ਸਲਮਾਨ ਖਾਨ ਦੇ ਸ਼ੋਅ ਬਿੱਗ ਬੌਸ ਦੇ 15ਵੇਂ ਸੀਜ਼ਨ ਦਾ ਫਿਨਾਲੇ ਕੁਝ ਸਮਾਂ ਪਹਿਲਾਂ ਹੋਇਆ ਹੈ। ਇਸ ਫਿਨਾਲੇ ਦਾ ਗ੍ਰੈਂਡ ਪ੍ਰੀਮੀਅਰ ਆਯੋਜਿਤ ਕੀਤਾ ਗਿਆ ਸੀ, ਜਿਸ ‘ਚ ਬਿੱਗ ਬੌਸ 15 ਦੇ ਸਾਰੇ ਪ੍ਰਤੀਯੋਗੀਆਂ ਨੇ ਸ਼ਿਰਕਤ ਕੀਤੀ ਸੀ। ਬੀਐਮਸੀ ਮੁਤਾਬਕ ਐਤਵਾਰ ਦੁਪਹਿਰ 1 ਵਜੇ ਮੁੰਬਈ ਦੇ ਗੋਰੇਗਾਂਵ ਸਥਿਤ ਬਿੱਗ ਬੌਸ ਦੇ ਸੈੱਟ ‘ਤੇ ਅੱਗ ਲੱਗ ਗਈ। ਮੌਕੇ ‘ਤੇ ਫਾਇਰ ਬ੍ਰਿਗੇਡ ਦੀਆਂ 4 ਗੱਡੀਆਂ ਨੇ ਪਹੁੰਚ ਕੇ ਅੱਗ ‘ਤੇ ਕਾਬੂ ਪਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਇਸ ਹਾਦਸੇ ਵਿੱਚ ਕਿਸੇ ਨੂੰ ਸੱਟ ਨਹੀਂ ਲੱਗੀ।

ਬਿੱਗ ਬੌਸ 15 ਦੀ ਗੱਲ ਕਰੀਏ ਤਾਂ ਕਰਨ ਕੁੰਦਰਾ, ਸਿੰਬਾ ਨਾਗਪਾਲ, ਨਿਸ਼ਾਂਤ ਭੱਟ, ਸ਼ਮਿਤਾ ਸ਼ੈੱਟੀ, ਰਸ਼ਮੀ ਦੇਸਾਈ ਅਤੇ ਤੇਜਸਵੀ ਪ੍ਰਕਾਸ਼ ਵਰਗੇ ਮਸ਼ਹੂਰ ਹਸਤੀਆਂ ਨੇ ਇਸ ਵਿੱਚ ਹਿੱਸਾ ਲਿਆ। ਸ਼ੋਅ ‘ਤੇ ਤਿੰਨ ਮਹੀਨਿਆਂ ਤੋਂ ਵੱਧ ਸਮਾਂ ਬਿਤਾਉਣ ਤੋਂ ਬਾਅਦ, ਤੇਜਸਵੀ ਪ੍ਰਕਾਸ਼ ਨੇ ਬਿੱਗ ਬੌਸ ਟਰਾਫੀ ਜਿੱਤੀ। ਇਸ ਦੇ ਨਾਲ ਹੀ ਉਸ ਨੂੰ ਏਕਤਾ ਕਪੂਰ ਦੀ ਮਸ਼ਹੂਰ ਨਾਗਿਨ ਫਰੈਂਚਾਇਜ਼ੀ ‘ਨਾਗਿਨ 6’ ਦੇ ਨਵੇਂ ਸੀਜ਼ਨ ‘ਚ ਮੁੱਖ ਭੂਮਿਕਾ ਨਿਭਾਉਣ ਦਾ ਮੌਕਾ ਵੀ ਮਿਲਿਆ ਹੈ।

ਬਿੱਗ ਬੌਸ 15 ਵਿੱਚ ਮੇਕਰਸ ਨੇ ਕਾਫੀ ਵੱਖਰਾ ਕਰਨ ਦੀ ਕੋਸ਼ਿਸ਼ ਕੀਤੀ। ਇਸ ਸ਼ੋਅ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ, ਵੂਟ ਐਪ ‘ਤੇ ਬਿੱਗ ਬੌਸ ਓਟੀਟੀ ਦੇ ਨਾਮ ਨਾਲ ਛੇ ਹਫ਼ਤਿਆਂ ਤੱਕ ਇੱਕ ਸ਼ੋਅ ਚਲਾਇਆ ਜਾਂਦਾ ਸੀ। ਇਸ ਸ਼ੋਅ ‘ਚ ਸ਼ਮਿਤਾ ਸ਼ੈੱਟੀ, ਰਾਕੇਸ਼ ਬਾਪਟ, ਉਰਫੀ ਜਾਵੇਦ, ਨੇਹਾ ਭਸੀਨ ਵਰਗੀਆਂ ਮਸ਼ਹੂਰ ਹਸਤੀਆਂ ਨੇ ਹਿੱਸਾ ਲਿਆ। ਦਿਵਿਆ ਅਗਰਵਾਲ ਇਸਦੇ OTT ਸ਼ੋਅ ਦੀ ਵਿਜੇਤਾ ਬਣੀ। ਹਾਲਾਂਕਿ, ਦਿਵਿਆ ਨੂੰ ਬਿੱਗ ਬੌਸ 15 ਵਿੱਚ ਆਉਣ ਦਾ ਮੌਕਾ ਨਹੀਂ ਮਿਲ ਸਕਿਆ।

The post ਸਲਮਾਨ ਖਾਨ ਦੇ ਸ਼ੋਅ ਬਿੱਗ ਬੌਸ ਦੇ ਸੈੱਟ ‘ਤੇ ਲੱਗੀ ਅੱਗ, ਮੌਕੇ ‘ਤੇ ਪਹੁੰਚੀ ਫਾਇਰ ਬ੍ਰਿਗੇਡ appeared first on Daily Post Punjabi.