asaduddin owaisi attacks rss Archives - Daily Post Punjabi

‘ਹਿੰਦੂ ਹੁੰਦੇ ਨੇ ਦੇਸ਼ ਭਗਤ’ RSS ਮੁਖੀ ਦੇ ਬਿਆਨ ‘ਤੇ ਓਵੈਸੀ ਨੇ ਪੁੱਛਿਆ, ਗਾਂਧੀ ਜੀ ਦੇ ਕਾਤਲ ਤੇ 1984 ਦੇ ਸਿੱਖ ਵਿਰੋਧੀ ਦੰਗਿਆਂ ਬਾਰੇ ਕੀ ਕਹਿਣਗੇ ਭਾਗਵਤ ?

Sukhpreet Singh — Sat, 02 Jan 2021 07:37:28 +0000

Owaisi slashes on rss chief mohan bhagwat : ਨਵੀਂ ਦਿੱਲੀ: ਹੈਦਰਾਬਾਦ ਦੇ ਸੰਸਦ ਮੈਂਬਰ ਅਤੇ ਆਲ ਇੰਡੀਆ ਮਜਲਿਸ-ਏ-ਇਤਹਾਦੁਲ ਮੁਸਲੀਮੀਨ (AIMIM) ਦੇ ਮੁਖੀ ਅਸਦੁਦੀਨ ਓਵੈਸੀ ਨੇ ਆਰਐਸਐਸ ਮੁਖੀ ਮੋਹਨ ਭਾਗਵਤ (RSS) ਦੇ ‘ਹਿੰਦੂ ਦੇਸ਼ ਭਗਤ’ ਵਾਲੇ ਬਿਆਨ ‘ਤੇ ਤਿੱਖੀ ਪ੍ਰਤੀਕ੍ਰਿਆ ਦਿੱਤੀ ਹੈ। ਉਨ੍ਹਾਂ ਨੇ ਪੁੱਛਿਆ ਹੈ ਕਿ ਜੇ ਸਾਰੇ ਹਿੰਦੂ ਦੇਸ਼ ਭਗਤ ਹਨ, ਤਾਂ ਗਾਂਧੀ ਜੀ ਦੇ ਕਾਤਲ ਨੱਥੂਰਾਮ ਗੋਡਸੇ ਬਾਰੇ ਤੁਸੀਂ ਕੀ ਸੋਚਦੇ ਹੋ? ਓਵੈਸੀ ਨੇ ਟਵੀਟ ਕਰਕੇ ਪੁੱਛਿਆ, “ਕੀ ਭਾਗਵਤ ਜਵਾਬ ਦੇਣਗੇ: ਗਾਂਧੀ ਜੀ ਦੇ ਕਾਤਲ ਗੌਡਸੇ ਦੇ ਬਾਰੇ?” ਨੈਲੀ ਕਤਲੇਆਮ, 1984 ਦੇ ਸਿੱਖ ਵਿਰੋਧੀ ਦੰਗਿਆਂ ਅਤੇ 2002 ਦੇ ਗੁਜਰਾਤ ਕਤਲੇਆਮ ਲਈ ਜ਼ਿੰਮੇਵਾਰ ਲੋਕਾਂ ਬਾਰੇ?”

Owaisi slashes on rss chief mohan bhagwat

ਉਨ੍ਹਾਂ ਨੇ ਅੱਗੇ ਲਿਖਿਆ, “ਇਹ ਵਾਜਬ ਹੈ ਕਿ ਧਰਮ ਵਿੱਚ ਭੇਦਭਾਵ ਕੀਤੇ ਬਿਨਾਂ, ਬਹੁਤੇ ਭਾਰਤੀ ਦੇਸ਼ ਭਗਤ ਹਨ। ਇਹ ਆਰਐਸਐਸ ਦੀ ਸਿਰਫ ਬੇਤੁਕੀ ਵਿਚਾਰਧਾਰਾ ਹੈ ਕਿ ਇੱਕ ਧਰਮ ਦੇ ਲੋਕਾਂ ਨੂੰ ਆਪਣੇ ਆਪ ਦੇਸ਼ ਭਗਤੀ ਦਾ ਸਰਟੀਫਿਕੇਟ ਦੇ ਦਿੱਤਾ ਜਾਂਦਾ ਹੈ ਜਦੋਂ ਕਿ ਦੂਸਰੇ ਲੋਕਾਂ ਨੂੰ ਆਪਣੀ ਸਾਰੀ ਜ਼ਿੰਦਗੀ ਇਹ ਸਾਬਿਤ ਕਰਦਿਆਂ ਰਹਿਣਾ ਪੈਂਦਾ ਹੈ ਕਿ ਉਨ੍ਹਾਂ ਨੂੰ ਇਥੇ ਰਹਿਣ ਦਾ ਅਤੇ ਭਾਰਤੀ ਕਹਾਉਣ ਦਾ ਅਧਿਕਾਰ ਹੈ।”

