ਐਲੋਵੇਰਾ ਨਾਲ ਡੈਂਡਰਫ ਨੂੰ ਕਿਵੇਂ ਦੂਰ ਕਰੀਏ: ਜੇਕਰ ਤੁਹਾਡੇ ਸਿਰ ‘ਤੇ ਡੈਂਡਰਫ ਹੈ ਤਾਂ ਤੁਸੀਂ ਕਈ ਤਰੀਕਿਆਂ ਨਾਲ ਐਲੋਵੇਰਾ ਦੀ ਵਰਤੋਂ ਕਰ ਸਕਦੇ ਹੋ। ਐਲੋਵੇਰਾ ਨੂੰ ਰੋਜ਼ਾਨਾ ਵਾਲਾਂ ਅਤੇ ਸਕੈਲਪ ‘ਤੇ ਲਗਾਉਣ ਨਾਲ ਡੈਂਡਰਫ, ਖਾਜ ਅਤੇ ਵਾਲਾਂ ਦੇ ਝੜਨ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ।

ਐਲੋਵੇਰਾ ਅਤੇ ਨਿੰਬੂ: ਡੈਂਡਰਫ ਨੂੰ ਦੂਰ ਕਰਨ ਲਈ ਐਲੋਵੇਰਾ ਅਤੇ ਨਿੰਬੂ ਦਾ ਪੇਸਟ ਲਗਾਇਆ ਜਾ ਸਕਦਾ ਹੈ। ਇਸ ਦੇ ਲਈ ਤੁਸੀਂ 5-6 ਚੱਮਚ ਐਲੋਵੇਰਾ ਜੈੱਲ ਲਓ ਅਤੇ ਇਸ ‘ਚ 1 ਚੱਮਚ ਨਿੰਬੂ ਦਾ ਰਸ ਮਿਲਾਓ। ਹੁਣ ਇਸ ਪੇਸਟ ਨੂੰ ਉਂਗਲਾਂ ਦੀ ਮਦਦ ਨਾਲ ਆਪਣੇ ਸਕੈਲਪ ‘ਤੇ ਲਗਾਓ। 1 ਘੰਟੇ ਬਾਅਦ ਵਾਲਾਂ ਨੂੰ ਹਲਕੇ ਸ਼ੈਂਪੂ ਨਾਲ ਧੋ ਲਓ। ਅਜਿਹਾ ਤੁਸੀਂ ਹਫ਼ਤੇ ‘ਚ 2-3 ਦਿਨ ਕਰ ਸਕਦੇ ਹੋ।

ਐਲੋਵੇਰਾ ਅਤੇ ਬੇਕਿੰਗ ਸੋਡਾ: ਜੇਕਰ ਤੁਹਾਡੇ ਵਾਲਾਂ ‘ਤੇ ਡੈਂਡਰਫ ਹੈ ਤਾਂ ਤੁਸੀਂ ਐਲੋਵੇਰਾ ਅਤੇ ਬੇਕਿੰਗ ਸੋਡਾ ਪੇਸਟ ਵੀ ਟ੍ਰਾਈ ਕਰ ਸਕਦੇ ਹੋ। ਬੇਕਿੰਗ ਸੋਡਾ ਵੀ ਐਲੋਵੇਰਾ ਵਾਂਗ ਐਂਟੀਫੰਗਲ ਦਾ ਕੰਮ ਕਰਦਾ ਹੈ। ਇਸ ਦੇ ਲਈ ਤੁਸੀਂ 4-5 ਚੱਮਚ ਐਲੋਵੇਰਾ ਜੈੱਲ ਲਓ ਅਤੇ ਇਸ ‘ਚ 1 ਚੱਮਚ ਬੇਕਿੰਗ ਸੋਡਾ ਮਿਲਾਓ। ਹੁਣ ਇਸ ਪੇਸਟ ਨੂੰ ਆਪਣੇ ਸਕੈਲਪ ‘ਤੇ ਲਗਾਓ। ਕੁਝ ਦੇਰ ਬਾਅਦ ਵਾਲਾਂ ਨੂੰ ਧੋ ਲਓ ਪਰ ਜ਼ਿਆਦਾ ਦੇਰ ਤੱਕ ਵਾਲਾਂ ‘ਤੇ ਬੇਕਿੰਗ ਸੋਡੇ ਦੀ ਵਰਤੋਂ ਨਾ ਕਰੋ। ਇਸ ਨਾਲ ਵਾਲ ਝੜ ਸਕਦੇ ਹਨ।

