ਬਿਆਨਾਂ ਦੇ ਅਧਾਰ ‘ਤੇ ਮਾਮਲਾ ਦਰਜ ਕੀਤਾ ਗਿਆ ਹੈ।ਉਸਨੇ ਦੱਸਿਆ ਕਿ ਸੋਮਵਾਰ ਉਹ ਕਿਸੇ ਕੰਮ ਲਈ ਲੁਧਿਆਣਾ ਆਇਆ ਸੀ।ਭਾਰਤ ਨਗਰ ਚੌਕ ‘ਚ ਬੱਸ ਤੋਂ ਉਤਰਨ ਤੋਂ ਬਾਅਦ ਘੰਟਾ ਘਰ ਜਾਣ ਲਈ ਉਹ ਆਟੋ ਰਿਕਸ਼ਾ ਨੰਬਰ ਪੀ.ਬੀ10ਵੀਆਈ4588 ‘ਚ ਬੈਠ ਗਿਆ।ਉਸ ਆਟੋ ਡ੍ਰਾਈਵਰ ਤੋਂ ਇਲਾਵਾ ਪਿਛਲੀ ਸੀਟ ‘ਤੇ ਇੱਕ ਨੌਜਵਾਨ ਬੈਠਾ ਹੋਇਆ ਸੀ।ਕਰੀਬ 11.30 ਵਜੇ ਰੇਖੀ ਸਿਨੇਮਾ ਚੌਕਾ ਪਹੁੰਚ ਕੇ ਪਿੱਛੇ ਬੈਠੇ ਬਦਮਾਸ਼ ਨੇ ਡਰਾ ਧਮਕਾ ਕੇ ਜ਼ਬਰਦਸਤੀ ਉਸਦੀ ਜੇਬ ‘ਚੋਂ 3 ਹਜ਼ਾਰ ਰੁ ਅਤੇ ਮੋਬਾਇਲ ਖੋਹ ਕੇ ਫਰਾਰ ਹੋ ਗਏ।ਸੁਰਿੰਦਰ ਪਾਲ ਨੇ ਕਿਹਾ ਕਿ ਆਟੋ ਰਿਕਸ਼ਾ ਦੇ ਨੰਬਰ ਦੇ ਆਧਾਰ ‘ਤੇ ਦੋਸ਼ੀਆ ਦਾ ਪਤਾ ਲਾਇਆ ਜਾ ਰਿਹਾ ਹੈ।ਇਸ ਇਲਾਕੇ ‘ਚ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ਼ ਵੀ ਚੈੱਕ ਕੀਤੀ ਜਾ ਰਹੀ ਹੈ।

The post ਲੁਧਿਆਣਾ ‘ਚ ਆਟੋ ਗੈਂਗ ਤੋਂ ਰਹੋ ਸਾਵਧਾਨ,ਦਿਨ-ਦਿਹਾੜੇ ਨਕਦੀ ਅਤੇ ਮੋਬਾਇਲ ਖੋਹਿਆ appeared first on Daily Post Punjabi.

