ਜਿਸ ਨੂੰ ਗੇਂਦ ਸਮਝ ਖੇਡ ਰਹੇ ਸੀ ਬੱਚੇ ਉਹ ਨਿਕਲਿਆ ਬੰਬ, ਇੱਕ ਦੀ ਮੌਤ, ਦੋ ਜ਼ਖਮੀ

Sukhpreet Singh — Mon, 01 Mar 2021 08:19:02 +0000

Bihar khagaria bomb blast : ਬਿਹਾਰ ਤੋਂ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਕੁੱਝ ਬੱਚੇ ਬਿਹਾਰ ਦੇ ਖਗੜੀਆ ਜ਼ਿਲੇ ਦੇ ਗੋਗਰੀ ਬਾਜ਼ਾਰ ਖੇਤਰ ਵਿੱਚ ਖੇਡ ਰਹੇ ਸਨ, ਜਦੋਂ ਉਨ੍ਹਾਂ ਨੇ ਬਾਲ (ਗੇਂਦ) ਵਰਗੀ ਇੱਕ ਚੀਜ਼ ਨੂੰ ਦੇਖਿਆ ਤਾਂ ਬੱਚਿਆਂ ਨੇ ਉਸ ਨੂੰ ਚੁੱਕ ਲਿਆ ਅਤੇ ਉਸ ਦੇ ਨਾਲ ਖੇਡਣਾ ਸ਼ੁਰੂ ਕਰ ਦਿੱਤਾ। ਜਿਸ ਤੋਂ ਕੁੱਝ ਸਮੇ ਬਾਅਦ ਹੀ ਫਿਰ ਉਸ ਵਿੱਚ ਇੱਕ ਵੱਡਾ ਧਮਾਕਾ ਹੋਇਆ। ਜਿਸ ਵਿੱਚ ਇੱਕ ਸੱਤ ਸਾਲ ਦੇ ਬੱਚੇ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦਕਿ ਦੋ ਬੱਚੇ ਗੰਭੀਰ ਜ਼ਖਮੀ ਹੋ ਗਏ। ਸਾਰਾ ਮਾਮਲਾ ਗੋਗਰੀ ਬਾਜ਼ਾਰ ਦੇ ਭਗਵਾਨ ਹਾਈ ਸਕੂਲ ਗਰਾਉਂਡ ਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਕੁੱਝ ਬੱਚੇ ਇੱਥੇ ਖੇਡ ਰਹੇ ਸਨ ਅਤੇ ਫਿਰ ਉਨ੍ਹਾਂ ਦੀ ਗੇਂਦ ਝਾੜੀਆਂ ਵਿੱਚ ਚਲੀ ਗਈ। ਜਿਵੇਂ ਹੀ ਬਚੇ ਗੇਂਦ ਨੂੰ ਲੱਭਣ ਗਏ ਤਾਂ ਉਨ੍ਹਾਂ ਨੂੰ ਗੇਂਦ ਦੇ ਸਮਾਨ ਇੱਕ ਹੋਰ ਚੀਜ਼ ਮਿਲੀ। ਬੱਚਿਆਂ ਨੇ ਇਸ ਨਾਲ ਗੇਂਦ ਵਾਂਗ ਖੇਡਣਾ ਸ਼ੁਰੂ ਕਰ ਦਿੱਤਾ। ਫਿਰ ਉਸ ਚੀਜ਼ ਵਿੱਚ ਇਕ ਜ਼ੋਰਦਾਰ ਧਮਾਕਾ ਹੋਇਆ। ਪੁਲਿਸ ਨੇ ਦੱਸਿਆ ਕਿ ਮੁੱਢਲੀ ਜਾਂਚ ਤੋਂ ਪਤਾ ਲੱਗਿਆ ਹੈ ਕਿ ਇਹ ਇੱਕ ਦੇਸ਼ੀ ਬੰਬ ਸੀ।

Bihar khagaria bomb blast

ਖਗੜੀਆ ਦੇ ਡਿਪਟੀ ਸੁਪਰਡੈਂਟ ਮਨੋਜ ਕੁਮਾਰ ਨੇ ਦੱਸਿਆ ਕਿ ਸਥਾਨਕ ਲੋਕਾਂ ਦੀ ਮਦਦ ਨਾਲ ਜ਼ਖਮੀ ਤਿੰਨੋਂ ਬੱਚਿਆਂ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਜਾ ਰਿਹਾ ਸੀ ਕਿ ਰਸਤੇ ਵਿੱਚ ਹੀ 9 ਸਾਲਾ ਮੁਹੰਮਦ ਕੁਰਬਾਨ ਦੀ ਮੌਤ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਦੂਸਰੇ ਦੋ ਜ਼ਖਮੀਆਂ ਨੂੰ ਇਲਾਜ ਲਈ ਸਦਰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਉਨ੍ਹਾਂ ਨੇ ਡਰ ਜ਼ਾਹਿਰ ਕੀਤਾ ਕਿ ਅਪਰਾਧੀਆਂ ਨੇ ਕਿਸੇ ਵਾਰਦਾਤ ਨੂੰ ਅੰਜ਼ਾਮ ਦੇਣ ਲਈ ਝਾੜੀਆਂ ਵਿੱਚ ਬੰਬ ਲੁਕਾ ਕੇ ਰੱਖਿਆ ਹੋਇਆ ਸੀ। ਪੁਲਿਸ ਪੂਰੇ ਖੇਤਰ ਨੂੰ ਸੀਲ ਕਰਕੇ ਸਰਚ ਅਭਿਆਨ ਚਲਾ ਰਹੀ ਹੈ। ਦੋਸ਼ੀਆਂ ਦੀ ਪਛਾਣ ਲਈ ਵੀ ਜਾਂਚ ਕੀਤੀ ਜਾ ਰਹੀ ਹੈ।

ਇਹ ਵੀ ਦੇਖੋ : ਨੌਦੀਪ ਕੌਰ ਨੇ ਸਿਰਸਾ ਨਾਲ LIVE ਹੋ ਕੀਤੇ ਹੋਰ ਵੱਡੇ ਖੁਲਾਸੇ, ਸੁਣੋ ਦੱਸੀ ਅੰਦਰ ਹੋਈ ਕੱਲੀ-2 ਗੱਲ LIVE !

The post ਜਿਸ ਨੂੰ ਗੇਂਦ ਸਮਝ ਖੇਡ ਰਹੇ ਸੀ ਬੱਚੇ ਉਹ ਨਿਕਲਿਆ ਬੰਬ, ਇੱਕ ਦੀ ਮੌਤ, ਦੋ ਜ਼ਖਮੀ appeared first on Daily Post Punjabi.

Bihar khagaria bomb blast Archives - Daily Post Punjabi

ਜਿਸ ਨੂੰ ਗੇਂਦ ਸਮਝ ਖੇਡ ਰਹੇ ਸੀ ਬੱਚੇ ਉਹ ਨਿਕਲਿਆ ਬੰਬ, ਇੱਕ ਦੀ ਮੌਤ, ਦੋ ਜ਼ਖਮੀ