ਜੁਲਾਈ ‘ਚ ਬਲੂਮਬਰਗ ਦੀ ਰਿਪੋਰਟ ਮੁਤਾਬਕ M3 ਮੈਕਬੁੱਕ ‘ਚ ਦੋ ਮਾਡਲ ਲਾਂਚ ਕੀਤੇ ਜਾਣਗੇ, ਜਿਸ ‘ਚ 13 ਇੰਚ ਦੀ ਸਕਰੀਨ ਵਾਲਾ ਮੈਕਬੁੱਕ ਏਅਰ ਅਤੇ 13 ਇੰਚ ਸਕ੍ਰੀਨ ਵਾਲਾ ਦੂਜਾ ਮੈਕਬੁੱਕ ਪ੍ਰੋ ਹੋਵੇਗਾ। ਇਸ ਤੋਂ ਇਲਾਵਾ ਐਪਲ M2 15 ਇੰਚ ਮੈਕਬੁੱਕ ਏਅਰ ਅਤੇ M2 ਅਲਟਰਾ ਮੈਕ ਸਟੂਡੀਓ ਵੀ ਲਾਂਚ ਕਰੇਗਾ। ਨਵੀਂ ਮੈਕਬੁੱਕ ਨੂੰ ਲਾਂਚ ਕਰਨ ਦੀ ਯੋਜਨਾ ਦੇ ਨਾਲ-ਨਾਲ ਐਪਲ ਨਵੇਂ ਆਈਪੈਡ ਨੂੰ ਲਾਂਚ ਕਰਨ ਦੀ ਦਿਸ਼ਾ ‘ਚ ਵੀ ਕੰਮ ਕਰ ਰਿਹਾ ਹੈ। ਐਪਲ ਇੱਕ OLED ਸਕ੍ਰੀਨ ਦੇ ਨਾਲ ਇੱਕ ਨਵੇਂ M3 iPad ਮਾਡਲ ‘ਤੇ ਵੀ ਕੰਮ ਕਰ ਰਿਹਾ ਹੈ, ਪਰ ਅਗਲੇ ਸਾਲ ਤੱਕ ਇਸ ਦੇ ਆਉਣ ਦੀ ਉਮੀਦ ਨਹੀਂ ਹੈ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਐਪਲ ਅਜੇ M3 ਨੂੰ ਲਾਂਚ ਨਹੀਂ ਕਰੇਗਾ ਕਿਉਂਕਿ ਕੰਪਨੀ ਫਿਲਹਾਲ ਆਪਣੇ ਮੌਜੂਦਾ ਲਾਈਨਅੱਪ ਨੂੰ ਬਿਹਤਰ ਬਣਾਉਣ ‘ਤੇ ਧਿਆਨ ਦੇ ਰਹੀ ਹੈ।

ਇਸ ਮਹੀਨੇ ਦੇ ਸ਼ੁਰੂ ਵਿੱਚ, ਇੱਕ ਰਿਪੋਰਟ ਵਿੱਚ ਸੁਝਾਅ ਦਿੱਤਾ ਗਿਆ ਸੀ ਕਿ ਐਪਲ ਪ੍ਰੀਮੀਅਮ ਪ੍ਰੋ ਡਿਸਪਲੇ XDR ਮਾਨੀਟਰ ਦੇ ਸਮਾਨ ਡਿਸਪਲੇ ਦੇ ਨਾਲ ਇੱਕ ਵੱਡੇ, 32-ਇੰਚ ਦੇ iMac ਦੀ ਜਾਂਚ ਕਰ ਰਿਹਾ ਹੈ। ਐਪਲ ਨੂੰ ਐਡਵਾਂਸਡ 3nm ਪ੍ਰਕਿਰਿਆ ਰਾਹੀਂ ਆਪਣਾ ਨਵਾਂ M3 ਚਿਪਸੈੱਟ ਬਣਾਉਣ ਦੀ ਉਮੀਦ ਹੈ। ਇਹ ਨਵਾਂ ਚਿਪਸੈੱਟ ਪੁਰਾਣੀ 5nm M2 ਚਿੱਪ ਨਾਲੋਂ ਬਿਹਤਰ ਹੋਵੇਗਾ, ਜਿਸ ਨਾਲ ਕੰਪਨੀ ਦੇ ਡਿਵਾਈਸਾਂ ਨੂੰ ਹੋਰ ਵੀ ਵਧੀਆ ਪ੍ਰਦਰਸ਼ਨ ਮਿਲੇਗਾ। ਇਸ ਸਮੇਂ ਐਪਲ ਦਾ ਸਭ ਤੋਂ ਵੱਡਾ ਮੈਕਬੁੱਕ iMac ਹੈ ਜੋ ਕਿ 24-ਇੰਚ ਦਾ M1 ਮਾਡਲ ਹੈ ਜਿਸ ਨੂੰ ਐਪਲ ਨੇ 2021 ਵਿੱਚ ਪੇਸ਼ ਕੀਤਾ ਸੀ। ਕੰਪਨੀ ਨੇ ਪਿਛਲੇ ਸਾਲ ਇੰਟੈਲ ਆਧਾਰਿਤ 27 ਇੰਚ ਦੇ iMac ਤੋਂ ਛੁਟਕਾਰਾ ਪਾਇਆ ਸੀ।