ਸਿਹਤ ਨਾਲ ਜੁੜੀਆਂ ਖਬਰਾਂ ਵਿਚਾਲੇ ਅਮਿਤਾਭ ਨੂੰ ਸਟੇਡੀਅਮ ‘ਚ ਆਪਣੀ ਟੀਮ ਨੂੰ ਚੀਅਰ ਕਰਦੇ ਦੇਖਿਆ ਗਿਆ। ਅਦਾਕਾਰ ਨੇ ਇਸ ਦੀਆਂ ਤਸਵੀਰਾਂ ਆਪਣੇ ਸੋਸ਼ਲ ਮੀਡੀਆ ‘ਤੇ ਵੀ ਸ਼ੇਅਰ ਕੀਤੀਆਂ ਹਨ। ਅਮਿਤਾਭ ਬੱਚਨ ਠਾਣੇ ਦੇ ਦਾਦੋਜੀ ਕੋਂਡਾਦੇਵ ਸਟੇਡੀਅਮ ‘ਚ ਕੋਲਕਾਤਾ ਦੇ ਟਾਈਗਰਜ਼ ਖਿਲਾਫ ਇੰਡੀਅਨ ਸਟ੍ਰੀਟ ਪ੍ਰੀਮੀਅਰ ਲੀਗ ਦੇ ਫਾਈਨਲ ਮੈਚ ‘ਚ ਆਪਣੀ ਟੀਮ ਮਾਝੀ ਮੁੰਬਈ ਲਈ ਚੀਅਰ ਕਰਦੇ ਨਜ਼ਰ ਆਏ। ਵਾਇਰਲ ਹੋ ਰਹੀ ਵੀਡੀਓ ‘ਚ ਬਿੱਗ ਬੀ ਨੂੰ ਪੂਰੇ ਜੋਸ਼ ਨਾਲ ਆਪਣੀ ਟੀਮ ਨੂੰ ਚੀਅਰ ਕਰਦੇ ਦੇਖਿਆ ਜਾ ਸਕਦਾ ਹੈ। ਬਿੱਗ ਬੀ ਦੇ ਨਾਲ ਉਨ੍ਹਾਂ ਦਾ ਬੇਟਾ ਅਭਿਸ਼ੇਕ ਬੱਚਨ ਵੀ ਮੌਜੂਦ ਸੀ। ਇਸ ਸਮੇਂ ਦੌਰਾਨ, ਅਮਿਤਾਭ ਬੱਚਨ ਨੂੰ ਚਿੱਟੇ ਰੰਗ ਦੀ ਹੂਡੀ ਪਾਈ ਹੋਈ ਦਿਖਾਈ ਦਿੱਤੀ, ਜਿਸ ਨੂੰ ਉਨ੍ਹਾਂ ਨੇ ਕਾਲੇ ਜੌਗਰਸ ਅਤੇ ਸਪੋਰਟਸ ਸ਼ੂਜ਼ ਨਾਲ ਜੋੜਿਆ ਸੀ। ਪਿਓ-ਪੁੱਤ ਦੀ ਜੋੜੀ ਨੇ ਆਪਣੀ ਟੀਮ ਨੂੰ ਰੋਮਾਂਚਕ ਫਾਈਨਲ ਮੈਚ ਖੇਡਦੇ ਦੇਖਿਆ। ਇੰਨਾ ਹੀ ਨਹੀਂ ਕ੍ਰਿਕਟ ਦੇ ਮਹਾਨ ਖਿਡਾਰੀ ਸਚਿਨ ਤੇਂਦੁਲਕਰ ਵੀ ਉਨ੍ਹਾਂ ਦੇ ਨਾਲ ਸਟੇਡੀਅਮ ‘ਚ ਨਜ਼ਰ ਆਏ।  ਰਿਪੋਰਟ ਮੁਤਾਬਕ ਅਮਿਤਾਭ ਮੈਚ ਤੋਂ ਬਾਅਦ ਸਟੇਡੀਅਮ ਤੋਂ ਬਾਹਰ ਆਏ ਤਾਂ ਮੀਡੀਆ ਨੇ ਉਨ੍ਹਾਂ ਦੀ ਸਿਹਤ ਬਾਰੇ ਪੁੱਛਿਆ। ਇਸ ‘ਤੇ ਬਿੱਗ ਬੀ ਨੇ ਆਪਣੀ ਬੀਮਾਰੀ ਦੀ ਖਬਰ ਦਾ ਖੰਡਨ ਕੀਤਾ ਹੈ। ਉਸ ਨੇ ਮੁਸਕਰਾਉਂਦੇ ਹੋਏ ਕਿਹਾ, “ਫੇਕ ਨਿਊਜ਼।” ਇਸ ਸਭ ਦੇ ਵਿਚਕਾਰ, ਪ੍ਰਸ਼ੰਸਕ ਆਪਣੇ ਪਸੰਦੀਦਾ ਮੇਗਾਸਟਾਰ ਨੂੰ ਬਿਲਕੁਲ ਠੀਕ ਦੇਖ ਕੇ ਬਹੁਤ ਖੁਸ਼ ਹਨ।

T 4951 – pic.twitter.com/mlvUmA7cjX

— Amitabh Bachchan (@SrBachchan) March 15, 2024

ਦੱਸ ਦੇਈਏ ਕਿ ਸ਼ੁੱਕਰਵਾਰ ਦੁਪਹਿਰ ਤੋਂ ਹੀ ਅਮਿਤਾਭ ਬੱਚਨ ਦੀ ਸਿਹਤ ਨੂੰ ਲੈ ਕੇ ਖਬਰਾਂ ਆ ਰਹੀਆਂ ਸਨ। ਜਦੋਂ ਕਿ ਬਹੁਤ ਸਾਰੀਆਂ ਰਿਪੋਰਟਾਂ ਵਿੱਚ ਕਿਹਾ ਗਿਆ ਸੀ ਕਿ ਉਹ ਨਿਯਮਤ ਜਾਂਚ ਲਈ ਕੋਕਿਲਾਬੇਨ ਹਸਪਤਾਲ ਗਏ ਸੀ,ਦਾਅਵਾ ਕੀਤਾ ਕਿ ਉਨ੍ਹਾਂ ਨੂੰ ਐਂਜੀਓਪਲਾਸਟੀ ਲਈ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਇਸ ਸਭ ਦੇ ਵਿਚਕਾਰ, ਸੁਪਰਸਟਾਰ ਨੇ ਸ਼ੁੱਕਰਵਾਰ ਦੁਪਹਿਰ ਨੂੰ ਟਵਿੱਟਰ ‘ਤੇ ਇੱਕ  ਪੋਸਟ ਵੀ ਕੀਤੀ। “T 4950 – ਹਮੇਸ਼ਾ ਧੰਨਵਾਦੀ.” ਇੱਕ ਘੰਟੇ ਬਾਅਦ, ਅਮਿਤਾਭ ਨੇ ਸਟ੍ਰੀਟ ਪ੍ਰੀਮੀਅਰ ਲੀਗ ਲਈ ਬੇਟੇ ਅਭਿਸ਼ੇਕ ਦੀ ਮਾਝੀ ਮੁੰਬਈ ਟੀਮ ‘ਤੇ ਇੱਕ ਪ੍ਰਮੋਸ਼ਨਲ ਵੀਡੀਓ ਵੀ ਅਪਲੋਡ ਕੀਤਾ।