ਕਮਲੇਸ਼ ਦੇਵੀ ਨੇ ਦੱਸਿਆ ਕਿ ਏਐਨਐਮ ਆਪਣੇ ਮੋਬਾਈਲ ‘ਤੇ ਕਿਸੇ ਨਾਲ ਵੀ ਗੱਲ ਕਰਨ ਵਿੱਚ ਬਹੁਤ ਰੁੱਝੀ ਹੋਈ ਸੀ। ਫੋਨ ਤੇ ਗੱਲ ਕਰਦਿਆਂ ਉਸ ਨੇ ਮੈਨੂੰ ਟੀਕਾ ਲਗਾ ਦਿੱਤਾ। ਮੈਂ ਉਥੇ ਬੈਠੀ ਰਹੀ ਅਤੇ ਉਨ੍ਹਾਂ ਨੇ ਵੀ ਮੈਨੂੰ =ਉੱਥੋਂ ਹੱਟਣ ਲਈ ਨਹੀਂ ਕਿਹਾ। ਗੱਲ ਕਰਦੇ ਸਮੇਂ, ਉਹ ਭੁੱਲ ਗਈ ਕਿ ਉਸਨੇ ਪਹਿਲਾਂ ਹੀ ਮੈਨੂੰ ਟੀਕਾ ਲਗਾ ਦਿੱਤਾ ਹੈ ਅਤੇ ਉਸਨੇ ਦੂਜੀ ਵਾਰ ਫਿਰ ਮੈਨੂੰ ਟੀਕਾ ਲਗਾ ਦਿੱਤਾ। ਇਸ ਲਈ ਮੈਂ ਪੁੱਛਿਆ ਕਿ ਕੀ ਟੀਕਾ ਦੋ ਵਾਰ ਲਗਾਇਆ ਜਾਂਦਾ ਹੈ, ਜਿਸ ‘ਤੇ ਉਸ ਨੇ ਕਿਹਾ ਨਹੀਂ ਇੱਕ ਵਾਰ। ਫਿਰ ਮੈਂ ਕਿਹਾ ਕਿ ਤੁਸੀਂ ਮੈਨੂੰ ਦੋ ਵਾਰ ਲਗਾ ਦਿੱਤਾ। ਫਿਰ ਬੱਸ ਏ.ਐੱਨ.ਐੱਮ ਗੁੱਸੇ ਵਿੱਚ ਆ ਗਈ ਅਤੇ ਕਹਿਣ ਲੱਗੀ ਕਿ ਤੁਸੀਂ ਉੱਠ ਕੇ ਕਿਉਂ ਨਹੀਂ ਗਏ। ਮੈਂ ਕਿਹਾ ਤੁਸੀਂ ਜਾਣ ਲਈ ਨਹੀਂ ਕਿਹਾ, ਇਸ ਲਈ ਮੈਂ ਨਹੀਂ ਗਈ, ਮੈਨੂੰ ਨਹੀਂ ਪਤਾ ਸੀ ਕਿ ਇੱਕ ਟੀਕਾ ਲੱਗਦਾ ਹੈ ਜਾਂ ਦੋ।

ਕਮਲੇਸ਼ ਦੇਵੀ ਨੇ ਕਿਹਾ ਕਿ ਉਹ ਠੀਕ ਹਨ ਪਰ ਉਨ੍ਹਾਂ ਦੀ ਬਾਂਹ ‘ਤੇ ਸੋਜ ਬਹੁਤ ਹੈ। ਜਦੋਂ ਇਸ ਘਟਨਾ ਦੀ ਖ਼ਬਰ ਔਰਤ ਦੇ ਪਰਿਵਾਰ ਵਾਲਿਆਂ ਨੂੰ ਮਿਲੀ ਤਾਂ ਉਨ੍ਹਾਂ ਨੇ ਹੰਗਾਮਾ ਮਚਾ ਦਿੱਤਾ। ਸੂਚਨਾ ਮਿਲਣ ‘ਤੇ ਅਧਿਕਾਰੀ ਮੌਕੇ ‘ਤੇ ਪਹੁੰਚੇ ਅਤੇ ਕਾਰਵਾਈ ਦਾ ਭਰੋਸਾ ਦੇ ਕਿ ਮਾਮਲਾ ਸ਼ਾਂਤ ਕਰਵਾ ਦਿੱਤਾ। ਕਾਨਪੁਰ ਦੇ ਸੀ.ਐਮ. ਰਾਜੇਸ਼ ਕੁਮਾਰ ਨੇ ਫੋਨ ‘ਤੇ ਜਾਣਕਾਰੀ ਦਿੱਤੀ ਕਿ ਡੀ.ਐੱਮ. ਸਾਹਿਬ ਨੇ ਇਸ ਮਾਮਲੇ ਨੂੰ ਗੰਭੀਰ ਮੰਨਦਿਆਂ ਮੈਨੂੰ ਜਾਂਚ ਦੇ ਆਦੇਸ਼ ਦਿੱਤੇ ਹਨ। ਸੀਐਮਓ ਰਾਜੇਸ਼ ਕੁਮਾਰ ਦਾ ਕਹਿਣਾ ਹੈ ਕਿ ਕਿਸੇ ਵਿਅਕਤੀ ਨੂੰ ਦੋ ਵਾਰ ਟੀਕਾ ਨਹੀਂ ਲਗਾਇਆ ਜਾਂਦਾ ਅਤੇ ਇਹ ਸੰਭਵ ਵੀ ਨਹੀਂ ਹੈ। ਪਰ ਇੱਕ ਟੀਮ ਬਣਾ ਜਾਂਚ ਦੇ ਨਿਰਦੇਸ਼ ਦਿੱਤੇ ਗਏ ਹਨ ਅਤੇ ਇਸ ਦੀ ਰਿਪੋਰਟ ਤੋਂ ਬਾਅਦ ਸਖਤ ਕਾਰਵਾਈ ਕੀਤੀ ਜਾਵੇਗੀ। ਇਹ ਵੱਡੀ ਅਣਗਹਿਲੀ ਦਾ ਕੇਸ ਹੈ। ਇੱਕ ਗਲਤੀ ਨਾਲ ਇੱਕ ਵੱਡੀ ਅਣਹੋਣੀ ਹੋ ਸਕਦੀ ਹੈ।

ਇਹ ਵੀ ਦੇਖੋ : ਨਵਦੀਪ ਹਰਿਆਣਾ ਵਾਲਾ ਕਹਿੰਦਾ ਜੇ ਕਿਸਾਨ ਆਗੂ ਨਾਲ ਹੁੰਦੇ ਤਾਂ ਅਸੀਂ ਲਾਲ ਕਿਲ੍ਹੇ ਦੀ ਇੱਟ-ਇੱਟ ਪੱਟ ਲਿਆਉਣੀ ਸੀ

The post ਮੋਬਾਈਲ ‘ਚ ਰੁੱਝੀ ਨਰਸ ਨੇ ਕਰ ਦਿੱਤਾ ਇਹ ਕਾਰਾ, ਸੁਣ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼ appeared first on Daily Post Punjabi.