ਇਸ ਮਾਮਲੇ ਸਬੰਧੀ ਸਬ ਇੰਸਪੈਕਟਰ ਪ੍ਰਦੀਪ ਸਿੰਘ ਨੇ ਦੱਸਿਆ ਹੈ ਕਿ ਕਰਨ ਅਤੇ ਸੰਜੀਵ ਤੋਂ ਪੁੱਛਗਿੱਛ ਦੌਰਾਨ ਪਤਾ ਲੱਗਿਆ ਸੀ ਕਿ ਉਸ ਦੇ ਹੋਰ ਵੀ ਕਈ ਸਾਥੀ ਵਾਰਦਾਤਾਂ ‘ਚ ਸ਼ਾਮਿਲ ਹਨ, ਜਿਸ ਦੇ ਚੱਲਦਿਆਂ ਪੁਲਿਸ ਨੇ ਅਮਨ ਅਤੇ ਭੋਲਾ ਨੂੰ ਕਾਬੂ ਕਰ ਲਿਆ ਹੈ। ਦੋਸ਼ੀ ਭੋਲਾ ਨੇ ਪੁੱਛਗਿੱਛ ‘ਚ ਦੱਸਿਆ ਹੈ ਕਿ ਉਹ ਆਟੋ ‘ਚ ਨਾਲ ਬੈਠ ਵਾਰਦਾਤਾਂ ਨੂੰ ਅੰਜਾਮ ਦਿੰਦਾ ਸੀ।ਦੋਸ਼ੀ ਕਰਨ ਆਟੋ ਚਲਾਉਂਦਾ ਸੀ, ਜਦਕਿ ਸੰਜੀਵ ਤੇ ਭੋਲਾ ਪਿੱਛੇ ਬੈਠ ਸਵਾਰੀਆਂ ਦੀ ਨਗਦੀ ਅਤੇ ਮੋਬਾਇਲ ਫੋਨ ਕੱਢਦੇ ਸੀ। ਦੋਸ਼ੀ ਭੋਲੇ ਕੋਲੋ 4 ਹੋਰ ਮੋਬਾਇਲ ਫੋਨ ਵੀ ਬਰਾਮਦ ਕੀਤੇ ਗਏ। ਉਸ ਖਿਲਾਫ ਪਹਿਲਾ ਵੀ ਝਪਟਮਾਰੀ ਅਤੇ ਚੋਰੀ ਦੇ 3 ਮਾਮਲੇ ਦਰਜ ਹਨ। ਦੋਸ਼ੀ ਨਸ਼ੇ ਦੇ ਆਦੀ ਦੱਸੇ ਜਾਂਦੇ ਹਨ। ਜਾਂਚ ਅਫਸਰ ਮੁਤਾਬਕ ਭੋਲੇ ਦੇ ਪਰਿਵਾਰ ਨੇ ਉਸ ਨੂੰ ਘਰ ਤੋਂ ਬੇਦਖਲ ਕੀਤਾ ਹੋਇਆ ਹੈ। ਉਹ ਪ੍ਰਤਾਪ ਚੌਕ ਦੇ ਕੋਲ ਬਣੀ ਪਾਰਕ ‘ਚ ਸੌਂਦਾ ਸੀ ਅਤੇ ਉੱਥੇ ਹੀ ਖਾਣਾ ਆਦਿ ਖਾਂਦਾ ਸੀ।

ਸਬ ਇੰਸਪੈਕਟਰ ਪ੍ਰਦੀਪ ਸਿੰਘ ਨੇ ਇਹ ਵੀ ਦੱਸਿਆ ਕਿ ਅਮਨ ਕੁਮਾਰ ਫੈਕਟਰੀ ‘ਚ ਨੌਕਰੀ ਕਰਦਾ ਹੈ ਉਹ ਉਕਤ 3 ਦੋਸ਼ੀਆਂ ਦਾ ਦੋਸਤ ਹੈ। ਉਹ ਵਾਰਦਾਤਾਂ ਕਰ ਕੇ ਬਰਾਮਦ ਹੋਏ ਮੋਬਾਇਲ ਲਿਆ ਕੇ ਅਮਨ ਨੂੰ 2500 ਰੁਪਏ ‘ਚ ਵੇਚ ਦਿੰਦਾ ਸੀ। ਮੋਬਾਇਲ ਦੀ ਕੀਮਤ 15 ਤੋਂ 30 ਹਜ਼ਾਰ ਰੁਪਏ ਦੇ ਵਿਚਾਲੇ ਹੁੰਦੀ ਸੀ ਪਰ ਅਮਨ ਕੰਮ ਦੌਰਾਨ ਨੇੜੇ ਦੀਆਂ ਫੈਕਟਰੀਆਂ ‘ਚ ਕੰਮ ਕਰਨ ਵਾਲੇ ਪ੍ਰਵਾਸੀਆਂ ਨੂੰ 4000 ਰੁਪਏ ‘ਚ ਵੇਚ ਦਿੰਦਾ ਸੀ। ਅਮਨ ਤੋਂ 2 ਮੋਬਾਇਲ ਬਰਾਮਦ ਹੋਏ ਹਨ। ਪੁਲਿਸ ਦੋਸ਼ੀਆਂ ਦੇ ਹੋਰ ਸਾਥੀਆਂ ਦੀ ਵੀ ਭਾਲ ਕਰ ਰਹੀ ਹੈ।

The post ਵੱਡੀ ਸਫਲਤਾ: 100 ਵਾਰਦਾਤਾਂ ਨੂੰ ਅੰਜਾਮ ਦੇ ਚੁੱਕੇ ਲੁਟੇਰਾ ਆਟੋ ਗੈਂਗ ਨੂੰ ਪੁਲਿਸ ਨੇ ਕੀਤਾ ਕਾਬੂ appeared first on Daily Post Punjabi.

