ਕਈ ਯੂਜ਼ਰਸ ਨੇ ਇਸ ਸਬੰਧੀ ਟਵੀਟ ਕਰਦਿਆਂ ਲਿਖਿਆ ਕਿ ਇਹ ਰਾਸ਼ਟਰੀ ਝੰਡੇ ਨਾਲ ਜੁੜੇ ਕੋਡ ਦੀ ਉਲੰਘਣਾ ਹੈ। ਇਸ ਕੋਡ ਦੇ ਅਨੁਸਾਰ ਰਾਸ਼ਟਰੀ ਝੰਡੇ ਦੀ ਵਰਤੋਂ ਕਿਸੇ ਪਹਿਰਾਵੇ ਜਾਂ ਵਰਦੀ ਦੇ ਹਿੱਸੇ ਵਜੋਂ ਨਹੀਂ ਕੀਤੀ ਜਾਵੇਗੀ। ਇਸ ਨੂੰ ਕੁਸ਼ਨ, ਰੁਮਾਲ, ਨੈਪਕਿਨ ਜਾਂ ਬਕਸੇ ‘ਤੇ ਕਢਾਈ ਜਾਂ ਪ੍ਰਿੰਟ ਨਹੀਂ ਕੀਤਾ ਜਾਣਾ ਚਾਹੀਦਾ ਹੈ।ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਐਮਾਜ਼ਾਨ ਤੋਂ ਇਸ ਤਰ੍ਹਾਂ ਦੀਆਂ ਗੱਲਾਂ ਸਾਹਮਣੇ ਆ ਚੁੱਕੀਆਂ ਹਨ। ਜਿਸ ਕਾਰਨ ਗੁੱਸੇ ਵਿੱਚ ਆਏ ਲੋਕਾਂ ਵੱਲੋਂ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਜਾ ਰਹੀ ਹੈ ।

ਇਹ ਵੀ ਪੜ੍ਹੋ: 2022 ਚੋਣਾਂ : ਮੁਫ਼ਤਖੋਰੀ ਦੇ ਐਲਾਨਾਂ ਨੂੰ ਲੈ ਕੇ ਸਿਆਸੀ ਪਾਰਟੀਆਂ ‘ਤੇ SC ਸਖ਼ਤ ! ਚੋਣ ਕਮਿਸ਼ਨ ਤੇ ਕੇਂਦਰ ਨੂੰ ਨੋਟਿਸ ਜਾਰੀ

ਦੱਸ ਦੇਈਏ ਕਿ ਕੰਪਨੀ ਨੇ 73ਵੇਂ ਗਣਤੰਤਰ ਦਿਵਸ (ਅਮੇਜ਼ਨ ਰਿਪਬਲਿਕ ਡੇ ਸੇਲ) ਤੋਂ ਪਹਿਲਾਂ ਪਿਛਲੇ ਹਫਤੇ ਗਣਤੰਤਰ ਦਿਵਸ ਦੇ ਮੌਕੇ ‘ਤੇ ਸੇਲ ਚਲਾਈ ਸੀ। ਕੁਝ ਉਪਭੋਗਤਾਵਾਂ ਨੇ ਇਸ ਸੈੱਲ ‘ਤੇ ਅਜਿਹੇ ਜੁੱਤੇ ਅਤੇ ਕੱਪੜੇ ਵੇਚਣ ਦਾ ਦੋਸ਼ ਲਗਾਇਆ ਹੈ, ਜਿਸ ‘ਤੇ ਭਾਰਤੀ ਰਾਸ਼ਟਰੀ ਝੰਡਾ ਛਾਪਿਆ ਗਿਆ ਸੀ। ਜਦੋਂ ਐਮਾਜ਼ਾਨ ‘ਤੇ ਇਸ ਬਾਰੇ ਸਰਚ ਕੀਤੀ ਗਈ ਤਾਂ ਉੱਥੇ ਬਹੁਤ ਸਾਰੇ ਕੱਪੜੇ ਮਿਲੇ ਜਿਨ੍ਹਾਂ ‘ਤੇ ਤਿਰੰਗਾ ਛਾਪਿਆ ਹੋਇਆ ਸੀ।

ਗੌਰਤਲਬ ਹੈ ਕਿ ਇਸ ਤੋਂਬ ਪਹਿਲਾਂ ਵੀ 2019 ਵਿੱਚ Amazon ‘ਤੇ ਹਿੰਦੂ ਦੇਵੀ-ਦੇਵਤਿਆਂ ਦੀਆਂ ਤਸਵੀਰਾਂ ਵਾਲੇ ਟਾਇਲਟ ਸੀਟ ਕਵਰ ਅਤੇ ਡੋਰਮੈਟ ਵੇਚਣ ਦਾ ਦੋਸ਼ ਲਗਾਇਆ ਗਿਆ ਸੀ। ਉਦੋਂ ਵੀ ਉਹੀ ਬਾਈਕਾਟ ਮੁਹਿੰਮ ਚੱਲ ਰਹੀ ਸੀ । ਇਸ ਤੋਂ ਪਹਿਲਾਂ 2017 ਵਿੱਚ ਵੀ ਐਮਾਜ਼ਾਨ ਦੀ ਕੈਨੇਡੀਅਨ ਵੈੱਬਸਾਈਟ ‘ਤੇ ਭਾਰਤੀ ਤਿਰੰਗੇ ਦੀ ਤਸਵੀਰ ਵਾਲੇ ਡੋਰਮੈਟ ਵੇਚਣ ਦਾ ਦੋਸ਼ ਲੱਗਿਆ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“ਕੀ ਭਗਵੰਤ ਮਾਨ AAP ਦੀ ਬੇੜੀ ਲਾ ਸਕਣਗੇ ਪਾਰ ? ਭਗਵੰਤ ਮਾਨ ‘ਤੇ ਆਪ ਨੇ ਕਿਉਂ ਖੇਡਿਆ ਦਾਅ ? ਕੀ ਹੋਵੇਗਾ ਆਮ ਆਦਮੀ ਪਾਰਟੀ ਨੂੰ ਫਾਇਦਾ ? “

The post Amazon ਨੇ ਮੁੜ ਕੀਤਾ ਤਿਰੰਗੇ ਦਾ ਅਪਮਾਨ ! ਸੋਸ਼ਲ ਮੀਡੀਆ ‘ਤੇ ਉੱਠੀ ਬਾਈਕਾਟ ਕਰਨ ਦੀ ਮੰਗ appeared first on Daily Post Punjabi.