ਸੀਮਾ ਹੈਦਰ ਦੇ ਭਾਰਤ ਆਉਣ ਅਤੇ ਵਿਆਹ ਕਰਵਾਉਣ ਦੀਆਂ ਖਬਰਾਂ ਵਿਚਕਾਰ ਅੰਜੂ ਦਾ ਪਾਕਿਸਤਾਨ ਜਾਣਾ ਦੋਹਾਂ ਦੇਸ਼ਾਂ ‘ਚ ਕਾਫੀ ਚਰਚਾ ਦਾ ਵਿਸ਼ਾ ਬਣ ਗਿਆ ਸੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਅੰਜੂ ਨੇ ਇਕ ਇੰਟਰਵਿਊ ‘ਚ ਦੱਸਿਆ ਕਿ ਨਸਰੁੱਲਾ ਨਾਲ ਕਿਸੇ ਤਰ੍ਹਾਂ ਦੀ ਕੋਈ ਸਿਆਸੀ ਗੱਲਬਾਤ ਨਹੀਂ ਹੋਈ। ‘ਅਪਰ ਦੀਰ’ ਦੇ ਲੋਕ ਉਸ ਨੂੰ ਭਾਰਤ ਬਾਰੇ ਕਈ ਤਰ੍ਹਾਂ ਦੇ ਸਵਾਲ ਪੁੱਛਦੇ ਸਨ। ਅੰਜੂ ਨੇ ਦੱਸਿਆ ਕਿ ਪਾਕਿਸਤਾਨ ਦੇ ਲੋਕਾਂ ਵਿੱਚ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਲਈ ਕਮਾਲ ਕ੍ਰੇਜ਼ ਹੈ। ਉਥੋਂ ਦੇ ਨਾਗਰਿਕਾਂ ਮੁਤਾਬਕ ਪਾਕਿਸਤਾਨ ਨੂੰ ਵੀ ਮੋਦੀ ਵਰਗੇ ਨੇਤਾ ਦੀ ਲੋੜ ਹੈ ਜੋ ਦੇਸ਼ ਨੂੰ ਅੱਗੇ ਲੈ ਜਾ ਸਕੇ। ਇੰਟਰਵਿਊ ‘ਚ ਅੰਜੂ ਨੇ ਖੁਲਾਸਾ ਕੀਤਾ ਹੈ ਕਿ ਉਹ ਜਲਦੀ ਹੀ ਨਸਰੁੱਲਾ ਨੂੰ ਭਾਰਤ ਬੁਲਾਏਗੀ।

ਅੰਜੂ ਇਸ ਸਾਲ ਜੁਲਾਈ ‘ਚ ਭਾਰਤ ਤੋਂ ਪਾਕਿਸਤਾਨ ਗਈ ਸੀ। ਉਹ ਆਪਣੇ ਫੇਸਬੁੱਕ ਦੋਸਤ ਨਸਰੁੱਲਾ ਨੂੰ ਮਿਲਣ ਗਈ ਸੀ ਅਤੇ ਫਿਰ ਉਹ ਰੁਕ ਗਈ। ਉਸ ਦਾ ਵੀਜ਼ਾ ਜਿਸ ਦੀ ਮਿਆਦ ਅਗਸਤ ਵਿੱਚ ਖਤਮ ਹੋ ਗਈ ਸੀ, ਨੂੰ ਵੀ ਵਧਾ ਦਿੱਤਾ ਗਿਆ ਸੀ। ਅੰਜੂ ਅਤੇ ਨਸਰੁੱਲਾ ਦੋਵੇਂ ਇੱਕ ਦੂਜੇ ਨੂੰ 2019 ਤੋਂ ਜਾਣਦੇ ਸਨ।

