ਜ਼ਿਕਰਯੋਗ ਹੈ ਕਿ ਨਗਰ ਨਿਗਮ ਪ੍ਰਸ਼ਾਸਨ ਕੋਲ 200 ਤੋਂ ਵੱਧ ਕਾਰਾਂ, ਜਿਪਸੀਆਂ, ਟਿੱਪਰ, ਟਰੈਕਟਰ ਤੇ ਦੂਸਰੀਆਂ ਗੱਡੀਆਂ ਹਨ, ਜਿਨ੍ਹਾਂ ‘ਚ ਕਰੀਬ 50 ਅੰਬੈਸਡਰ ਕਾਰਾਂ, ਜਿਪਸੀਆਂ ਨੂੰ ਐਸ.ਡੀ.ਓ, ਸੁਪਰਡੈਂਟਾਂ ਅਤੇ ਸਟਾਫ ਦੇ ਹੋਰ ਮੈਂਬਰਾਂ ਨੂੰ ਫੀਲਡ ‘ਚ ਜਾਂਚ ਲਈ ਮੁਹੱਈਆ ਕਰਾਈਆਂ ਗਈਆਂ ਹਨ, ਇਹ 15 ਸਾਲ ਤੋਂ ਪੁਰਾਣੀਆਂ ਹਨ ਤੇ ਕੰਡਮ ਐਲਾਨੀਆਂ ਜਾ ਚੁੱਕੀਆਂ ਹਨ। ਇਨ੍ਹਾਂ ਦੀ ਐਵਰੇਜ਼ ਕਾਫੀ ਘੱਟ ਹੋਣ ਕਾਰਨ ਡੀਜ਼ਲ ਦਾ ਖਰਚਾ ਵੀ ਕਾਫੀ ਜ਼ਿਆਦਾ ਹੋ ਰਿਹਾ ਹੈ। ਮਾਹਰਾਂ ਮੁਤਾਬਕ ਕਈ ਕਾਰਾਂ ਅਤੇ ਜਿਪਸੀਆਂ ਦੀ ਐਵਰੇਜ਼ 3 ਤੋਂ 5 ਕਿਲੋਮੀਟਰ ਪ੍ਰਤੀ ਲਿਟਰ ਹੈ। ਨਗਰ ਨਿਗਮ ਪ੍ਰਸ਼ਾਸਨ ਨੇ ਕੰਡਮ ਵਾਹਨਾਂ ਦੀ ਮੁਰੰਮਤ ‘ਤੇ ਹੋਣ ਵਾਲੇ ਵਾਧੂ ਖਰਚ ਅਤੇ ਡੀਜ਼ਲ ਦੀ ਖਪਤ ਘੱਟ ਕਰਨ ਲਈ ਕੰਡਮ ਵਾਹਨ ਵਾਪਸ ਲੈ ਕੇ ਚਾਰਾਂ ਜ਼ੋਨਾਂ ‘ਚ 2-2 ਸਾਂਝੇ ਵਾਹਨ ਮੁਹੱਈਆ ਕਰਾਏ ਜਾਣ, ਜੋ ਲੋੜ ਪੈਣ ‘ਤੇ ਐਸ.ਡੀ.ਓਜ਼ ਜਾਂ ਸੁਪਰਡੈਂਟ ਜ਼ੋਨਲ ਕਮਿਸ਼ਨਰ ਤੋਂ ਅਲਾਟ ਕਰਵਾ ਕੇ ਲਿਜਾ ਸਕਣਗੇ ਅਤੇ ਫੀਲਡ ‘ਚ ਕੰਮ ਪੂਰਾ ਹੋਣ ‘ਤੇ ਵਾਪਸ ਜ਼ੋਨਲ ਕਮਿਸ਼ਨਰ ਦੇ ਧਿਆਨ ‘ਚ ਲਿਆ ਕੇ ਦਫਤਰ ‘ਚ ਵਾਹਨ ਨੂੰ ਖੜਾ ਕਰਨਾ ਹੋਵੇਗਾ।

The post ਹੁਣ ਅਫਸਰਾਂ ਤੋਂ ਸਰਕਾਰੀ ਗੱਡੀਆਂ ਲਈਆਂ ਜਾਣਗੀਆਂ ਵਾਪਿਸ, ਜਾਣੋ ਕਾਰਨ appeared first on Daily Post Punjabi.