ਪੁਲਿਸ ਮੁਤਾਬਕ ਔਰਤ ਨੇ ਦੋਸ਼ ਲਾਇਆ ਕਿ ਇਸ ਐਪਲ ਬਲੂਟੁੱਥ ਡਿਵਾਈਸ ਦੀ ਮਦਦ ਨਾਲ ਉਸ ਦੀ ਲੋਕੇਸ਼ਨ ਅਤੇ ਫੋਨ ਕਾਲਾਂ ਨੂੰ ਰਿਕਾਰਡ ਕੀਤਾ ਗਿਆ। ਔਰਤ ਨੇ ਇਹ ਵੀ ਦੱਸਿਆ ਕਿ ਮਈ ‘ਚ ਉਸ ਦੇ ਆਈਫੋਨ ‘ਤੇ ਅਲਰਟ ਆਇਆ ਸੀ। ਇਸ ਵਿੱਚ ਲਿਖਿਆ ਸੀ- ਏਅਰ ਟੈਗ ਤੁਹਾਨੂੰ ਫਾਲੋ ਕਰ ਰਿਹਾ ਹੈ। ਅਲਰਟ ‘ਤੇ ਕਲਿੱਕ ਕਰਨ ‘ਤੇ ਲਿਖਿਆ ਸੀ- ਤੁਹਾਡੀ ਲੋਕੇਸ਼ਨ ਏਅਰ ਟੈਗ ਮਾਲਕ ਵੱਲੋਂ ਦੇਖੀ ਜਾ ਰਹੀ ਹੈ।

ਔਰਤ ਮੁਤਾਬਕ ਉਸ ਦੇ ਫੋਨ ਦੇ ਨਾਲ-ਨਾਲ ਡਰਾਈਵਰ ਅਤੇ ਉਸ ਦੀ ਧੀ ਦੇ ਫੋਨ ‘ਤੇ ਵੀ ਅਲਰਟ ਮੈਸੇਜ ਆਉਣ ਲੱਗੇ। ਇਸ ਤੋਂ ਬਾਅਦ ਔਰਤ ਨੂੰ ਸ਼ੱਕ ਹੋਇਆ ਕਿ ਕੋਈ ਉਸ ਦੀ ਜਾਸੂਸੀ ਕਰ ਰਿਹਾ ਹੈ। ਜਦੋਂ ਔਰਤ ਨੇ ਡਿਵਾਈਸ ਦਾ ਪਤਾ ਲਗਾਉਣ ਲਈ ਕਾਰ ਨੂੰ ਸਰਵਿਸ ਸੈਂਟਰ ਭੇਜਿਆ, ਤਾਂ ਪਤਾ ਲੱਗਾ ਕਿ ਡਰਾਈਵਿੰਗ ਸੀਟ ਦੇ ਪਿੱਛੇ ਕਵਰ ਦੇ ਹੇਠਾਂ ਏਅਰ ਟੈਗ ਲਗਾਇਆ ਗਿਆ ਸੀ।

ਜਾਸੂਸੀ ਦਾ ਸ਼ੱਕ ਜਤਾਉਂਦੇ ਹੋਏ ਔਰਤ ਨੇ ਜੁਲਾਈ ‘ਚ ਸਾਈਬਰ ਸੈੱਲ ‘ਚ ਸ਼ਿਕਾਇਤ ਦਰਜ ਕਰਵਾਈ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਦੋਸ਼ੀ ਦੀ ਪਛਾਣ ਕਰ ਲਈ ਗਈ ਹੈ। ਉਹ ਔਰਤ ਦਾ ਵਾਕਫ਼ ਹੈ। ਉਸ ਨੇ ਡਿਵਾਈਸ ਦੀ ਮਦਦ ਨਾਲ ਮਹਿਲਾ ਦੀ ਕਾਲ ਰਿਕਾਰਡ ਕੀਤੀ ਅਤੇ ਲੋਕੇਸ਼ਨ ਵੀ ਟ੍ਰੈਕ ਕੀਤੀ। ਪੁਲਿਸ ਨੇ ਇਸ ਮਾਮਲੇ ਵਿੱਚ ਮੁਲਜ਼ਮ ਖ਼ਿਲਾਫ਼ ਆਈਪੀਸੀ ਅਤੇ ਆਈਟੀ ਐਕਟ ਤਹਿਤ ਕੇਸ ਦਰਜ ਕਰ ਲਿਆ ਹੈ।

