ਇਸ ਦੌਰਾਨ ਦਿੱਲੀ ਵਾਲੇ ਪਾਸੇ ਤੋਂ ਆਉਣ ਵਾਲੇ ਕਿਸਾਨਾਂ ਨੂੰ ਰਾਹਤ ਦਿੱਤੀ ਜਾਵੇਗੀ। 25 ਦਸੰਬਰ 2020 ਤੋਂ ਟੋਲ ਬੰਦ ਕਰ ਦਿੱਤਾ ਗਿਆ ਸੀ। ਜੋ ਅੱਜ ਤੋਂ ਮੁੜ ਸ਼ੁਰੂ ਹੋ ਗਿਆ।10 ਦਸੰਬਰ ਨੂੰ ਐਲਾਨ ਤੋਂ ਬਾਅਦ ਟੋਲ ਕੰਪਨੀ ਬਸਤਾਰਾ ਟੋਲ ਚਾਲੂ ਕਰਨ ਲਈ ਸਰਗਰਮ ਹੋ ਗਈ।

ਕੰਪਿਊਟਰ ਸਿਸਟਮ ਚਾਲੂ ਕਰਕੇ ਟੋਲ ਪਲਾਜ਼ਾ ਦੇ ਸਾਰੇ ਬੂਥਾਂ ‘ਤੇ ਮੁਲਾਜ਼ਮ ਤਾਇਨਾਤ ਕਰ ਦਿੱਤੇ ਗਏ ਹਨ। ਟੋਲ ਦੀਆਂ ਸਾਰੀਆਂ ਲਾਈਨਾਂ ਦੀ ਸਫ਼ਾਈ ਅਤੇ ਮੁਰੰਮਤ ਕਰਕੇ ਤਿਆਰ ਕਰ ਦਿੱਤਾ ਗਿਆ ਸੀ। ਫਾਸਟੈਗ ਅਤੇ ਕੈਸ਼ ਲੇਨ ਦੀ ਪ੍ਰਣਾਲੀ ਨੂੰ ਸਹੀ ਢੰਗ ਨਾਲ ਜਾਰੀ ਕੀਤਾ ਗਿਆ ਹੈ।

ਟੋਲ ਪਲਾਜ਼ਿਆਂ ‘ਤੇ ਵੀ ਵਧੇ ਹੋਏ ਸਾਲਾਨਾ ਰੇਟ ਲਾਗੂ ਕੀਤੇ ਗਏ ਹਨ, ਮਹੀਨਾਵਾਰ ਪਾਸ ਦਰਾਂ ‘ਚ ਵਾਧਾ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਫਾਸਟ ਟੈਗ ਅਤੇ ਮਾਸਿਕ ਪਾਸ ਬਣਾਉਣ ਵਾਲੀ ਥਾਂ ‘ਤੇ ਲੰਬੀਆਂ ਲਾਈਨਾਂ ਦੇਖਣ ਨੂੰ ਮਿਲੀਆਂ ਹਨ। ਟੋਲ ਤੋਂ ਪ੍ਰਾਪਤ ਅੰਕੜਿਆਂ ਅਨੁਸਾਰ ਬਸਤਾਰਾ ਟੋਲ ਤੋਂ ਰੋਜ਼ਾਨਾ 30 ਤੋਂ 35 ਹਜ਼ਾਰ ਛੋਟੇ ਵਾਹਨ ਲੰਘਦੇ ਹਨ, ਜਿਨ੍ਹਾਂ ਵਿੱਚ ਕਾਰਾਂ ਅਤੇ ਜੀਪਾਂ ਵਰਗੇ ਵਾਹਨ ਸ਼ਾਮਿਲ ਹਨ। ਇਸ ਦੇ ਨਾਲ ਹੀ ਹਰ ਰੋਜ਼ 8 ਤੋਂ 10 ਹਜ਼ਾਰ ਵੱਡੇ ਅਤੇ ਭਾਰੀ ਵਾਹਨ ਲੰਘ ਰਹੇ ਹਨ। ਟੋਲ ਫਰੀ ਹੋਣ ਤੋਂ ਪਹਿਲਾਂ ਬਸਤਾਰਾ ਟੋਲ ਕਾਰਨ ਸਰਕਾਰ ਨੂੰ ਰੋਜ਼ਾਨਾ 70 ਲੱਖ ਦਾ ਨੁਕਸਾਨ ਹੋ ਰਿਹਾ ਸੀ। ਟੋਲ ਫਰੀ 25 ਦਸੰਬਰ 2020 ਤੋਂ ਚੱਲ ਰਿਹਾ ਹੈ, NHAI ਦੇ ਪ੍ਰੋਜੈਕਟ ਡਾਇਰੈਕਟਰ ਵਰਿੰਦਰ ਸਿੰਘ ਨੇ ਕਿਹਾ ਕਿ ਸਭ ਤੋਂ ਪਹਿਲਾਂ ਅਸੀਂ ਕਿਸਾਨਾਂ ਨੂੰ ਵਧਾਈ ਦੇਣਾ ਚਾਹੁੰਦੇ ਹਾਂ। ਕਿਸਾਨਾਂ ਦੀਆਂ ਮੰਗਾਂ ਮੰਨੀਆ ਗਈਆਂ ਹਨ। ਇੱਥੇ ਆਏ ਕਿਸਾਨਾਂ ਨੇ ਕੋਈ ਵੀ ਸਮਾਜ ਵਿਰੋਧੀ ਗਤੀਵਿਧੀ ਨਹੀਂ ਕੀਤੀ। ਇਹ ਅੰਦੋਲਨ ਸ਼ਾਂਤਮਈ ਢੰਗ ਨਾਲ ਸੰਪੰਨ ਹੋਇਆ।

