ਕੌਣ ਹੁੰਦੇ ਹਨ ਐਸੀਮਪੋਟੋਮੈਟਿਕ ਮਰੀਜ਼: ਐਸੀਮਪੋਟੋਮੈਟਿਕ ਮਰੀਜ਼ ਉਹ ਹੁੰਦੇ ਹਨ ਜਿਨ੍ਹਾਂ ‘ਚ ਕੋਰੋਨਾ ਦੇ ਸ਼ੁਰੂਆਤੀ ਲੱਛਣ ਜਿਵੇਂ ਖੰਘ, ਜ਼ੁਕਾਮ ਅਤੇ ਬੁਖਾਰ ਦਿਖਾਈ ਨਹੀਂ ਦਿੰਦੇ। ਅਜਿਹੀ ਸਥਿਤੀ ਵਿੱਚ ਮਰੀਜ਼ਾਂ ਨੂੰ ਨਹੀਂ ਪਤਾ ਹੁੰਦਾ ਕਿ ਉਹ ਸਕਾਰਾਤਮਕ ਹਨ ਜਿਸ ਨਾਲ ਉਹ ਜ਼ਿਆਦਾ ਸੰਕਰਮਣ ਫੈਲਾ ਸਕਦੇ ਹੋ। ਡਾਕਟਰਾਂ ਦੇ ਅਨੁਸਾਰ ਅਸਮੈਟੋਮੈਟਿਕ ਮਰੀਜ਼ ਕੋਰੋਨਾ ਵਾਇਰਸ ਚੇਨ ਨੂੰ ਮਜ਼ਬੂਤ ​​ਕਰ ਰਹੇ ਹਨ। ਅਜਿਹੀ ਸਥਿਤੀ ਵਿੱਚ ਭਾਰਤ ਆਪਣੀ ਜਾਂਚ ਦੇ ਢੰਗ ਨੂੰ ਬਦਲਣ ਦੀ ਤਾਕ ਵਿੱਚ ਹੈ।

ਸਿਹਤ ਮੰਤਰਾਲੇ ਨੇ ਜਾਹਰ ਕੀਤੀ ਚਿੰਤਾ: ਸਿਹਤ ਮੰਤਰਾਲੇ ਨੇ ਕਿਹਾ ਕਿ ਕੋਵਿਡ-19 ਦੇ 80% ਮਰੀਜ਼ਾਂ ‘ਚ ਕੋਈ ਲੱਛਣ ਨਹੀਂ ਦਿੱਖ ਰਹੇ ਹਨ ਜਾਂ ਬਹੁਤ ਆਮ ਹੀ ਲੱਛਣ ਦਿਖਾਈ ਦੇ ਰਹੇ ਹਨ। ਐਸੀਮਪੋਟੋਮੈਟਿਕ ਮਰੀਜ਼ ਅਸਾਨੀ ਨਾਲ ਦੂਜਿਆਂ ਵਿੱਚ ਸੰਕਰਮਣ ਫੈਲਾ ਸਕਦੇ ਹਨ ਜੋ ਕਿ ਇੱਕ ਚਿੰਤਾ ਦਾ ਵਿਸ਼ਾ ਹੈ।

ਕਿਉਂ ਨਹੀਂ ਦਿੱਖ ਰਹੇ ਲੱਛਣ: ਦਰਅਸਲ ਬਹੁਤ ਸਾਰੇ ਲੋਕਾਂ ਦੀ ਇਮਿਊਨਿਟੀ ਮਜ਼ਬੂਤ ਹੁੰਦੀ ਹੈ। ਅਜਿਹੀ ਸਥਿਤੀ ਵਿਚ ਜਦੋਂ ਉਨ੍ਹਾਂ ਨੂੰ ਇਕ ਵਾਇਰਸ ਦੀ ਲਾਗ ਲੱਗ ਜਾਂਦੀ ਹੈ, ਤਾਂ ਉਨ੍ਹਾਂ ਦੀ ਸਰੀਰ ਦੀ ਇਮਿਊਨਿਟੀ ਸਰੀਰ ਨੂੰ ਪ੍ਰਭਾਵਤ ਨਹੀਂ ਹੋਣ ਦਿੰਦੀ, ਜਿਸ ਕਾਰਨ ਵਿਅਕਤੀ ਸਧਾਰਣ ਮਹਿਸੂਸ ਕਰਦਾ ਹੈ ਅਤੇ ਲੱਛਣ ਬਾਹਰ ਨਹੀਂ ਆਉਂਦੇ ਪਰ ਇਹ ਕਾਫ਼ੀ ਖ਼ਤਰਨਾਕ ਹੋ ਸਕਦਾ ਹੈ।

ਮਾਹਰ ਨੇ ਕੀ ਕਿਹਾ: ਮਾਹਰ ਦੇ ਅਨੁਸਾਰ ਅੱਜ ਕੱਲ ਐਸੀਮਪੋਮੈਟਿਕ ਦੇ ਕੇਸ ਜ਼ਿਆਦਾ ਆ ਰਹੇ ਹਨ। ਅਜਿਹੇ ਲੋਕਾਂ ਦੀ ਪਛਾਣ ਜਾਂਚ ਤੋਂ ਬਾਅਦ ਹੀ ਕੀਤੀ ਜਾ ਸਕਦੀ ਹੈ। ਉਸੇ ਸਮੇਂ ਅਜਿਹੇ ਲੋਕਾਂ ਵਿੱਚ ਕੋਵਿਡ-19 ਤੋਂ ਮੌਤ ਹੋਣ ਦੀ ਸੰਭਾਵਨਾ ਵੀ ਜ਼ਿਆਦਾ ਹੁੰਦੀ ਹੈ।

ਕਿੰਨ੍ਹਾ ਲੋਕਾਂ ਨੂੰ ਆਉਂਦੀ ਹੈ ਜ਼ਿਆਦਾ ਸਮੱਸਿਆ: ਜਿਹੜੇ ਲੋਕ ਸ਼ੂਗਰ, ਦਿਲ ਦੀ ਸਮੱਸਿਆ, ਆਟੋ ਇਮਿਊਨ ਬਿਮਾਰੀ, ਦਮਾ ਜਾਂ ਕਿਸੇ ਹੋਰ ਬਿਮਾਰੀ ਤੋਂ ਪੀੜਤ ਹਨ, ਉਨ੍ਹਾਂ ਨੂੰ ਵਧੇਰੇ ਖ਼ਤਰਾ ਹੁੰਦਾ ਹੈ। ਅਜਿਹੀ ਸਥਿਤੀ ਵਿੱਚ ਸੈਲਫ ਆਈਸੋਲੇਸ਼ਨ ਅਤੇ ਸਮਾਜਕ ਦੂਰੀਆਂ ਵਰਗੇ ਨਿਯਮਾਂ ਦੀ ਸਖਤੀ ਨਾਲ ਪਾਲਣ ਕਰਨ ਦੀ ਲੋੜ ਹੈ।

The post Asymptomatic ਮਰੀਜ਼ਾਂ ਦੇ ਕਾਰਨ ਵੱਧ ਰਿਹਾ ਕੋਰੋਨਾ ਦਾ ਖ਼ਤਰਾ ! appeared first on Daily Post Punjabi.