ambulances Archives - Daily Post Punjabi

350 ਐਂਬੂਲੈਂਸਾਂ ਅਤੇ ਮਿਲਣਗੀਆਂ 50 ਨਵੀਂਆਂ ਸੀਐਨਜੀ ਬੱਸਾਂ, ਜਾਣੋ ਕੀ ਹੋਣਗੀਆਂ ਸਹੂਲਤਾਂ

Jagjeet Kaur — Wed, 21 Jul 2021 19:18:00 +0000

Bihar 350 ambulances 50 CNG buses services: 50 ਨਵੀਆਂ ਸੀ ਐਨ ਜੀ ਬੱਸਾਂ ਪਟਨਾ ਨਗਰ ਬੱਸ ਸੇਵਾ ਦੇ ਵੱਖ-ਵੱਖ ਰੂਟਾਂ ‘ਤੇ ਚੱਲਣ ਜਾ ਰਹੀਆਂ ਹਨ। ਇਸ ਦੇ ਨਾਲ ਹੀ ਮੁੱਖ ਮੰਤਰੀ ਗ੍ਰਾਮ ਟਰਾਂਸਪੋਰਟ ਯੋਜਨਾ ਤਹਿਤ ਵੱਖ ਵੱਖ ਜ਼ਿਲ੍ਹਿਆਂ ਲਈ ਪਟਨਾ ਤੋਂ 350 ਐਂਬੂਲੈਂਸਾਂ ਸ਼ੁਰੂ ਕੀਤੀਆਂ ਜਾਣਗੀਆਂ। 24 ਜੁਲਾਈ ਨੂੰ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਵੱਖ-ਵੱਖ ਜ਼ਿਲ੍ਹਿਆਂ ਲਈ 50 ਨਵੀਆਂ ਸੀਐਨਜੀ ਬੱਸਾਂ ਅਤੇ 350 ਐਂਬੂਲੈਂਸਾਂ ਨੂੰ ਹਰੀ ਝੰਡੀ ਦਿਖਾਉਣਗੇ।

ਟਰਾਂਸਪੋਰਟ ਵਿਭਾਗ ਦੀ ਮੰਤਰੀ ਸ਼ੀਲਾ ਕੁਮਾਰੀ ਦੇ ਅਨੁਸਾਰ, ਪਟਨਾ ਸ਼ਹਿਰ ਵਿੱਚ ਵੱਧ ਰਹੇ ਪ੍ਰਦੂਸ਼ਣ ਨੂੰ ਕੰਟਰੋਲ ਕਰਨ ਅਤੇ ਯਾਤਰੀਆਂ ਨੂੰ ਪ੍ਰਦੂਸ਼ਣ ਮੁਕਤ, ਸੁਰੱਖਿਅਤ ਅਤੇ ਆਧੁਨਿਕ ਟ੍ਰਾਂਸਪੋਰਟ ਸੇਵਾ ਪ੍ਰਦਾਨ ਕਰਨ ਲਈ, 50 ਨਵੀਆਂ ਸੀਐਨਜੀ ਬੱਸਾਂ ਪਟਨਾ ਸਿਟੀ ਬੱਸ ਸੇਵਾ ਦੇ ਵੱਖ ਵੱਖ ਰੂਟਾਂ ਤੇ ਚਲਾਈਆਂ ਜਾਣਗੀਆਂ। ਬਣਨ ਜਾ ਰਿਹਾ ਹੈ. ਸੀ ਐਨ ਜੀ ਬੱਸਾਂ ਬਿਹਾਰ ਰਾਜ ਸੜਕ ਆਵਾਜਾਈ ਕਾਰਪੋਰੇਸ਼ਨ ਦੁਆਰਾ ਚਲਾਈਆਂ ਜਾਣਗੀਆਂ। ਟਰਾਂਸਪੋਰਟ ਸੱਕਤਰ ਸੰਜੇ ਕੁਮਾਰ ਅਗਰਵਾਲ ਨੇ ਦੱਸਿਆ ਕਿ ਸ਼ੁਰੂਆਤੀ ਪੜਾਅ ਵਿੱਚ 20 ਡੀਜ਼ਲ ਬੱਸਾਂ ਨੂੰ ਸੀਐਨਜੀ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਸੀ, ਹੁਣ 50 ਨਵੀਆਂ ਸੀਐਨਜੀ ਬੱਸਾਂ ਚਲਾਈਆਂ ਜਾਣਗੀਆਂ। ਸਾਰੀਆਂ ਸਰਕਾਰੀ ਪਟਨਾ ਸਿਟੀ ਡੀਜ਼ਲ ਬੱਸਾਂ ਮਾਰਚ 2022 ਤੱਕ ਸੀਐਨਜੀ ਵਿੱਚ ਤਬਦੀਲ ਹੋ ਜਾਣਗੀਆਂ।