ਦੱਸ ਦਈਏ ਕਿ ਸੰਘ ਦੇ ਮੁਖੀ ਮੋਹਨ ਭਾਗਵਤ ਨੇ ਸ਼ੁੱਕਰਵਾਰ ਨੂੰ ਨਵੀਂ ਦਿੱਲੀ ਵਿੱਚ ਇੱਕ ਪੁਸਤਕ ਰਿਲੀਜ਼ ਪ੍ਰੋਗਰਾਮ ਵਿੱਚ ਕਿਹਾ ਸੀ ਕਿ ਹਿੰਦੂ ਦੇਸ਼ ਭਗਤ ਹਨ। ਇਸ ਕਿਤਾਬ ਵਿੱਚ ਮਹਾਤਮਾ ਗਾਂਧੀ ਨੂੰ ਹਿੰਦੂ ਦੇਸ਼ ਭਗਤ ਦੱਸਿਆ ਗਿਆ ਹੈ। ਓਵੈਸੀ ਦਾ ਇਹ ਪ੍ਰਤੀਕਰਮ ਮੋਹਨ ਭਾਗਵਤ ਦੇ ਉਸੇ ਬਿਆਨ ‘ਤੇ ਆਇਆ ਹੈ। ਕਿਤਾਬ (ਦਿ ਮੇਕਿੰਗ ਆਫ ਏ ਟਰੂ ਪੈਟ੍ਰਿਓਟ: ਬੈਕਗ੍ਰਾਉਂਡ ਆਫ ਗਾਂਧੀ ਜੀ ਹਿੰਦ ਸਵਰਾਜ) ਵਿੱਚ ਲਿਖਿਆ ਗਿਆ ਹੈ ਕਿ ‘ਮਹਾਤਮਾ ਗਾਂਧੀ ਸਾਡੇ ਸਮੇਂ ਦੇ ਮਹਾਨ ਹਿੰਦੂ ਦੇਸ਼ ਭਗਤ ਸਨ’, ਇੱਕ ਹਜ਼ਾਰ ਪੰਨਿਆਂ ਦੀ ਇਹ ਕਿਤਾਬ ਮੁੱਖ ਤੌਰ ਤੇ ਗਾਂਧੀ ਜੀ ਦੁਆਰਾ 1891 ਤੋਂ 1909 ਦੇ ਵਿੱਚ ਲਿਖੇ ਲੇਖਾ ‘ਤੇ ਅਧਾਰਿਤ ਹੈ। ਇਸ ਵਿੱਚ ਗੁਜਰਾਤੀ ‘ਚ ਲਿਖੀ ਉਨ੍ਹਾਂ ਦੀ ਲਿਖਤ ਵੀ ਸ਼ਾਮਿਲ ਹੈ।

ਇਹ ਵੀ ਦੇਖੋ : ਨਵੇਂ ਸਾਲ ‘ਤੇ ਨੌਜਵਾਨਾਂ ‘ਚ ਕਿਸਾਨੀ ਸੰਘਰਸ਼ ਨੂੰ ਲੈ ਕੇ ਦੀਖਿਆ ਜੋਸ਼, ਦੇਖੋ ਕਿੰਜ ਪਾ ਰਹੇ ਕੇਂਦਰ ਨੂੰ ਲਾਹਣਤਾਂ

The post ‘ਹਿੰਦੂ ਹੁੰਦੇ ਨੇ ਦੇਸ਼ ਭਗਤ’ RSS ਮੁਖੀ ਦੇ ਬਿਆਨ ‘ਤੇ ਓਵੈਸੀ ਨੇ ਪੁੱਛਿਆ, ਗਾਂਧੀ ਜੀ ਦੇ ਕਾਤਲ ਤੇ 1984 ਦੇ ਸਿੱਖ ਵਿਰੋਧੀ ਦੰਗਿਆਂ ਬਾਰੇ ਕੀ ਕਹਿਣਗੇ ਭਾਗਵਤ ? appeared first on Daily Post Punjabi.

