ਇਸ ਤੋਂ ਅੱਗੇ ਸ਼ਾਹ ਨੇ ਕਿਹਾ, ‘15 ਮਿੰਟ ਦੇ ਅੰਦਰ ਚੀਨੀਆਂ ਨੂੰ ਬਾਹਰ ਕੱਢਣ ਦੇ ਫਾਰਮੂਲੇ ਨੂੰ ਸਾਲ 1962 ਵਿੱਚ ਹੀ ਲਾਗੂ ਕੀਤਾ ਜਾ ਸਕਦਾ ਸੀ । ਜੇ ਅਜਿਹਾ ਕੀਤਾ ਗਿਆ ਤਾਂ ਸਾਨੂੰ ਕਈ ਹੈਕਟੇਅਰ ਭਾਰਤੀ ਧਰਤੀ ਨੂੰ ਗੁਆਉਣਾ ਨਾ ਪੈਂਦਾ। ਤਤਕਾਲੀ ਪ੍ਰਧਾਨ ਮੰਤਰੀ ਨੇ ਆਕਾਸ਼ਵਾਣੀ ‘ਤੇ ‘ਬਾਏ ਬਾਏ ਅਸਾਮ’ ਤੱਕ ਕਹਿ ਦਿੱਤਾ ਸੀ। ਹੁਣ ਕਾਂਗਰਸ ਸਾਨੂੰ ਇਸ ਮੁੱਦੇ ‘ਤੇ ਕਿਵੇਂ ਸਿੱਖਿਆ ਦੇ ਸਕਦੀ ਹੈ? ਜਦੋਂ ਤੁਹਾਡੇ ਮਹਾਨ ਦਾਦਾ ਸੱਤਾ ਵਿੱਚ ਸਨ, ਅਸੀਂ ਆਪਣਾ ਖੇਤਰ ਚੀਨੀ ਸਰਕਾਰ ਹੱਥੋਂ ਗੁਆ ਰਹੇ ਸੀ।’

ਬਿਹਾਰ ਰੈਜੀਮੈਂਟ ਦੀ ਫੌਜ ਬਾਰੇ ਗੱਲ ਕਰਦਿਆਂ ਸ਼ਾਹ ਨੇ ਕਿਹਾ, “ਮੈਨੂੰ 16 ਬਿਹਾਰ ਰੈਜੀਮੈਂਟ ਦੇ ਜਵਾਨਾਂ ‘ਤੇ ਬਹੁਤ ਮਾਣ ਹੈ।” ਘੱਟੋ-ਘੱਟ ਸਾਡੇ ਕਾਰਜਕਾਲ ਦੌਰਾਨ ਅਸੀਂ ਮੈਦਾਨ ਵਿੱਚ ਡਟੇ ਰਹੇ ਅਤੇ ਅਸੀਂ ਸੰਘਰਸ਼ ਕੀਤਾ। ਇਨ੍ਹਾਂ ਸੈਨਿਕਾਂ ਨੇ ਮਾੜੇ ਮੌਸਮ ਦੇ ਹਾਲਾਤਾਂ ਦਾ ਸਾਹਮਣਾ ਕਰਦਿਆਂ ਸਾਡੇ ਦੇਸ਼ ਦੀ ਰੱਖਿਆ ਕੀਤੀ।

ਇਸ ਤੋਂ ਅੱਗੇ ਸ਼ਾਹ ਨੇ ਇਹ ਵੀ ਕਿਹਾ ਕਿ ਭਾਰਤ ਨੂੰ ਉਮੀਦ ਹੈ ਕਿ ਕੂਟਨੀਤਕ ਗੱਲਬਾਤ ਦੋਵਾਂ ਮੁਲਕਾਂ ਦਰਮਿਆਨ ਤਣਾਅ ਦੇ ਸੁਖਾਵੇਂ ਹੱਲ ਦੀ ਅਗਵਾਈ ਕਰ ਸਕਦੀ ਹੈ । ਗੌਰਤਲਬ ਹੈ ਕਿ 7 ਅਕਤੂਬਰ ਨੂੰ ਰਾਹੁਲ ਗਾਂਧੀ ਨੇ ਕਿਹਾ ਸੀ ਕਿ ਜੇ ਅਸੀਂ ਸੱਤਾ ਵਿੱਚ ਹੁੰਦੇ ਤਾਂ ਚੀਨ ਸਾਡੇ ਖੇਤਰ ਵਿੱਚ ਪੈਰ ਰੱਖਣ ਦੀ ਹਿੰਮਤ ਨਹੀਂ ਕਰਦਾ । ਨਰਿੰਦਰ ਮੋਦੀ ਦਾ ਕਹਿਣਾ ਹੈ ਕਿ ਭਾਰਤ ਦੀ ਧਰਤੀ ‘ਤੇ ਕੋਈ ਕਬਜ਼ਾ ਨਹੀਂ ਹੋਇਆ। ਜੇ ਸਾਡੀ ਸਰਕਾਰ ਹੁੰਦੀ, ਤਾਂ ਅਸੀਂ ਚੀਨੀ ਫੌਜ ਨੂੰ ਚੁੱਕ ਕੇ ਬਾਹਰ ਸੁੱਟ ਦਿੰਦੇ। ਹੁਣ ਉਹ ਦੇਖ ਰਹੇ ਹਨ ਕਿ ਮੋਦੀ ਇਹ ਸਭ ਕੁਝ ਕਦੋਂ ਕਰਨਗੇ ਪਰ ਜਦੋਂ ਸਾਡੀ ਸਰਕਾਰ ਆਵੇਗੀ ਤਾਂ ਦੇਸ਼ ਦੀ ਫੌਜ 15 ਮਿੰਟਾਂ ਵਿੱਚ ਚੀਨੀ ਫੌਜ ਨੂੰ ਹਰਾ ਦੇਵੇਗੀ।

The post ਰਾਹੁਲ ਗਾਂਧੀ ਦੇ ਚੀਨੀਆਂ ਨੂੰ 15 ਮਿੰਟਾਂ ‘ਚ ਭਜਾ ਦੇਣ ਵਾਲੇ ਬਿਆਨ ‘ਤੇ ਅਮਿਤ ਸ਼ਾਹ ਨੇ ਕੀਤਾ ਪਲਟਵਾਰ appeared first on Daily Post Punjabi.