Bihar 350 ambulances 50 CNG buses services

ਟਰਾਂਸਪੋਰਟ ਸੈਕਟਰੀ ਨੇ ਕਿਹਾ ਕਿ ਪਿਛਲੇ ਦਿਨੀਂ, ਡੀਜ਼ਲ ਨਾਲ ਚੱਲਣ ਵਾਲੀਆਂ ਕੁਝ ਬੱਸਾਂ ਨੂੰ ਸੀਐਨਜੀ ਵਿੱਚ ਤਬਦੀਲ ਕੀਤਾ ਗਿਆ ਸੀ ਅਤੇ ਸੰਚਾਲਨ ਕੀਤਾ ਗਿਆ ਸੀ। ਇਸ ਦੇ ਸਫਲ ਆਪ੍ਰੇਸ਼ਨ ਤੋਂ ਬਾਅਦ ਸੀਐਨਜੀ ਬੱਸਾਂ ਦੀ ਗਿਣਤੀ ਵਿਚ ਵਾਧਾ ਕੀਤਾ ਜਾ ਰਿਹਾ ਹੈ। ਸੀ ਐਨ ਜੀ ਸਟੇਸ਼ਨਾਂ ਦੀ ਗਿਣਤੀ ਵੀ ਲਗਾਤਾਰ ਵੱਧ ਰਹੀ ਹੈ।

The post 350 ਐਂਬੂਲੈਂਸਾਂ ਅਤੇ ਮਿਲਣਗੀਆਂ 50 ਨਵੀਂਆਂ ਸੀਐਨਜੀ ਬੱਸਾਂ, ਜਾਣੋ ਕੀ ਹੋਣਗੀਆਂ ਸਹੂਲਤਾਂ appeared first on Daily Post Punjabi.

ਲਾਡੋਵਾਲ ਟੋਲ ਪਲਾਜ਼ਾ ‘ਤੇ ਕਿਸਾਨਾਂ ਨੇ ਠੱਪ ਕੀਤੀ ਪੂਰੀ ਆਵਾਜਾਈ ਪਰ ਐਂਬੂਲੈਂਸਾਂ ਲਈ ਖੋਲਿਆ ਰਸਤਾ