ਓਵੈਸੀ ਨੇ RSS ‘ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ, ਜਦੋਂ ਸੰਘ ਸੰਵਿਧਾਨ ਦੀ ਪ੍ਰਸ਼ੰਸਾ ਕਰਦਾ ਹੈ ਤਾਂ…

Sukhpreet Singh — Wed, 18 Nov 2020 05:55:47 +0000

asaduddin owaisi attacks rss: ਨਵੀਂ ਦਿੱਲੀ: ਏਆਈਐਮਆਈਐਮ ( AIMIM ) ਪਾਰਟੀ ਦੇ ਮੁਖੀ ਅਤੇ ਹੈਦਰਾਬਾਦ ਤੋਂ ਸੰਸਦ ਅਸਦੁਦੀਨ ਓਵੈਸੀ ਨੇ ਇੱਕ ਵਾਰ ਫਿਰ ਰਾਸ਼ਟਰੀ ਸਵੈਸੇਵਕ ਸੰਘ ਯਾਨੀ ਆਰਐਸਐਸ (RSS) ‘ਤੇ ਨਿਸ਼ਾਨਾ ਸਾਧਿਆ ਹੈ। ਓਵੈਸੀ ਨੇ ਕਿਹਾ ਕਿ ਸੰਘ ਇੱਕ ਅਜਿਹਾ ਭਾਰਤ ਚਾਹੁੰਦਾ ਹੈ, ਜਿੱਥੇ ਇੱਕ ਧਰਮ ਅਤੇ ਪਹਿਚਾਣ ਸਰਬੋਤਮ ਹੋਵੇ। ਓਵੈਸੀ ਨੇ ਟਵੀਟ ਕੀਤਾ, “ਸੰਵਿਧਾਨ ਨਿੱਜੀ ਮਾਣ, ਵਿਭਿੰਨਤਾ ਅਤੇ ਸਮਾਜਿਕ ਨਿਆਂ ਦਾ ਪ੍ਰਤੀਕ ਹੈ। ਜਦੋਂ ਸੰਘ ਸੰਵਿਧਾਨ ਦੀ ਕਦਰ ( ਪ੍ਰਸ਼ੰਸਾ ) ਕਰਦਾ ਹੈ, ਤਾਂ ਉਹ ਕਦੇ ਵੀ ਇਹਨਾਂ ਜ਼ਰੂਰੀ ਕਦਰਾਂ ਕੀਮਤਾਂ ਦੀ ਗੱਲ ਨਹੀਂ ਕਰਦਾ ਕਿਉਂਕਿ ਉਹ ਅਜਿਹਾ ਭਾਰਤ ਚਾਹੁੰਦਾ ਹੈ ਜਿੱਥੇ ਇੱਕ ਧਰਮ ਅਤੇ ਪਹਿਚਾਣ ਸਰਵਉੱਚ ਹੋਵੇ। ਇਹ ਸਾਡੇ ਸੰਸਥਾਪਕਾਂ ਦੇ ‘ਬਰਾਬਰ ਅਤੇ ਨਿਰਪੱਖ ਭਾਰਤ ‘ਦੇ ਦਰਸ਼ਨ ਦੇ ਉਲਟ ਧਰੁਵੀ ਹੈ।

