ਏਸ਼ੀਅਨ ਗੇਮਸ ਵਿਚ ਭਾਰਤ ਦਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਹੈ। ਏਸ਼ੀਆਈ ਖੇਡਾਂ ਦੇ 10ਵੇਂ ਦਿਨ ਮੁੱਕੇਬਾਜ਼ ਪ੍ਰੀਤੀ ਪੰਵਾਰ ਨੇ ਕਾਂਸੇ ਦਾ ਤਮਗਾ ਜਿੱਤ ਕੇ ਦੇਸ਼ ਨੂੰ 62ਵਾਂ ਤਮਗਾ ਦਿਵਾਇਆ। ਦੂਜੇ ਪਾਸੇ ਸਟਾਰ ਮੁੱਕੇਬਾਜ਼ ਲਵਲੀਨਾ ਬੋਰਗੋਹੇਨ ਵੀ ਫਾਈਨਲ ਵਿਚ ਪਹੁੰਚ ਗਈ ਹੈ। ਲਵਲੀਨਾ ਨੇ ਗੱਟ ਤੋਂ ਘੱਟ ਕਾਂਸੇ ਦਾ ਤਮਗਾ ਕੰਫਰਮ ਕਰ ਲਿਆ ਹੈ।

ਭਾਰਤੀ ਮੁੱਕੇਬਾਜ਼ ਪ੍ਰੀਤੀ ਪੰਵਾਰ ਨੂੰ ਏਸ਼ੀਆਈ ਖੇਡਾਂ ਵਿਚ 54 ਕਿਲੋ ਸੈਮੀਫਾਈਨਲ ਮੁਕਾਬਲੇ ਵਿਚ ਮੌਜੂਦਾ ਫਲਾਯਵੇਟ ਚੈਂਪੀਅਨ ਚੀਨ ਦੀ ਚਾਂਗ ਯੁਆਨ ਤੋਂ ਹਾਰਨ ਦੇ ਬਾਅਦ ਕਾਂਸੇ ਦੇ ਤਮਗੇ ਨਾਲ ਸੰਤੋਸ਼ ਕਰਨਾ ਪਿਆ। ਇਸ ਦੇ ਨਾਲ ਹੀ ਉਹ ਪੈਰਿਸ ਓਲੰਪਿਕ ਦਾ ਟਿਕਟ ਹਾਸਲ ਕਰਨ ਤੋਂ ਵੀ ਚੂਕ ਗਈ।

ਪਹਿਲੇ ਤਿੰਨ ਮਿੰਟ ਵਿਚ ਪ੍ਰੀਤੀ ਨੇ ਚੰਗਾ ਪ੍ਰਦਰਸ਼ਨ ਕੀਤਾ ਪਰ ਬਾਅਦ ਵਿਚ ਤੈਅ ਕਾਇਮ ਨਹੀਂ ਰੱਖ ਸਕੀ। ਚੀਨੀ ਖਿਡਾਰੀ ਨੇ ਜ਼ਬਰਦਸਤ ਪ੍ਰਦਰਸ਼ਨ ਕਰਦੇ ਹੋਏ ਉਨ੍ਹਾਂ ਨੂੰ ਕੋਈ ਮੌਕਾ ਨਹੀਂ ਦਿੱਤਾ। ਪਹਿਲੇ ਦੌਰ ਵਿਚ 5 ਵਿਚੋਂ 4 ਜੱਜ ਨੇ ਚੀਨੀ ਖਿਡਾਰੀ ਦੇ ਪੱਖ ਵਿਚ ਫੈਸਲਾ ਦਿੱਤਾ। ਦੂਜੇ ਦੌਰ ਵਿਚ ਪ੍ਰੀਤੀ ਨੇ ਉਸ ਦਾ ਡਿਫੈਂਸ ਤੋੜਨ ਦੀ ਕੋਸ਼ਿਸ਼ ਕੀਤੀ। ਪ੍ਰੀਤੀ ਨੂੰ ਸਿਰ ਦੇ ਪਿੱਛੇ ਤੋਂ ਮਾਰਨ ‘ਤੇ ਯੁਆਨ ਨੂੰ ਚੇਤਾਵਨੀ ਵੀ ਮਿਲੀ। ਹਾਲਾਂਕਿ ਚੀਨੀ ਨੇ ਆਖਰੀ ਤਿੰਨ ਮਿੰਟ ਵਿਚ ਰਖਿਆਤਮਕ ਖੇਡ ਦਿਖਾਉਂਦੇ ਹੋਏ ਜਿੱਤ ਦਰਜ ਕੀਤੀ।

ਇਹ ਵੀ ਪੜ੍ਹੋ : ਭਾਰਤ ਦੀ ਪਹਿਲੀ ਪੁਲਾੜ ਯਾਤਰੀ ਕਲਪਨਾ ਚਾਵਲਾ ਦੇ ਪਿਤਾ ਦਾ ਦਿਹਾਂਤ, ਕਰਨਾਲ ਦੇ ਹਸਪਤਾਲ ‘ਚ ਲਏ ਆਖਰੀ ਸਾਹ

ਸਟਾਰ ਮੁੱਕੇਬਾਜ਼ ਲਵਲੀਨਾ ਬੋਰਗੋਹੇਨ ਔਰਤਾਂ ਦੇ 75 ਕਿਲੋਗ੍ਰਾਮ ਭਾਰਤ ਵਰਗ ਦੇ ਫਾਈਨਲ ਵਿਚ ਪਹੁੰਚ ਗਈ ਹੈ। ਲਵਲੀਨਾ ਨੇ ਥਾਈਲੈਂਡ ਦੀ ਬਾਈਸਨ ਖਿਲਾਫ 5-0 ਦੇ ਫਰਕ ਨਾਲ ਜਿੱਤ ਦਰਜ ਕੀਤੀ।ਇਸ ਦੇ ਨਾਲ ਹੀ ਲਵਲੀਨਾ ਨੇ ਘੱਟ ਤੋਂ ਘੱਟ ਕਾਂਸੇ ਦਾ ਮੈਡਲ ਪੱਕਾ ਕਰ ਲਿਆ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਪੈਰਿਸ ਓਲੰਪਿਕ ਦਾ ਟਿਕਟ ਵੀ ਹਾਸਲ ਕਰ ਲਿਆ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

 

ਜੇ ਤੁਸੀਂ ਇਥੇ ਇਕ ਵਾਰੀ ਚਲੇ ਗਏ ਤਾਂ ਉਂਗਲਾਂ ਤੱਕ ਚੱਟ ਜਾਉਗੇ, ਇਕੋ ਜਗ੍ਹਾ ‘ਤੇ ਮੌਜੂਦ ਹੈ ਹਰ ਤਰ੍ਹਾਂ ਦੀ Dish