ਭਾਰਤੀ ਇਨ੍ਹੀਂ ਦਿਨੀਂ ਦਿ ‘ਖਤਰਾ ਸ਼ੋਅ’ ਦੀ ਸ਼ੂਟਿੰਗ ‘ਚ ਰੁੱਝੀ ਹੋਈ ਹੈ। ਭਾਰਤੀ ਨੇ ਸ਼ੂਟਿੰਗ ਦੌਰਾਨ ਮਿਲੇ ਬ੍ਰੇਕ ਦੌਰਾਨ ਮਾਂ ਬਣਨ ਦੀਆਂ ਖਬਰਾਂ ਦਾ ਖੰਡਨ ਕਰਦੇ ਹੋਏ ਕਿਹਾ, ਮੈਂ ਅਜੇ ਮਾਂ ਨਹੀਂ ਬਣੀ, ਮੇਰੇ ਕਰੀਬੀ ਦੋਸਤ ਮੈਨੂੰ ਵਧਾਈ ਦੇਣ ਲਈ ਮੈਸੇਜ ਕਰ ਰਹੇ ਹਨ। ਭਾਰਤੀ ਨੇ ਕਿਹਾ ਮੇਰੇ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਮੈਂ ਬੱਚੀ ਨੂੰ ਜਨਮ ਦਿੱਤਾ ਹੈ ਪਰ ਇਹ ਸੱਚ ਨਹੀਂ ਹੈ। ਮੈਂ ‘ਖਤਰਾ ਖਤਰਾ’ ਦੇ ਸੈੱਟ ‘ਤੇ ਹਾਂ। ਮੈਨੂੰ 15-20 ਮਿੰਟਾਂ ਦਾ ਬ੍ਰੇਕ ਮਿਲਿਆ ਤਾਂ ਮੈਂ ਲਾਈਵ ਆਈ ਅਤੇ ਇਹ ਸਪੱਸ਼ਟ ਕਰਨ ਦੀ ਕੋਸ਼ਿਸ਼ ਕੀਤੀ ਕਿ ਮੈਂ ਅਜੇ ਵੀ ਕੰਮ ਕਰ ਰਹੀ ਹਾਂ। ਭਾਰਤੀ ਨੇ ਪ੍ਰਸ਼ੰਸਕਾਂ ਨੂੰ ਕਿਸੇ ਵੀ ਅਫਵਾਹ ‘ਤੇ ਵਿਸ਼ਵਾਸ ਨਾ ਕਰਨ ਲਈ ਕਿਹਾ ਅਤੇ ਉਨ੍ਹਾਂ ਨੂੰ ਹਰਸ਼ ਅਤੇ ਉਨ੍ਹਾਂ ਦੀ ਖੁਸ਼ਖਬਰੀ ਦਾ ਇੰਤਜ਼ਾਰ ਕਰਨ ਲਈ ਕਿਹਾ।

ਭਾਰਤੀ ਨੇ ਅੱਗੇ ਕਿਹਾ, ਮੈਂ ਡਰਦੀ ਹਾਂ, ਮੇਰੀ ਡਿਲੀਵਰੀ ਤਾਰੀਖ ਨੇੜੇ ਹੈ। ਮੈਂ ਅਤੇ ਹਰਸ਼ ਬੇਬੀ ਬਾਰੇ ਗੱਲਾਂ ਕਰਦੇ ਰਹਿੰਦੇ ਹਾਂ, ਇਹ ਕਿਵੇਂ ਹੋਵੇਗਾ। ਪਰ ਇੱਕ ਗੱਲ ਪੱਕੀ ਹੈ ਕਿ ਬੱਚਾ ਬਹੁਤ ਮਜ਼ਾਕੀਆ ਹੋਵੇਗਾ ਕਿਉਂਕਿ ਅਸੀਂ ਦੋਵੇਂ ਮਜ਼ਾਕੀਆ ਹਾਂ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤੀ ਅਤੇ ਹਰਸ਼ ਨੇ ਪਿਛਲੇ ਦਿਨੀਂ ਮੈਟਰਨਿਟੀ ਫੋਟੋਸ਼ੂਟ ਦੀਆਂ ਕੁਝ ਬੇਹੱਦ ਖੂਬਸੂਰਤ ਤਸਵੀਰਾਂ ਸ਼ੇਅਰ ਕੀਤੀਆਂ ਸਨ। ਭਾਰਤੀ ਨੇ ਆਪਣੇ ਯੂਟਿਊਬ ਚੈਨਲ ‘ਤੇ ਦੱਸਿਆ ਸੀ ਕਿ ਪੂਰੀ ਸ਼ੂਟਿੰਗ ਰੁਝੇਵਿਆਂ ਕਾਰਨ ਦੇਰੀ ਨਾਲ ਹੋਈ। ਭਾਰਤੀ ਦੀ ਇਕ ਹੋਰ ਖਾਸ ਗੱਲ ਇਹ ਹੈ ਕਿ ਉਹ ਗਰਭ ਅਵਸਥਾ ਦੇ ਪੂਰੇ ਸਮੇਂ ਦੌਰਾਨ ਸਰਗਰਮ ਰਹੀ ਅਤੇ ਕੰਮ ਤੋਂ ਕੋਈ ਬ੍ਰੇਕ ਨਹੀਂ ਲਿਆ। ਭਾਰਤੀ ਨੇ ਪਹਿਲਾਂ ਹੀ ਸਾਫ਼ ਕਰ ਦਿੱਤਾ ਸੀ ਕਿ ਉਹ ਘਰ ਨਹੀਂ ਬੈਠੇਗੀ ਅਤੇ ਉਹ ਕੰਮ ਕਰਦੀ ਰਹੇਗੀ। ਤੁਹਾਨੂੰ ਦੱਸ ਦੇਈਏ ਕਿ ਹਰਸ਼ ਅਤੇ ਭਾਰਤੀ ਦਾ ਵਿਆਹ 2017 ਵਿੱਚ ਹੋਇਆ ਸੀ।

The post ਕੀ ਭਾਰਤੀ ਸਿੰਘ ਬਣੀ ਗਈ ਮਾਂ, ਕਾਮੇਡੀਅਨ ਨੇ ਡਿਲੀਵਰੀ ਦੀ ਖਬਰ ‘ਤੇ ਦਿੱਤਾ ਅਜਿਹਾ Reaction! appeared first on Daily Post Punjabi.