ਇਹ ਵੀ ਪੜ੍ਹੋ : ਕਿਸਾਨਾਂ ਦੀ ਸਾਰੇ ਮੌਸਮਾਂ ‘ਚ ਟ੍ਰੇਨਿੰਗ ਹੋਈ ਪੂਰੀ, ਹੁਣ ਅਗਲੇ 30-40 ਸਾਲਾਂ ਤੱਕ ਨਹੀਂ ਟਿੱਕਦਾ ਕੋਈ ਅੱਗੇ – ਟਿਕੈਤ

ਸਰਕਾਰ ਦੀ ਪ੍ਰਣਾਲੀ ਨੂੰ ਬਹਾਲ ਕੀਤਾ ਜਾ ਰਿਹਾ ਹੈ। ਟੋਲ ਸਿਸਟਮ ਪੂਰੀ ਤਰ੍ਹਾਂ ਤਿਆਰ ਹੈ। ਕਿਸਾਨਾਂ ਨੇ ਸਹਿਮਤੀ ਦੇ ਦਿੱਤੀ ਹੈ। ਇਸ ਦੇ ਨਾਲ ਹੀ NHAI ਤੋਂ ਵੀ ਨਿਰਦੇਸ਼ ਮਿਲ ਗਏ ਹਨ। ਹੁਣ ਟੋਲ ਟੈਕਸ ਸ਼ੁਰੂ ਹੋ ਗਿਆ ਹੈ। ਅੰਦੋਲਨ ਕਾਰਨ ਫੀਸਾਂ ਵਿੱਚ ਕੋਈ ਵਾਧਾ ਨਹੀਂ ਕੀਤਾ ਗਿਆ ਹੈ। ਫੀਸ ਸਾਲਾਨਾ ਵਾਧੇ ਦੇ ਆਧਾਰ ‘ਤੇ ਤੈਅ ਕੀਤੀ ਗਈ ਹੈ।ਜਗਦੀਪ ਓਲਖ ਨੇ ਕਿਹਾ ਕਿ ਅੱਜ ਉਨ੍ਹਾਂ ਨੇ ਜਿੱਤ ਦਰਜ ਕਰਨ ਅਤੇ ਅੰਦੋਲਨ ‘ਚ ਜਸ਼ਨ ਮਨਾਉਂਦੇ ਹੋਏ ਬਸਤਾਰਾ ਟੋਲ ‘ਤੇ ਧਰਨਾ ਸਮਾਪਤ ਕਰ ਦਿੱਤਾ ਹੈ। ਕਿਸਾਨ ਆਗੂ ਬਹਾਦਰ ਮੇਹਲਾ ਦਾ ਕਹਿਣਾ ਹੈ ਕਿ ਪਿਛਲੇ 1 ਸਾਲ ਤੋਂ ਇਥੇ ਬੈਠੇ ਸੀ ਲੰਗਰ ਲਗਾਇਆ। ਲਾਠੀਚਾਰਜ ਵਿੱਚ ਇੱਕ ਕਿਸਾਨ ਭਰਾ ਸੁਸ਼ੀਲ ਕਾਜਲ ਦੀ ਮੌਤ ਹੋ ਗਈ ਸੀ। ਇੱਥੋਂ ਹੀ ਸੰਘਰਸ਼ ਦੀ ਚੰਗਿਆੜੀ ਉੱਠੀ ਸੀ। ਇੱਥੇ ਸਾਰਾ ਸਾਲ ਤਿਉਹਾਰ ਮਨਾਉਂਦੇ ਰਹੇ ਹਾਂ। ਇਸ ਟੋਲ ਦਾ ਨਾਂ ਇਤਿਹਾਸ ਵਿੱਚ ਦਰਜ ਹੋਵੇਗਾ।

ਵੀਡੀਓ ਲਈ ਕਲਿੱਕ ਕਰੋ -:

Congress Person open CM Channi’s ” ਪੋਲ”, “CM Channi Spent crores of rupees for advertisement”

The post ਕਿਸਾਨ ਅੰਦੋਲਨ ਕਾਰਨ ਬੰਦ ਪਿਆ ਬਸਤਾਰਾ ਟੋਲ ਪਲਾਜ਼ਾ ਹੋਇਆ ਸ਼ੁਰੂ, ਕਿਸਾਨਾਂ ਨੇ ਰੀਬਨ ਕੱਟ ਕੀਤੀ ਸ਼ੁਰੂਆਤ appeared first on Daily Post Punjabi.