ਅੰਜੂ ਮੁਤਾਬਕ ਨਸਰੁੱਲਾ ਬੱਚਿਆਂ ਨੂੰ ਗੋਦ ਲਵੇਗਾ ਜਾਂ ਨਹੀਂ, ਇਹ ਬਾਅਦ ਦੀ ਗੱਲ ਹੈ। ਅੰਜੂ ਦੇ ਮੁਤਾਬਕ ਫਿਲਹਾਲ ਨਸਰੁੱਲਾ ਦੇ ਪਹੁੰਚਣ ਲਈ ਕਈ ਪ੍ਰਕਿਰਿਆਵਾਂ ਕਰਨੀਆਂ ਬਾਕੀ ਹਨ ਅਤੇ ਇਸ ‘ਚ ਕਾਫੀ ਸਮਾਂ ਲੱਗਦਾ ਹੈ। ਅੰਜੂ ਨੇ ਕਿਹਾ ਕਿ ਉਹ ਹੁਣ ਦੁਬਈ ਵਿੱਚ ਸੈਟਲ ਹੋਣ ਦੀ ਯੋਜਨਾ ਬਣਾ ਰਹੀ ਹੈ। ਅੰਜੂ ਨੇ ਦੁਹਰਾਇਆ ਕਿ ਉਸਨੇ ਕਾਨੂੰਨੀ ਪ੍ਰਕਿਰਿਆ ਦੇ ਤਹਿਤ ਹੀ ਸਰਹੱਦ ਪਾਰ ਕੀਤੀ ਸੀ। ਅੰਜੂ ਨੇ ਇਹ ਵੀ ਕਿਹਾ ਕਿ ਉਹ ਪਹਿਲੀ ਵਿਅਕਤੀ ਨਹੀਂ ਸੀ ਜੋ ਪਾਕਿਸਤਾਨ ਗਈ ਸੀ।

ਇਹ ਵੀ ਪੜ੍ਹੋ : ਡਿਫਾਲਟਰਾਂ ਲਈ ਸੁਨਿਹਰੀ ਮੌਕਾ! 31 ਦਸੰਬਰ ਤੱਕ ਪ੍ਰਾਪਰਟੀ ਟੈਕਸ ਦੀ ਵਿਆਜ ਤੇ ਜੁਰਮਾਨੇ ‘ਤੇ 100 ਫੀਸਦੀ ਛੋਟ

ਅੰਜੂ ਮੁਤਾਬਕ ਉਸ ਦੀ ਇਮੇਜ ਬਣਾਈ ਗਈ ਹੈ ਕਿ ਉਹ ਆਪਣੇ ਬੱਚਿਆਂ ਨੂੰ ਛੱਡ ਕੇ ਭੱਜ ਗਈ ਹੈ। ਉਸ ਦੇ ਇਰਾਦੇ ਚੰਗੇ ਸਨ ਅਤੇ ਅਜਿਹੇ ‘ਚ ਉਨ੍ਹਾਂ ਦੇ ਅਕਸ ‘ਤੇ ਗਲਤ ਸਵਾਲ ਖੜ੍ਹੇ ਹੋ ਰਹੇ ਹਨ। ਅੰਜੂ ਮੁਤਾਬਕ ਬੱਚੇ ਨਸਰੁੱਲਾ ਨੂੰ ਪਹਿਲਾਂ ਤੋਂ ਜਾਣਦੇ ਸਨ। ਉਸਨੇ ਆਪਣੀ ਵੱਡੀ ਧੀ ਨੂੰ ਸਾਰੀ ਗੱਲ ਦੱਸ ਦਿੱਤੀ ਸੀ। ਅੰਜੂ ਮੁਤਾਬਕ ਨਸਰੁੱਲਾ ਅਤੇ ਬੱਚੇ ਦੋਵੇਂ ਆਮ ਤੌਰ ‘ਤੇ ਇਕ-ਦੂਜੇ ਨਾਲ ਗੱਲ ਕਰਦੇ ਸਨ।

ਵੀਡੀਓ ਲਈ ਕਲਿੱਕ ਕਰੋ : –

The post ‘ਪਾਕਿਸਤਾਨੀ PM ਮੋਦੀ ਦੇ ਵੱਡੇ ਫੈਨ’- ਭਾਰਤ ਪਰਤੀ ਅੰਜੂ ਦਾ ਇੰਟਰਵਿਊ ‘ਚ ਖੁਲਾਸਾ appeared first on Daily Post Punjabi.