ਇਸ ਘਟਨਾ ਦੀ ਜਾਣਕਾਰੀ ਦਿੰਦਿਆਂ ਦੀਪਕ ਨੇ ਦੱਸਿਆ ਕਿ ਉਹ ਬੱਸ ਚੋਂ ਭਾਰਤ ਨਗਰ ਚੌਕ ਉਤਰਿਆ ਅਤੇ ਇੱਥੋ ਫੀਲਡ ਗੰਜ ਜਾਣ ਲਈ ਇੱਕ ਆਟੋ ‘ਚ ਬੈਠ ਗਿਆ। ਆਟੋ ‘ਚ ਡਰਾਈਵਰ ਤੋਂ ਇਲਾਵਾ 2 ਹੋਰ ਵਿਅਕਤੀ ਵੀ ਮੌਜੂਦ ਸੀ। ਪੀੜਤ ਨੌਜਵਾਨ ਨੇ ਇਹ ਵੀ ਜਾਣਕਾਰੀ ਦਿੱਤੀ ਹੈ ਕਿ ਆਟੋ ਡਰਾਈਵਰ ਇੱਕ ਨੌਜਵਾਨ ਨੂੰ ਸੰਜੇ ਕਹਿ ਕੇ ਬੁਲਾ ਰਿਹਾ ਸੀ। ਆਟੋ ਡਰਾਈਵਰ ਨੇ ਨੌਜਵਾਨ ਨੂੰ ਫੀਲਡ ਗੰਜ ਦਾ ਰਸਤਾ ਦਿਖਾਉਂਦੇ ਹੋਏ ਜਗਰਾਉਂ ਪੁੱਲ ‘ਤੇ ਉਤਾਰ ਦਿੱਤਾ। ਉੱਥੇ ਉਤਰ ਕੇ ਜਦੋਂ ਨੌਜਵਾਨ ਨੇ ਆਪਣੀ ਪੈਂਟ ਦੀ ਜੇਬ ‘ਚ ਹੱਥ ਮਾਰਿਆ ਤਾਂ 40,000 ਰੁਪਏ ਦੀ ਨਕਦੀ ਗਾਇਬ ਸੀ । ਨੌਜਵਾਨ ਨੇ ਜਦ ਆਟੋ ਡਰਾਈਵਰ ਨੂੰ ਆਵਾਜ਼ ਮਾਰੀ ਤਾਂ ਉਹ ਸਾਥੀਆਂ ਸਮੇਤ ਆਟੋ ਲੈ ਕੇ ਮੌਕੇ ਤੋਂ ਫਰਾਰ ਹੋ ਗਿਆ । ਨੌਜਵਾਨ ਨੇ ਆਟੋ ਦਾ ਨੰਬਰ ਨੋਟ ਕਰਕੇ ਥਾਣਾ ਡਵੀਜ਼ਨ ਨੰਬਰ 8 ਦੀ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ । ਇਸ ਮਾਮਲੇ ‘ਚ ਤਫਤੀਸ਼ੀ ਅਫਸਰ ਤਰਸੇਮ ਸਿੰਘ ਦਾ ਕਹਿਣਾ ਹੈ ਕਿ ਪੁਲਿਸ ਨੇ ਮੁਕੱਦਮਾ ਦਰਜ ਕਰਕੇ ਲੁਟੇਰਿਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ ।

The post ਹੁਣ ਆਟੋ ਲੁਟੇਰਾ ਗੈਂਗ ਨੇ ਨੌਜਵਾਨ ਨੂੰ ਬਣਾਇਆ ਨਿਸ਼ਾਨਾ, ਲੁੱਟੇ 40,000 ਰੁਪਏ appeared first on Daily Post Punjabi.