ਬਾਕਸ ਆਫਿਸ ਇੰਡੀਆ ਦੀ ਰਿਪੋਰਟ ਮੁਤਾਬਕ ਸੋਮਵਾਰ ਨੂੰ ਅਕਸ਼ੈ ਕੁਮਾਰ ਦੀ ਫਿਲਮ ਬੱਚਨ ਪਾਂਡੇ ਦੀ ਕਮਾਈ ‘ਚ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਪਹਿਲੇ ਸੋਮਵਾਰ ਨੂੰ ਕੁਲੈਕਸ਼ਨ ‘ਚ 65-70 ਫੀਸਦੀ ਕਮੀ ਆਈ ਹੈ। ਰਿਪੋਰਟ ਮੁਤਾਬਕ ਫਿਲਮ ਨੇ ਚੌਥੇ ਦਿਨ ਸਿਰਫ 4 ਕਰੋੜ ਦੀ ਕਮਾਈ ਕੀਤੀ ਹੈ। ਬਾਕਸ ਆਫਿਸ ‘ਤੇ ‘ਦਿ ਕਸ਼ਮੀਰ ਫਾਈਲਜ਼’ ਤੋਂ ਬੱਚਨ ਪਾਂਡੇ ਨੂੰ ਜ਼ਬਰਦਸਤ ਮੁਕਾਬਲਾ ਮਿਲ ਰਿਹਾ ਹੈ। ਬੱਚਨ ਪਾਂਡੇ ਨੇ 13.25 ਕਰੋੜ ਨਾਲ ਖਾਤਾ ਖੋਲ੍ਹਿਆ ਸੀ। ਇਸ ਤੋਂ ਬਾਅਦ ਫਿਲਮ ਨੇ ਸ਼ਨੀਵਾਰ ਨੂੰ 12 ਕਰੋੜ, ਐਤਵਾਰ ਨੂੰ 12 ਕਰੋੜ ਦੀ ਕਮਾਈ ਕੀਤੀ।

ਵੀਕੈਂਡ ਤੱਕ ਬੱਚਨ ਪਾਂਡੇ ਨੇ 37.25 ਕਰੋੜ ਦੀ ਕਮਾਈ ਕਰ ਲਈ ਸੀ। ਸੋਮਵਾਰ ਦੇ ਕਲੈਕਸ਼ਨ ਨੂੰ ਮਿਲਾ ਕੇ ਬੱਚਨ ਪਾਂਡੇ ਦੀ ਕਮਾਈ 41 ਕਰੋੜ ਹੋ ਗਈ ਹੈ। ਸੋਮਵਾਰ ਦੇ ਅੰਕੜੇ ਸਪੱਸ਼ਟ ਤੌਰ ‘ਤੇ ਦਿਖਾਉਂਦੇ ਹਨ ਕਿ ਕਸ਼ਮੀਰ ਫਾਈਲਜ਼ ਨੇ ਬੱਚਨ ਪਾਂਡੇ ਦੇ ਸੰਗ੍ਰਹਿ ਨੂੰ ਕਿੰਨਾ ਨੁਕਸਾਨ ਪਹੁੰਚਾਇਆ ਹੈ। ਫਿਲਮ 12 ਕਰੋੜ ਤੋਂ ਘਟ ਕੇ 4 ਕਰੋੜ ਕਿਵੇਂ ਹੋ ਗਈ, ਇਹ ਹੈਰਾਨ ਕਰਨ ਵਾਲੀ ਗੱਲ ਹੈ। ਜੇਕਰ ਬੱਚਨ ਪਾਂਡੇ ਦੇ ਕਲੈਕਸ਼ਨ ਦੀ ਇਹ ਹਾਲਤ ਰਹੀ ਤਾਂ ਫਿਲਮ ਲਈ ਕਮਾਈ ਦੇ ਲਿਹਾਜ਼ ਨਾਲ ਪਹਿਲਾ ਹਫਤਾ ਕਾਫੀ ਮੁਸ਼ਕਲ ਹੋਵੇਗਾ।

The post The Kashmir File ਦੀ ਸੁਨਾਮੀ ‘ਚ ਡੁੱਬੀ ਬੱਚਨ ਪਾਂਡੇ, ਚੌਥੇ ਦਿਨ ਕਮਾਈ ਵਿੱਚ ਵੱਡੀ ਗਿਰਾਵਟ appeared first on Daily Post Punjabi.