ਇਹ ਵੀ ਪੜ੍ਹੋ : ਕੈਂਸਰ ਦਾ ਇਲਾਜ 1 ਲੱਖ ‘ਚ ਕਰਨ ਵਾਲੇ ਡਾਕਟਰ ਨੂੰ ਮਿਲੇਗਾ ਮੈਗਸੇਸ ਐਵਾਰਡ, ਗਰੀਬਾਂ ਦਾ ਕਰਦੇ ਫ੍ਰੀ ਇਲਾਜ

ਐਪਲ ਏਅਰ ਟੈਗ ਇੱਕ ਟਰੈਕਰ ਡਿਵਾਈਸ ਹੈ। ਇਸ ਡਿਵਾਈਸ ਨੂੰ ਐਪਲ ਨੇ 2021 ‘ਚ ਲਾਂਚ ਕੀਤਾ ਸੀ। ਇਸ ਦੀ ਮਦਦ ਨਾਲ, ਤੁਸੀਂ ਉਸ ਹਰ ਚੀਜ਼ ਨੂੰ ਟ੍ਰੈਕ ਕਰ ਸਕਦੇ ਹੋ ਜਿਸ ਵਿੱਚ ਇਹ ਸ਼ਾਮਲ ਹੈ। ਇਸ ਦੇ ਲਈ ਏਅਰ ਟੈਗ ਨੂੰ ਆਈਫੋਨ, ਆਈਪੈਡ ਜਾਂ ਹੋਰ ਐਪਲ ਡਿਵਾਈਸਾਂ ‘ਚ ਪਾਏ ਜਾਣ ਵਾਲੇ ਫਾਈਂਡ ਮਾਈ ਡਿਵਾਈਸ ਫੀਚਰ ਨਾਲ ਲਿੰਕ ਕਰਨਾ ਹੋਵੇਗਾ। ਇਸ ਤੋਂ ਬਾਅਦ ਤੁਸੀਂ ਇਸਨੂੰ ਆਸਾਨੀ ਨਾਲ ਟ੍ਰੈਕ ਕਰ ਸਕਦੇ ਹੋ।

ਹਾਲਾਂਕਿ ਐਪਲ ਨੇ ਨਿੱਜੀ ਸਮਾਨ ਨੂੰ ਨੁਕਸਾਨ ਤੋਂ ਬਚਾਉਣ ਅਤੇ ਟਰੈਕ ਕਰਨ ਲਈ ਏਅਰ ਟੈਗ ਲਾਂਚ ਕੀਤਾ ਸੀ, ਪਰ ਦੁਨੀਆ ਭਰ ਵਿੱਚ ਇਸਦੀ ਦੁਰਵਰਤੋਂ ਦੇ ਮਾਮਲੇ ਵੀ ਸਾਹਮਣੇ ਆ ਰਹੇ ਹਨ।

ਵੀਡੀਓ ਲਈ ਕਲਿੱਕ ਕਰੋ -:

“ਮਾਣਕ ਦੇ ਦੋਹਤੇ’ ਹਸਨ ਮਾਣਕ ਨੂੰ ਫਿਰ ਗਾਉਣ ਤੋਂ ਰੋਕੂ ਇੰਦੀ ਬਲਿੰਗ? ਕਚਿਹਰੀਆਂ ‘ਚ ਪਹੁੰਚਕੇ ਕਰ’ਤੇ ਵੱਡੇ ਖੁਲਾਸੇ, ਸੁਣੋ 25 ਲੱਖ ‘ਚ ਕੌਣ ਕਰਦਾ ਸੀ ਸਮਝੌਤਾ? “

The post ਦੇਸ਼ ‘ਚ ਪਹਿਲੀ ਵਾਰ ਐਪਲ ਏਅਰਟੈਗ ਨਾਲ ਜਾਸੂਸੀ, ਔਰਤ ਦੀ ਕਾਰ ਡਰਾਈਵਿੰਗ ਸੀਟ ਕਵਰ ਵਿੱਚ ਲਾਇਆ appeared first on Daily Post Punjabi.