ਐਲੋਵੇਰਾ ਅਤੇ ਐਪਲ ਸਾਈਡਰ ਵਿਨੇਗਰ: ਐਲੋਵੇਰਾ ਅਤੇ ਐਪਲ ਸਾਈਡਰ ਵਿਨੇਗਰ ਦੋਵਾਂ ‘ਚ ਐਂਟੀਫੰਗਲ ਅਤੇ ਐਂਟੀਬੈਕਟੀਰੀਅਲ ਗੁਣ ਹੁੰਦੇ ਹਨ ਜੋ ਡੈਂਡਰਫ ਨੂੰ ਦੂਰ ਕਰਨ ‘ਚ ਮਦਦ ਕਰਦੇ ਹਨ। ਇਸ ਦੇ ਲਈ ਤੁਸੀਂ 1 ਚਮਚ ਐਲੋਵੇਰਾ ਜੈੱਲ ਲਓ ਅਤੇ ਇਸ ‘ਚ 2 ਚਮਚ ਐਪਲ ਸਾਈਡਰ ਵਿਨੇਗਰ ਮਿਲਾਓ। ਹੁਣ ਇਸ ਪੇਸਟ ਨੂੰ ਆਪਣੇ ਵਾਲਾਂ ਅਤੇ ਸਕੈਲਪ ‘ਤੇ ਲਗਾਓ। ਇਕ ਘੰਟੇ ਬਾਅਦ ਹਲਕੇ ਸ਼ੈਂਪੂ ਨਾਲ ਵਾਲਾਂ ਨੂੰ ਧੋ ਲਓ। ਡੈਂਡਰਫ ਤੋਂ ਛੁਟਕਾਰਾ ਪਾਉਣ ਲਈ ਤੁਸੀਂ ਇਸ ਪੇਸਟ ਨੂੰ ਹਫਤੇ ‘ਚ 1 ਵਾਰ ਲਗਾ ਸਕਦੇ ਹੋ।

Aloe Vera Gel ਲਗਾਓ: ਜੇਕਰ ਤੁਸੀਂ ਚਾਹੋ ਤਾਂ ਡੈਂਡਰਫ ਤੋਂ ਛੁਟਕਾਰਾ ਪਾਉਣ ਲਈ ਐਲੋਵੇਰਾ ਜੈੱਲ ਦੀ ਵਰਤੋਂ ਵੀ ਕਰ ਸਕਦੇ ਹੋ। ਇਸ ਦੇ ਲਈ ਤੁਸੀਂ ਇੱਕ ਤਾਜ਼ਾ ਐਲੋਵੇਰਾ ਪੱਤਾ ਲਓ। ਇਸ ਨੂੰ ਸਾਫ਼ ਕਰੋ ਅਤੇ ਪਲਪ ਜਾਂ ਜੈੱਲ ਕੱਢ ਲਓ। ਹੁਣ ਇਸ ਜੈੱਲ ਨੂੰ ਆਪਣੇ ਵਾਲਾਂ ਅਤੇ ਸਕੈਲਪ ‘ਤੇ ਚੰਗੀ ਤਰ੍ਹਾਂ ਲਗਾਓ। ਲਗਭਗ 1 ਘੰਟੇ ਬਾਅਦ ਵਾਲਾਂ ਨੂੰ ਪਾਣੀ ਨਾਲ ਧੋ ਲਓ। ਡੈਂਡਰਫ ਤੋਂ ਛੁਟਕਾਰਾ ਪਾਉਣ ਲਈ ਤੁਸੀਂ ਹਫਤੇ ‘ਚ 2-3 ਦਿਨ ਐਲੋਵੇਰਾ ਜੈੱਲ ਲਗਾ ਸਕਦੇ ਹੋ। ਐਲੋਵੇਰਾ ਤੁਹਾਡੀ ਸਕੈਲਪ ਅਤੇ ਵਾਲਾਂ ਨੂੰ ਨੁਕਸਾਨ ਨਹੀਂ ਪਹੁੰਚਾਉਂਦਾ।