Iqbal Kaur — Fri, 09 Oct 2020 08:27:12 +0000

Farmers protest Ladowal toll plaza: ਲੁਧਿਆਣਾ (ਤਰਸੇਮ ਭਾਰਦਵਾਜ)- ਖੇਤੀ ਬਿੱਲਾਂ ਦਾ ਵਿਰੋਧ ਕਰ ਰਹੇ ਪੰਜਾਬ ਦੇ ਕਿਸਾਨਾਂ ਨੇ ਸੂਬੇ ਭਰ ‘ਚ 100 ਤੋਂ ਵੀ ਵੱਧ ਥਾਵਾਂ ‘ਤੇ ਟੋਲ ਪਲਾਜ਼ਾ ‘ਤੇ ਧਰਨਾ ਲਗਾ ਕੇ ਜਾਮ ਕਰਨ ਦਾ ਐਲਾਨ ਕੀਤਾ ਸੀ, ਜਿਸ ਦੇ ਮੱਦੇਨਜ਼ਰ ਲੁਧਿਆਣਾ ‘ਚ ਲਾਡੋਵਾਲ ਟੋਲ ਪਲਾਜ਼ਾ ‘ਤੇ ਸੜਕਾਂ ਘੇਰ ਕੇ ਬੈਠੇ ਇਲਾਕੇ ਦੇ ਸੈਂਕੜੇ ਕਿਸਾਨਾਂ ਵਲੋਂ ਆਵਾਜਾਈ ਪੂਰੀ ਤਰ੍ਹਾਂ ਠੱਪ ਕਰ ਦਿੱਤੀ ਪਰ ਇਸੇ ਦੌਰਾਨ ਜਦੋਂ ਕਾਫੀ ਲੰਬੇ ਜਾਮ ‘ਚ ਐਂਬੂਲੈਂਸ ਫਸ ਗਈਆ ਤਾਂ ਉਨ੍ਹਾਂ ਨੂੰ ਕੱਢਣ ਲਈ ਕਿਸਾਨ ਜੱਥੇਬੰਦੀਆਂ ਵੱਲੋਂ ਕੁਝ ਦੇਰ ਤੱਕ ਧਰਨਾ ਪ੍ਰਦਰਸ਼ਨ ਰੋਕ ਕੇ ਐਂਬੂਲੈਂਸ ਨੂੰ ਰਾਹ ਦੇ ਕੇ ਅੱਗੇ ਤੋਰਿਆ ਗਿਆ।

Farmers protest Ladowal toll plaza

ਇਸ ਦੌਰਾਨ ਕਿਸਾਨਾਂ ਨੇ ਸਾਬਿਤ ਕੀਤਾ ਹੈ ਕਿ ਆਮ ਲੋਕਾਂ ਨੂੰ ਕੋਈ ਸਮੱਸਿਆ ਨਹੀਂ ਪੈਦਾ ਹੋਣ ਦਿੱਤੀ ਜਾਵੇਗੀ, ਸਗੋਂ ਸੜਕਾਂ ਬੰਦ ਕਰਕੇ ਸਰਕਾਰ ਨੂੰ ਸੁਨੇਹਾ ਦਿੱਤਾ ਹੈ ਕਿ ਜੋ ਕਿਸਾਨਾਂ ਨਾਲ ਮਾੜਾ ਵਿਹਾਰ ਕੀਤਾ ਉਹ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਦੱਸਿਆ ਜਾਂਦਾ ਹੈ ਕਿ 12 ਵਜੇ ਤੋਂ ਸ਼ੁਰੂ ਹੋਏ ਧਰਨੇ ਪ੍ਰਦਰਸ਼ਨ ਤੋਂ ਬਾਅਦ 40 ਮਿੰਟਾਂ ‘ਚ ਫਿਲੌਰ ਤੱਕ ਕਾਫੀ ਵੱਡਾ ਜਾਮ ਲੱਗ ਗਿਆ ਸੀ।

