ਪੁਲਿਸ ਅਨੁਸਾਰ ਐਂਟੀ ਨਾਰਕੋਟਿਕ ਸੈੱਲ ਦੀ ਟੀਮ ਸ਼ੁੱਕਰਵਾਰ ਸ਼ਾਮ 7 ਵਜੇ ਰਾਮਾ ਪੈਟਰੋਲ ਪੰਪ, ਟਾਂਗਰੀ ਡੈਮ, ਅੰਬਾਲਾ ਕੈਂਟ ਨੇੜੇ ਗਸ਼ਤ ‘ਤੇ ਤਾਇਨਾਤ ਸੀ। ਇਸ ਦੌਰਾਨ ਗੁਪਤ ਸੂਚਨਾ ਮਿਲੀ ਕਿ ਗਾਂਧੀ ਨਗਰ ਸੋਨੀਆ ਕਲੋਨੀ ਅੰਬਾਲਾ ਕੈਂਟ ਦਾ ਰਹਿਣ ਵਾਲਾ ਆਸ਼ੂ ਅਫੀਮ ਵੇਚਣ ਦਾ ਧੰਦਾ ਕਰਦਾ ਹੈ। ਇਸ ਸਮੇਂ ਮੁਲਜ਼ਮ ਆਪਣੇ ਘਰ ਤੋਂ ਜਗਾਧਰੀ ਅੰਬਾਲਾ ਰੋਡ ’ਤੇ ਆਪਣੇ ਕਿਸੇ ਗਾਹਕ ਨੂੰ ਅਫੀਮ ਵੇਚਣ ਲਈ ਪੈਦਲ ਹੀ ਜਾਵੇਗਾ। ਇਸ ਸਬੰਧੀ ANC ਟੀਮ ਨੇ ਡੀਐਸਪੀ ਅੰਬਾਲਾ ਕੈਂਟ ਅਸ਼ੀਸ਼ ਚੌਧਰੀ ਨੂੰ ਸੂਚਿਤ ਕਰਕੇ ਅਗਲੇਰੀ ਕਾਰਵਾਈ ਕੀਤੀ। ਟੀਮ ਨੇ ਜਗਾਧਰੀ ਅੰਬਾਲਾ ਹਾਈਵੇਅ ’ਤੇ ਸਥਿਤ ਸੋਨੀਆ ਕਲੋਨੀ ਕੱਟ ’ਤੇ ਨਾਕਾਬੰਦੀ ਕੀਤੀ।

ਵੀਡੀਓ ਲਈ ਕਲਿੱਕ ਕਰੋ –

 

“ਰੇਡਾਂ ਮਾਰਨ ਵਾਲਾ ਧਾਕੜ ਅਫ਼ਸਰ ਕਿਉਂ ਰੋ ਪਿਆ ? ਕਹਿੰਦਾ, ਕਦੇ ਵੀ ਵਿਆਹ ਦੀ ਰੋਟੀ ਨਾ ਖਾਓ”

 

ਟੀਮ ਨੇ ਇੱਕ ਨੌਜਵਾਨ ਨੂੰ ਆਉਂਦਾ ਦੇਖਿਆ। ਪੁਲੀਸ ਨੇ ਮੁਲਜ਼ਮ ਨੌਜਵਾਨ ਨੂੰ ਰੋਕ ਕੇ ਪੁੱਛਗਿੱਛ ਕੀਤੀ। ਮੁਲਜ਼ਮ ਨੇ ਆਪਣਾ ਨਾਂ ਆਸ਼ੂ ਦੱਸਿਆ। ਪੁਲੀਸ ਨੇ ਮੁਲਜ਼ਮ ਦੀ ਤਲਾਸ਼ੀ ਲਈ। ਇਸ ਦੌਰਾਨ ਮੁਲਜ਼ਮ ਦੇ ਟਰੈਕ ਸੂਟ ਦੀ ਖੱਬੀ ਜੇਬ ਵਿੱਚੋਂ ਇੱਕ ਚਿੱਟਾ ਪਾਲੀਥੀਨ ਬਰਾਮਦ ਹੋਇਆ, ਜਿਸ ਵਿੱਚ 1 ਕਿਲੋ 100 ਗ੍ਰਾਮ ਅਫੀਮ ਬਰਾਮਦ ਹੋਈ। ਮੁਲਜ਼ਮਾਂ ਖ਼ਿਲਾਫ਼ NDPS ਐਕਟ ਦੀ ਧਾਰਾ 18 ਤਹਿਤ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।