ਅਲੀ ਤੋਂ ਇਲਾਵਾ ਉਨ੍ਹਾਂ ਦੀ ਗਰਲਫ੍ਰੈਂਡ ਰਿਚਾ ਚੱਢਾ ਨੇ ਵੀ ਉਨ੍ਹਾਂ ਦੀ ਮਾਂ ਨੂੰ ਸ਼ਰਧਾਂਜਲੀ ਦਿੱਤੀ ਹੈ। ਉਨ੍ਹਾਂ ਨੇ ਇੱਕ ਤਸਵੀਰ ਸ਼ੇਅਰ ਕੀਤੀ ਜਿਸ ਵਿੱਚ ਉਨ੍ਹਾਂ ਨੇ ਇੱਕ ਦੀਵਾ ਜਲਾ ਕੇ ਅਲੀ ਦੀ ਮਾਂ ਨੂੰ ਅੰਤਮ ਵਿਦਾਈ ਦਿੱਤੀ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਅਲੀ ਫਜਲ ਦੀ ਮਾਂ ਉਜਮਾ ਸਈਦ ਦਾ ਬੁੱਧਵਾਰ ਸਵੇਰੇ ਲਖਨਊ ਵਿੱਚ ਦਿਹਾਂਤ ਹੋ ਗਿਆ। ਉਹ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਤੋਂ ਜੂਝ ਰਹੇ ਸਨ ਅਤੇ ਪਿਛਲੇ ਕਈ ਦਿਨਾਂ ਤੋਂ ਲਖਨਊ ਦੇ ਇੱਕ ਹਸਪਤਾਲ ਵਿੱਚ ਉਨ੍ਹਾਂ ਦਾ ਇਲਾਜ ਚੱਲ ਰਿਹਾ ਸੀ।

ਬੁੱਧਵਾਰ ਸ਼ਾਮ ਹੀ ਉਨ੍ਹਾਂ ਨੂੰ ਲਖਨਊ ਵਿੱਚ ਸੁਪੁਰਦ ਏ ਖਾਕ ਵੀ ਕਰ ਦਿੱਤਾ ਗਿਆ।ਇਸ ਗੱਲ ਦੀ ਜਾਣਕਾਰੀ ਮਿਲੀ ਹੈ ਕਿ ਆਪਣੀ ਅੰਮੀ ਦੇ ਸੁਪੁਰਦ ਏ ਖਾਕ ਕੀਤੇ ਜਾਣ ਦੇ ਸਮੇਂ ਅਲੀ ਫਜਲ ਮੌਜੂਦ ਸਨ ਅਤੇ ਬਹੁਤ ਭਾਵੁਕ ਹੋਕੇ ਉਨ੍ਹਾਂ ਨੇ ਆਪਣੀ ਅੰਮੀ ਨੂੰ ਵਿਦਾਈ ਦਿੱਤੀ। ਅਲੀ ਫਜਲ ਵੱਲੋਂ ਜਾਰੀ ਇੱਕ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਸਿਹਤ ਵਿੱਚ ਤੇਜੀ ਨਾਲ ਆਈ ਗਿਰਾਵਟ ਤੋਂ ਬਾਅਦ ਉਨ੍ਹਾਂ ਦੀ ਮਾਂ ਦਾ ਅਚਾਨਕ ਹੀ ਦਿਹਾਂਤ ਹੋ ਗਿਆ।

ਅਲੀ ਨੇ ਇਸ ਮੁਸ਼ਕਲ ਘੜੀ ਵਿੱਚ ਸਾਥ ਦੇਣ ਲਈ ਸਾਰੇ ਫੈਨਜ਼ ਨੂੰ ਧੰਨਵਾਦ ਕਿਹਾ ਹੈ ਅਤੇ ਇਸ ਮੌਕੇ ਉੱਤੇ ਉਨ੍ਹਾਂ ਨੂੰ ਪ੍ਰਾਇਵੇਸੀ ਦੇਣ ਦੀ ਅਪੀਲ ਵੀ ਕੀਤੀ ਹੈ। ਉਨ੍ਹਾਂ ਨੇ ਇਹ ਵੀ ਕਿਹਾ ਹੈ ਕਿ ਇੰਨੇ ਵੱਡੇ ਨੁਕਸਾਨ ਦੇ ਮੌਕੇ ਉੱਤੇ ਉਹ ਖਾਮੋਸ਼ ਰਹਿਣਾ ਪਸੰਦ ਕਰਨਗੇ। ਧਿਆਨ ਯੋਗ ਹੈ ਕਿ ਅਲੀ ਫਜਲ ਜਲਦ ਇੱਕ ਹੋਰ ਹਾਲੀਵੁਡ ਫਿਲਮ ਡੈੱਥ ਆਨ ਦਿ ਨਾਇਲ ਅਤੇ ਵੈੱਬ ਸੀਰੀਜ ਮਿਰਜਾਪੁਰ ਦੇ ਸੀਜਨ 2 ਵਿੱਚ ਵੀ ਨਜ਼ਰ ਆਉਣਗੇ। ਉੱਥੇ ਹੀ ਉਨ੍ਹਾਂ ਦੀ ਨਿੱਜੀ ਜਿੰਦਗੀ ਦੀ ਗੱਲ ਕਰੀਏ ਤਾਂ ਉਹ ਜਲਦ ਗਰਲਫ੍ਰੈਂਡ ਰਿਚਾ ਚੱਢਾ ਨਾਲ ਵਿਆਹ ਕਰ ਸਕਦੇ ਹਨ।

The post ਮਾਂ ਦੇ ਦਿਹਾਂਤ ਤੋਂ ਬਾਅਦ ਅਲੀ ਨੇ ਸ਼ੇਅਰ ਕੀਤੀ ਭਾਵੁਕ ਪੋਸਟ appeared first on Daily Post Punjabi.