੌਜੀ ਅਧਿਕਾਰੀ ਦੀ ਮੌਤ ‘ਤੇ ਪ੍ਰਤੀਕਿਰਿਆ ਦੇਣ ਵਾਲਿਆਂ ਦੀ ਨਿੰਦਾ ਕੀਤੀ ਸੀ। ਅਲੀ ਅਕਬਰ ਨੂੰ ਇਸ ਗੱਲ ਦਾ ਵੀ ਦੁੱਖ ਹੋਇਆ ਕਿ ਕੋਈ ਵੀ ਧਾਰਮਿਕ ਆਗੂ ਕੱਟੜਪੰਥੀਆਂ ਦੇ ਖਿਲਾਫ ਖੜ੍ਹਾ ਨਹੀਂ ਹੋਇਆ। ਫਿਰਕੂ ਪ੍ਰਤੀਕਰਮ ਨੂੰ ਦੇਖਦੇ ਹੋਏ ਅਲੀ ਅਕਬਰ ਨੇ ਆਪਣਾ ਪੁਰਾਣਾ ਫੇਸਬੁੱਕ ਅਕਾਊਂਟ ਮੁਅੱਤਲ ਕਰ ਦਿੱਤਾ ਅਤੇ ਨਵੇਂ ਖਾਤੇ ਦੀ ਵਰਤੋਂ ਕਰਕੇ ਧਰਮ ਪਰਿਵਰਤਨ ਦਾ ਐਲਾਨ ਕੀਤਾ।

ਉਸ ਨੇ ਇਹ ਵੀ ਕਿਹਾ ਕਿ ਉਹ ਆਪਣੀਆਂ ਧੀਆਂ ਨੂੰ ਧਰਮ ਪਰਿਵਰਤਨ ਲਈ ਮਜਬੂਰ ਨਹੀਂ ਕਰੇਗਾ ਅਤੇ ਉਹ ਇਸ ਨੂੰ ਉਨ੍ਹਾਂ ਦੀ ਮਰਜ਼ੀ ‘ਤੇ ਛੱਡ ਦੇਵੇਗਾ। ਅਲੀ ਅਕਬਰ ਇਸ ਤੋਂ ਪਹਿਲਾਂ ਭਾਰਤੀ ਜਨਤਾ ਪਾਰਟੀ ਦੀ ਸਟੇਟ ਕਮੇਟੀ ਦੇ ਮੈਂਬਰ ਸਨ। ਪਾਰਟੀ ਲੀਡਰਸ਼ਿਪ ਨਾਲ ਮਤਭੇਦ ਹੋਣ ਤੋਂ ਬਾਅਦ ਉਨ੍ਹਾਂ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਸੀ।

The post ਫਿਲਮ ਨਿਰਮਾਤਾ ਅਲੀ ਅਕਬਰ ਅਪਣਾਏਗਾ ਹਿੰਦੂ ਧਰਮ, ਫੈਸਲੇ ਦਾ ਕਾਰਨ ਵੀ ਦੱਸਿਆ appeared first on Daily Post Punjabi.