ਆਲੀਆ ਐਡ-ਏ-ਮਾਮਾ ਨਾਮ ਦੇ ਕੱਪੜੇ ਦੇ ਬ੍ਰਾਂਡ ਦੀ ਮਾਲਕ ਹੈ। ਇਹ ਬ੍ਰਾਂਡ 12 ਸਾਲ ਤੱਕ ਦੇ ਬੱਚਿਆਂ ਲਈ ਵਾਤਾਵਰਣ ਅਨੁਕੂਲ ਕੱਪੜੇ ਬਣਾਉਂਦਾ ਹੈ। ਬੱਚਿਆਂ ਲਈ ਸ਼ੁਰੂ ਕੀਤੇ ਗਏ ਇਸ ਉੱਦਮ ਦੀ ਮਾਲਕ ਆਲੀਆ ਦਾ ਇਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ‘ਚ ਉਹ ਕੈਂਸਰ ਨਾਲ ਪੀੜਤ ਬੱਚਿਆਂ ਨਾਲ ਕੁਝ ਅਜਿਹੇ ਪਲ ਬਿਤਾਉਂਦੀ ਨਜ਼ਰ ਆ ਰਹੀ ਹੈ, ਜਿਸ ਨੂੰ ਦੇਖ ਕੇ ਹਰ ਕੋਈ ਉਸ ਦੀ ਤਾਰੀਫ ਕਰ ਰਿਹਾ ਹੈ। ਹਾਲ ਹੀ ‘ਚ ਆਲੀਆ ਭੱਟ ਕੈਂਸਰ ਨਾਲ ਪੀੜਤ ਬੱਚਿਆਂ ਦੇ ਪ੍ਰੋਗਰਾਮ ‘ਚ ਸ਼ਾਮਲ ਹੋਈ ਸੀ। ਇਸ ਦੌਰਾਨ ਆਲੀਆ ਨੇ ਕਾਮੇਡੀਅਨ ਕਪਿਲ ਸ਼ਰਮਾ ਨਾਲ ਕੈਂਸਰ ਪੀੜਤ ਬੱਚਿਆਂ ਨਾਲ ਡਾਂਸ ਕੀਤਾ। ‘ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ’ ਦੀ ਅਦਾਕਾਰਾ ਦੀ ਇਸ ਵੀਡੀਓ ਨੇ ਸੋਸ਼ਲ ਮੀਡੀਆ ਯੂਜ਼ਰਸ ਦੇ ਦਿਲਾਂ ਨੂੰ ਛੂਹ ਲਿਆ ਹੈ।

View this post on Instagram

A post shared by Planet Alia Bhatt (@planetaliabhatt)

ਆਲੀਆ ਨੇ ਕਪਿਲ ਸ਼ਰਮਾ ਅਤੇ ਕੈਂਸਰ ਪੀੜਤ ਬੱਚਿਆਂ ਨਾਲ ‘ਤਾਰੇ ਜ਼ਮੀਨ ਪਰ’ ਦੇ ਗੀਤ ‘ਬਮ ਬਮ ਬੋਲੇ’ ‘ਤੇ ਡਾਂਸ ਕੀਤਾ । ਇਸ ਵੀਡੀਓ ਨੂੰ ਅਦਾਕਾਰਾ ਦੇ ਫੈਨ ਪੇਜ ਨੇ ਸ਼ੇਅਰ ਕੀਤਾ ਹੈ। ਹਰ ਪ੍ਰਸ਼ੰਸਕ ਨੇ ਉਸ ਦੇ ਹੱਸਮੁੱਖ ਅਤੇ ਕਿਊਟਨੇਸ ਦੀ ਤਾਰੀਫ ਕੀਤੀ ਹੈ। ਆਲੀਆ ਭੱਟ ਅਗਲੇ ਸਾਲ ਰਿਲੀਜ਼ ਹੋਣ ਵਾਲੀ ਧਰਮਾ ਪ੍ਰੋਡਕਸ਼ਨ ਦੀ ਫਿਲਮ ਜਿਗਰਾ ‘ਚ ਨਜ਼ਰ ਆਵੇਗੀ। ਇਸ ਸਾਲ ਅਦਾਕਾਰਾ ਦੀ ਹਾਲੀਵੁੱਡ ਫਿਲਮ ਹਾਰਟ ਆਫ ਸਟੋਨ ਰਿਲੀਜ਼ ਹੋਈ ਸੀ। ਆਲੀਆ ਨੇ ਗ੍ਰੇ ਸ਼ੇਡ ਦਾ ਕਿਰਦਾਰ ਨਿਭਾਇਆ ਹੈ। ਨੈਗੇਟਿਵ ਰੋਲ ‘ਚ ਦਰਸ਼ਕਾਂ ਨੇ ਉਨ੍ਹਾਂ ਨੂੰ ਕਾਫੀ ਪਸੰਦ ਕੀਤਾ ਸੀ।