ਵੀਡੀਓ ‘ਚ ਅਰਿਜੀਤ ਬਹੁਤ ਹੀ ਸ਼ਾਂਤਮਈ ਢੰਗ ਨਾਲ ਔਰਤ ਨੂੰ ਘਟਨਾ ਬਾਰੇ ਦੱਸਦੇ ਹੋਏ ਨਜ਼ਰ ਆ ਰਹੇ ਹਨ। ਵੀਡੀਓ ‘ਚ ਗਾਇਕ ਕਹਿ ਰਿਹਾ ਹੈ, ‘ਤੁਸੀਂ ਮੈਨੂੰ ਖਿੱਚ ਰਹੇ ਹੋ, ਕਿਰਪਾ ਕਰਕੇ ਸਟੇਜ ‘ਤੇ ਆਓ। ਮੇਰੇ ਹੱਥ ਦੁਖ ਰਹੇ ਹਨ, ਠੀਕ ਹੈ? ਤੁਹਾਨੂੰ ਸਮਝਣਾ ਪਏਗਾ, ਮੈਂ ਤੁਹਾਨੂੰ ਬਿਨਾਂ ਕਿਸੇ ਕਾਰਨ ਦੋਸ਼ ਨਹੀਂ ਦੇ ਰਿਹਾ। ਮੇਰਾ ਹੱਥ ਸੱਚਮੁੱਚ ਦੁਖਦਾ ਹੈ।’ ਉਸ ਨੇ ਅੱਗੇ ਕਿਹਾ, ‘ਤੁਸੀਂ ਇੱਥੇ ਮਸਤੀ ਕਰਨ ਆਏ ਹੋ, ਕੋਈ ਸਮੱਸਿਆ ਨਹੀਂ ਹੈ। ਪਰ ਜੇ ਮੈਂ ਪ੍ਰਦਰਸ਼ਨ ਨਹੀਂ ਕਰ ਪਾਵਾਂਗਾ ਤਾਂ ਤੁਸੀਂ ਆਨੰਦ ਕਿਵੇਂ ਮਾਣੋਗੇ। ਤੁਸੀਂ ਮੈਨੂੰ ਇਸ ਤਰ੍ਹਾਂ ਖਿੱਚ ਰਹੇ ਹੋ, ਹੁਣ ਮੇਰੇ ਹੱਥ ਕੰਬ ਰਹੇ ਹਨ। ਇਹ ਸੁਣ ਕੇ ਔਰਤ ਨੇ ਕਈ ਵਾਰ ਗਾਇਕ ਤੋਂ ਮੁਆਫੀ ਮੰਗੀ। ਵੀਡੀਓ ਸਾਹਮਣੇ ਆਉਂਦੇ ਹੀ ਪ੍ਰਸ਼ੰਸਕ ਅਰਿਜੀਤ ਦੇ ਇਸ ਸ਼ਾਂਤ ਵਿਵਹਾਰ ਦੀ ਤਾਰੀਫ ਕਰ ਰਹੇ ਹਨ।

ਤੁਹਾਨੂੰ ਦੱਸ ਦੇਈਏ ਕਿ ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਇੱਕ ਮਹਿਲਾ ਪ੍ਰਸ਼ੰਸਕ ਨੇ ਅਰਿਜੀਤ ਨਾਲ ਹੱਥ ਮਿਲਾਉਣ ਦੀ ਕੋਸ਼ਿਸ਼ ਕਰਦੇ ਹੋਏ ਉਸ ਦਾ ਸੱਜਾ ਹੱਥ ਖਿੱਚ ਲਿਆ, ਜਿਸ ਕਾਰਨ ਉਹ ਆਪਣਾ ਸੰਤੁਲਨ ਗੁਆ ਬੈਠੇ ਅਤੇ ਜ਼ਖਮੀ ਹੋ ਗਏ। ਦੱਸ ਦੇਈਏ ਕਿ ਅਰਿਜੀਤ ਇਨ੍ਹੀਂ ਦਿਨੀਂ ਦੇਸ਼ ਵਿਆਪੀ ਦੌਰੇ ‘ਤੇ ਹਨ। ਉਹ ਇਸ ਟੂਰ ‘ਚ ਦਿੱਲੀ, ਕੋਲਕਾਤਾ ਅਤੇ ਅਹਿਮਦਾਬਾਦ ‘ਚ ਪ੍ਰਦਰਸ਼ਨ ਕਰ ਚੁੱਕੇ ਹਨ।

The post ਅਰਿਜੀਤ ਸਿੰਘ ਨਾਲ ਲਾਈਵ ਕੰਸਰਟ ਦੌਰਾਨ ਮਹਿਲਾ ਪ੍ਰਸ਼ੰਸਕ ਨੇ ਕੀਤਾ ਦੁਰਵਿਵਹਾਰ, ਗਾਇਕ ਹੋਏ ਜ਼ਖਮੀ appeared first on Daily Post Punjabi.