Farmers protest Ladowal toll plaza

ਦੱਸਣਯੋਗ ਹੈ ਕਿ ਖੇਤੀ ਬਿੱਲਾਂ ਦਾ ਵਿਰੋਧ ਕਰ ਰਹੇ ਪੰਜਾਬ ਦੇ ਕਿਸਾਨਾਂ ਨੇ ਹਰਿਆਣਾ ‘ਚ ਉੱਪ ਮੁੱਖ ਮੰਤਰੀ ਦੁਸ਼ਯੰਤ ਚੌਟਾਲਾ ਦਾ ਘਿਰਾਓ ਕਰਨ ਗਏ ਕਿਸਾਨਾਂ ‘ਤੇ ਹੋਏ ਅੰਨ੍ਹੇਵਾਹ ਲਾਠੀਚਾਰਜ ਦੇ ਖਿਲਾਫ਼ ਸੂਬੇ ਦੀਆਂ 30 ਕਿਸਾਨ-ਮਜ਼ਦੂਰ ਜਥੇਬੰਦੀਆਂ ਵਲੋਂ ਅੱਜ ਭਾਵ ਸ਼ੁੱਕਰਵਾਰ ਨੂੰ 2 ਘੰਟੇ ਲਈ ਪੰਜਾਬ ਬੰਦ ਦਾ ਸੱਦਾ ਦਿੱਤਾ ਗਿਆ ਸੀ। ਇਸ ਦੇ ਮੱਦੇਨਜ਼ਰ ਅੱਜ ਵੱਖ-ਵੱਖ ਥਾਵਾਂ ‘ਤੇ ਕਿਸਾਨਾਂ ਵਲੋਂ ਸੜਕਾਂ ਅਤੇ ਰੇਲ ਮਾਰਗ ਰੋਕਦੇ ਹੋਏ ਰੋਸ਼ ਪ੍ਰਦਸ਼ਨ ਸ਼ੁਰੂ ਕਰ ਦਿੱਤੇ ਗਏ ਹਨ। ਦੁਪਹਿਰ 12 ਵਜੇ ਤੋਂ ਸ਼ੁਰੂ ਹੋਏ ਕਿਸਾਨਾਂ ਦਾ ਇਹ ‘ਚੱਕਾ ਜਾਮ’ ਪ੍ਰਦਸ਼ਨ 2 ਵਜੇ ਤੱਕ ਜਾਰੀ ਰੱਖਣ ਦਾ ਐਲਾਨ ਕੀਤਾ ਗਿਆ ਸੀ। ਇਸ ਦੌਰਾਨ ਕਿਸਾਨਾਂ ਵਲੋਂ ਸੂਬੇ ਭਰ ‘ਚ ਕਈ ਥਾਵਾਂ ‘ਤੇ ਟੋਲ ਪਲਾਜ਼ਾ ਅਤੇ ਰਿਲਾਇੰਸ ਪੈਟਰੋਲ ਪੰਪਾਂ ਨੇੜੇ ਸਾਰੇ ਹੀ ਪ੍ਰਮੁੱਖ ਸੜ੍ਹਕੀ ਮਾਰਗ ‘ਤੇ ਧਰਨਾ ਲਗਾ ਕੇ ਜਾਮ ਕਰ ਦਿੱਤੇ ਗਏ ਹਨ।

The post ਲਾਡੋਵਾਲ ਟੋਲ ਪਲਾਜ਼ਾ ‘ਤੇ ਕਿਸਾਨਾਂ ਨੇ ਠੱਪ ਕੀਤੀ ਪੂਰੀ ਆਵਾਜਾਈ ਪਰ ਐਂਬੂਲੈਂਸਾਂ ਲਈ ਖੋਲਿਆ ਰਸਤਾ appeared first on Daily Post Punjabi.

