arjun character Singham Again

ਪਿਛਲੇ ਮਹੀਨੇ, ਰੋਹਿਤ ਸ਼ੈੱਟੀ ਨੇ ‘ਸਿੰਘਮ ਅਗੇਨ’ (ਸਿੰਘਮ 3) ਤੋਂ ਅਰਜੁਨ ਕਪੂਰ ਦੀ ਪਹਿਲੀ ਝਲਕ ਸਾਂਝੀ ਕੀਤੀ ਸੀ । ਪੋਸਟਰ ‘ਚ ਅਦਾਕਾਰ ਦਾ ਖਤਰਨਾਕ ਲੁੱਕ ਕਿਸੇ ਦੀ ਵੀ ਰੀੜ੍ਹ ਦੀ ਹੱਡੀ ਨੂੰ ਕੰਬਣ ਲਈ ਕਾਫੀ ਸੀ। ਉਸ ਦੇ ਹੱਥ ਵਿਚ ਖੂਨ ਨਾਲ ਭਿੱਜੀ ਤਲਵਾਰ, ਉਸ ਦੇ ਚਿਹਰੇ ‘ਤੇ ਖੂਨ ਅਤੇ ਅਦਾਕਾਰ ਦੀ ਤੀਬਰ ਮੁਸਕਰਾਹਟ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਪੋਸਟਰ ਦੇ ਨਾਲ ਹੀ ਰੋਹਿਤ ਸ਼ੈੱਟੀ ਨੇ ਕਿਹਾ ਸੀ ਕਿ ਫਿਲਮ ਵਿੱਚ ਅਰਜੁਨ ਕਪੂਰ  ਇੱਕ ਦੁਸ਼ਟ ਖਲਨਾਇਕ ਦਾ ਕਿਰਦਾਰ ਨਿਭਾਉਣਗੇ, ਪਰ ਕਿਰਦਾਰ ਦਾ ਨਾਂ ਸਾਹਮਣੇ ਨਹੀਂ ਆਇਆ। ਹੁਣ ਪਤਾ ਲੱਗ ਗਿਆ ਹੈ ਕਿ ਫਿਲਮ ‘ਚ ਅਦਾਕਾਰ ਕਿਹੜਾ ਕਿਰਦਾਰ ਨਿਭਾਉਣ ਜਾ ਰਹੇ ਹਨ।

ਰਿਪੋਰਟ ਦੇ ਅਨੁਸਾਰ, ਅਰਜੁਨ ਕਪੂਰ ਰੋਹਿਤ ਸ਼ੈੱਟੀ ਦੀ ਐਕਸ਼ਨ ਥ੍ਰਿਲਰ ਸਿੰਘਮ ਅਗੇਨ  ਵਿੱਚ ਡੇਂਜਰ ਲੰਕਾ ਦੀ ਭੂਮਿਕਾ ਨਿਭਾਉਣਗੇ । ਉਹ ਅਦਾਕਾਰ ਜੈਕੀ ਸ਼ਰਾਫ ਦੇ ਨਾਲ ਇੱਕ ਖ਼ਤਰਨਾਕ ਖਲਨਾਇਕ ਹੋਵੇਗਾ। ਉਹ ਮਿਲ ਕੇ ਸਿੰਘਮ ਨੂੰ ਹਰਾਉਣਗੇ। ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਅਰਜੁਨ ਕਪੂਰ ਦੇ ਕਿਰਦਾਰ ਨੂੰ ਡੇਂਜਰ ਲੰਕਾ ਦਾ ਨਾਂ ਦੇਣ ਪਿੱਛੇ ਇਕ ਵੱਡੀ ਕਹਾਣੀ ਹੈ, ਜਿਸ ਦਾ ਪਤਾ ਫਿਲਮ ਨੂੰ ਦੇਖਣ ਤੋਂ ਬਾਅਦ ਹੀ ਹੋਵੇਗਾ। ਰੋਹਿਤ ਸ਼ੈਟੀ ਨੇ ਉਸ ਨੂੰ ਅਜਿਹਾ ਕਿਰਦਾਰ ਦਿੱਤਾ ਹੈ ਜੋ ਦਰਸ਼ਕਾਂ ਦੇ ਦਿਲਾਂ ‘ਤੇ ਅਮਿੱਟ ਛਾਪ ਛੱਡੇਗਾ।

ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .

The post ਰੋਹਿਤ ਸ਼ੈੱਟੀ ਦੀ ‘Singham Again’ ‘ਚ ਅਰਜੁਨ ਕਪੂਰ ਇਸ ਕਿਰਦਾਰ ‘ਚ ਆਉਣਗੇ ਨਜ਼ਰ appeared first on Daily Post Punjabi.