asaduddin owaisi attacks rss

ਜ਼ਿਕਰਯੋਗ ਹੈ ਕਿ ਪਿੱਛਲੇ ਮਹੀਨੇ ਵੀ ਓਵੈਸੀ ਨੇ ਆਰਐਸਐਸ ਤੇ ਨਿਸ਼ਾਨਾ ਸਾਧਿਆ ਸੀ। ਰਾਸ਼ਟਰੀ ਸਵੈ ਸੇਵਕ ਸੰਘ (ਆਰਐਸਐਸ) ਦੇ ਮੁਖੀ ਮੋਹਨ ਭਾਗਵਤ ਦੇ ਸਿਟੀਜ਼ਨਸ਼ਿਪ ਐਕਟ (ਸੀਏਏ) ਬਾਰੇ ਦਿੱਤੇ ਬਿਆਨ ‘ਤੇ ਵੀ ਏਆਈਐਮਆਈਐਮ ਦੇ ਮੁਖੀ ਅਤੇ ਹੈਦਰਾਬਾਦ ਦੇ ਸੰਸਦ ਅਸਦੁਦੀਨ ਓਵੈਸੀ ਨੇ ਪਲਟਵਾਰ ਕੀਤਾ ਸੀ। ਓਵੈਸੀ ਨੇ ਕਿਹਾ ਸੀ ਕਿ ਮੁਸਲਮਾਨ ਬੱਚੇ ਨਹੀਂ ਹਨ ਜਿਨ੍ਹਾਂ ਨੂੰ ਗੁੰਮਰਾਹ ਕੀਤਾ ਜਾ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਬਾਰ ਬਾਰ ਅਜਿਹੇ ਕਾਨੂੰਨਾਂ ਖਿਲਾਫ ਵਿਰੋਧ ਪ੍ਰਦਰਸ਼ਨ ਕਰਦੇ ਰਹਾਂਗੇ, ਜਿਸ ਵਿੱਚ ਸਾਨੂੰ ਆਪਣੇ ਆਪ ਨੂੰ ਭਾਰਤੀ ਸਾਬਿਤ ਕਰਨਾ ਹੋਵੇਗਾ। ਅਸਦੁਦੀਨ ਓਵੈਸੀ ਦੀ ਪਾਰਟੀ ਏਆਈਐਮਆਈਐਮ ਨੇ ਇਸ ਵਾਰ ਬਿਹਾਰ ਵਿਧਾਨ ਸਭਾ ਚੋਣਾਂ ਵਿੱਚ ਪੰਜ ਸੀਟਾਂ ’ਤੇ ਕਬਜ਼ਾ ਕੀਤਾ ਹੈ। ਇਸ ਜਿੱਤ ਤੋਂ ਉਤਸ਼ਾਹਿਤ ਹੋ ਕੇ ਓਵੈਸੀ ਨੇ ਕਿਹਾ ਹੈ ਕਿ ਉਹ ਅਗਲੇ ਸਾਲ ਪੱਛਮੀ ਬੰਗਾਲ ਵਿੱਚਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਪੂਰੇ ਜ਼ੋਰਸ਼ੋਰ ਨਾਲ ਮੈਦਾਨ ਵੁੱਚ ਉੱਤਰਨਗੇ। ਏਆਈਐਮਆਈਐਮ ਦੇ ਬੰਗਾਲ ਵਿੱਚ ਚੋਣ ਲੜਣ ਬਾਰੇ, ਭਾਜਪਾ ਨੇਤਾ ਕੈਲਾਸ਼ ਵਿਜੇਵਰਗੀਆ ਨੇ ਕਿਹਾ, “ਓਵੈਸੀ (ਦੀ ਪਾਰਟੀ) ਪੱਛਮੀ ਬੰਗਾਲ ਵਿਧਾਨ ਸਭਾ ਚੋਣਾਂ ਲੜੇ ਜਾਂ ਨਾਂ ਲੜੇ, ਪਰ ਸਾਨੂੰ ਵਿਸ਼ਵਾਸ ਹੈ ਕਿ ਉੱਥੇ ਸਾਡੀ ਸਰਕਾਰ ਦੋ ਤਿਹਾਈ ਬਹੁਮਤ ਨਾਲ ਬਣੇਗੀ।’

ਇਹ ਵੀ ਦੇਖੋ : ਪੰਜਾਬ ‘ਚ ਹੁਣ ਖੁੱਲਣ ਲੱਗੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਨਾਂਅ ‘ਤੇ ਡੇਰੇ, ਜੇ ਨਹੀਂ ਯਕੀਨ ਤਾਂ ਦੇਖੋ ਇਹ ਰਿਪੋਰਟ

The post ਓਵੈਸੀ ਨੇ RSS ‘ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ, ਜਦੋਂ ਸੰਘ ਸੰਵਿਧਾਨ ਦੀ ਪ੍ਰਸ਼ੰਸਾ ਕਰਦਾ ਹੈ ਤਾਂ… appeared first on Daily Post Punjabi.