ਸੂਬੇ ਭਰ ‘ਚ ਲੋਕਾਂ ਲਈ ਚੰਗੀਆਂ ਸਿਹਤ ਸਹੂਲਤਾਂ ਲਈ ਸਰਕਾਰ ਨੇ ਕੀਤਾ ਵੱਡਾ ਉਪਰਾਲਾ

Iqbal Kaur — Sun, 16 Aug 2020 07:24:06 +0000

punjab government buy ambulances: ਪੰਜਾਬ ਦੇ ਲੋਕਾਂ ਨੂੰ ਬਿਹਤਰੀਨ ਡਾਕਟਰੀ ਸਹੂਲਤਾਵਾਂ ਦੇਣ ਲਈ ਸਰਕਾਰ ਨੇ 100 ਨਵੀਆਂ ਐਬੂਲੈਂਸ ਖਰੀਦਣ ਲਈ ਮਨਜ਼ੂਰੀ ਦੇ ਦਿੱਤੀ ਹੈ। ਸਿਹਤ ਮੰਤਰੀ ਬਲਬੀਰ ਸਿੰਘ ਸਿੱਧੂ ਨੇ ਮੋਹਾਲੀ ‘ਚ 15 ਬੇਸਿਕ ਲਾਇਫ ਸਪੋਰਟ (ਬੀ.ਐੱਲ.ਐੱਸ) ਨੂੰ ਹਰੀ ਝੰਡੀ ਦਿਖਾਉਂਦੇ ਹੋਏ ਕਿਹਾ ਹੈ ਕਿ ਇਸ ਨਾਲ ਸੂਬੇ ਲੋਕਾਂ ਨੂੰ ਐਮਰਜੰਸੀ ਦੇ ਸਮੇਂ ਵਧੀਆਂ ਮੈਡੀਕਲ ਸਹੂਲਤਾ ਮਿਲਣ ‘ਚ ਮਦਦ ਮਿਲੇਗੀ।
ਉਨ੍ਹਾਂ ਨੇ ਦੱਸਿਆ ਹੈ ਕਿ ਸਾਲ ਦੇ ਅੰਤ ਤੱਕ ਸੂਬੇ ‘ਚ ਐਬੂਲੈਂਸ ਖਰੀਦ ਦਾ ਕੰਮ ਪੂਰਾ ਹੋ ਜਾਵੇਗਾ। ਪਹਿਲੇ ਪੜਾਅ ‘ਚ 77 ਐਬੂਲੈਂਸ ਦਾ ਆਰਡਰ ਦਿੱਤਾ ਗਿਆ ਹੈ, ਜਿਨ੍ਹਾਂ ‘ਚੋਂ ਜ਼ਿਲ੍ਹਿਆਂ ਨੂੰ ਪਹਿਲਾਂ ਹੀ 17 ਐਡਵਾਂਸ ਲਾਈਫ ਸਪੋਰਟ (ਏ.ਐੱਲ.ਐੱਸ) ਐਂਬੂਲੈਂਸ ਦਿੱਤੀਆਂ ਜਾ ਚੁੱਕੀਆਂ ਹਨ। ਇਹ ਏ.ਐੱਲ.ਐੱਸ ਐਂਬੂਲੈਂਸ ਸੁਰੱਖਿਆ ਉਪਕਰਣਾਂ ਜਿਵੇਂ ਵੈਟੀਲੈਂਟਰਸ, ਡਿਫਾਈਬ੍ਰਿਲੇਟਰਸ, ਮਲਟੀ-ਪੈਰਾ ਪੇਸ਼ੈਂਟ ਮਾਨੀਟਰ, ਸਕਸ਼ਨ ਮਸ਼ੀਨ, ਨੈਬੂਲਾਈਜਰ ਆਦਿ ਦੇ ਨਾਲ ਲੈਸ ਹੈ।

punjab government buy ambulances

ਦੱਸਣਯੋਗ ਹੈ ਕਿ ਸ਼ੁੱਕਰਵਾਰ ਤੋਂ 60 ਬੀ.ਐੱਲ.ਐੱਸ ਐਬੂਲੈਂਸਾਂ ਦੀ ਡਿਲੀਵਰੀ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ ਹੈ। ਪਹਿਲੀ 15 ਐਬੂਲੈਂਸ ਕੰਮ ‘ਚ ਲਾ ਦਿੱਤੀਆਂ ਗਈਆਂ ਹਨ ਅਤੇ ਬਾਕੀ ਅਗਸਤ 2020 ਦੇ ਅੰਤ ਤੱਕ ਉਪਲੱਬਧ ਕਰਵਾ ਦਿੱਤੀਆਂ ਜਾਣਗੀਆਂ। ਸੂਬੇ ‘ਚ 5 ਮਹੀਨਿਆਂ ਦੌਰਾਨ ਐਂਬੂਲੈਂਸ 108 ਰਾਹੀਂ ਕੋਵਿਡ ਨਾਲ ਜੁੜੇ 25,177 ਮਾਮਲਿਆਂ ਨੂੰ ਨਜਿੱਠਿਆ ਜਾ ਸਕਦਾ ਹੈ। ਨਵੀਆਂ ਐਬੂਲੈਸਾਂ ਤੋਂ ਇਲਾਵਾ ਇਸ ਸਮੇਂ ਸੂਬੇ ‘ਚ 19 ਏ.ਐੱਲ.ਐੱਸ ਅਤੇ 223 ਬੀ.ਐੱਲ.ਐੱਸ ਐਬੂਲੈਂਸ ਕਾਰਜਸ਼ੀਲ ਹਨ।

The post ਸੂਬੇ ਭਰ ‘ਚ ਲੋਕਾਂ ਲਈ ਚੰਗੀਆਂ ਸਿਹਤ ਸਹੂਲਤਾਂ ਲਈ ਸਰਕਾਰ ਨੇ ਕੀਤਾ ਵੱਡਾ ਉਪਰਾਲਾ appeared first on Daily Post Punjabi.