ਡੈਂਡਰਫ ਨੂੰ ਕਿਵੇਂ ਦੂਰ ਕਰਦਾ ਹੈ ਐਲੋਵੇਰਾ

• ਐਲੋਵੇਰਾ ‘ਚ ਵਿਟਾਮਿਨ ਏ, ਵਿਟਾਮਿਨ ਸੀ ਅਤੇ ਵਿਟਾਮਿਨ ਈ ਹੁੰਦਾ ਹੈ। ਇਹ ਸਾਰੇ ਐਂਟੀਆਕਸੀਡੈਂਟ ਹਨ ਜੋ ਵਾਲਾਂ ਅਤੇ ਸਕੈਲਪ ਨੂੰ ਸੁਰੱਖਿਅਤ ਰੱਖਦੇ ਹਨ।
• ਐਲੋਵੇਰਾ ‘ਚ ਐਨਜ਼ਾਈਮ ਹੁੰਦੇ ਹਨ ਜੋ ਫੈਟ ਨੂੰ ਤੋੜਦੇ ਹਨ ਅਤੇ ਵਾਲਾਂ ਤੋਂ ਐਕਸਟ੍ਰਾ ਤੇਲ (ਸੀਬਮ) ਨੂੰ ਹਟਾਉਣ ‘ਚ ਮਦਦ ਕਰਦੇ ਹਨ।
• ਐਲੋਵੇਰਾ ‘ਚ ਐਂਟੀ-ਇੰਫਲੇਮੇਟਰੀ, ਐਂਟੀਬੈਕਟੀਰੀਅਲ ਅਤੇ ਐਂਟੀਫੰਗਲ ਗੁਣ ਹੁੰਦੇ ਹਨ ਜੋ ਸਕੈਲਪ ਤੋਂ ਡੈਂਡਰਫ ਨੂੰ ਦੂਰ ਕਰਨ ‘ਚ ਮਦਦ ਕਰਦੇ ਹਨ। ਇਹ ਤੱਤ ਸਕੈਲਪ ਤੋਂ ਰੈਡਨੈੱਸ ਅਤੇ ਪਪੜੀਦਾਰ ਪੈਚ ਨੂੰ ਵੀ ਦੂਰ ਕਰਦੀ ਹੈ।
• ਐਲੋਵੇਰਾ ‘ਚ ਮੌਜੂਦ ਐਂਟੀਬੈਕਟੀਰੀਅਲ ਗੁਣ ਸਕੈਲਪ ‘ਤੇ ਡੈਂਡਰਫ ਕਾਰਨ ਹੋਣ ਵਾਲੀ ਖਾਜ ਨੂੰ ਵੀ ਸ਼ਾਂਤ ਕਰਦਾ ਹੈ।
• ਐਲੋਵੇਰਾ ‘ਚ ਪ੍ਰੋਟੀਓਲਾਈਟਿਕ ਐਂਜ਼ਾਈਮ ਨਾਂ ਦਾ ਤੱਤ ਹੁੰਦਾ ਹੈ, ਜੋ ਸਕੈਲਪ ਤੋਂ ਡੈੱਡ ਸਕਿਨ ਸੈੱਲ ਦੀ ਮੁਰੰਮਤ ਕਰਦਾ ਹੈ।
• ਜੇਕਰ ਤੁਹਾਡੇ ਸਿਰ ਜਾਂ ਵਾਲਾਂ ‘ਤੇ ਡੈਂਡਰਫ ਹੈ ਤਾਂ ਤੁਸੀਂ ਐਲੋਵੇਰਾ ਦੀ ਵਰਤੋਂ ਕਰ ਸਕਦੇ ਹੋ। ਐਲੋਵੇਰਾ ਨੂੰ ਨਿੰਬੂ, ਐਪਲ ਸਾਈਡਰ ਵਿਨੇਗਰ ਜਾਂ ਬੇਕਿੰਗ ਸੋਡਾ ਦੇ ਨਾਲ ਮਿਲਾ ਕੇ ਲਗਾਇਆ ਜਾ ਸਕਦਾ ਹੈ। ਐਲੋਵੇਰਾ ‘ਚ ਐਂਟੀਫੰਗਲ ਅਤੇ ਐਂਟੀਬੈਕਟੀਰੀਅਲ ਗੁਣ ਹੁੰਦੇ ਹਨ, ਜੋ ਡੈਂਡਰਫ ਤੋਂ ਛੁਟਕਾਰਾ ਦਿਵਾਉਂਦੇ ਹਨ।

The post ਐਲੋਵੇਰਾ ਨਾਲ ਡੈਂਡ੍ਰਫ ਦੀ ਸਮੱਸਿਆ ਤੋਂ ਵੀ ਮਿਲੇਗੀ ਰਾਹਤ, ਇਨ੍ਹਾਂ 4 ਤਰੀਕਿਆਂ ਨਾਲ ਕਰੋ ਵਰਤੋਂ appeared first on Daily Post Punjabi.