ਬਿਹਾਰ ਦੇ ਗਯਾ ਦੇ ਰਹਿਣ ਵਾਲੇ ਲੌਂਗੀ ਭੁਈਆਂ ਨੇ ਸਖਤ ਮਿਹਨਤ ਨਾਲ ਇੱਕ ਮਿਸਾਲ ਕਾਇਮ ਕੀਤੀ ਹੈ, ਜਿਸ ਨੂੰ ਹਮੇਸ਼ਾਂ ਯਾਦ ਰੱਖਿਆ ਜਾਵੇਗਾ । 30 ਸਾਲਾਂ ਤੱਕ ਸਖਤ ਮਿਹਨਤ ਕਰ ਪਹਾੜਾਂ ਤੋਂ ਡਿੱਗਣ ਵਾਲੇ ਮੀਂਹ ਦੇ ਪਾਣੀ ਨੂੰ ਇਕੱਠਾ ਕਰਕੇ ਪਿੰਡ ਤੱਕ ਲਿਆਉਣ ਦਾ ਫੈਸਲਾ ਕੀਤਾ ਅਤੇ ਉਨ੍ਹਾਂ ਨੇ ਹਰ ਰੋਜ਼ ਘਰ ਤੋਂ ਜੰਗਲ ਵਿੱਚ ਪਹੁੰਚ ਕੇ ਇੱਕ ਨਹਿਰ ਬਣਾਉਣੀ ਸ਼ੁਰੂ ਕਰ ਦਿੱਤੀ। ਕੋਠੀਲਵਾ ਪਿੰਡ ਦਾ ਵਸਨੀਕ ਲੌਂਗੀ ਭੁਈਆਂ ਆਪਣੇ ਬੇਟੇ, ਨੂੰਹ ਅਤੇ ਪਤਨੀ ਨਾਲ ਰਹਿੰਦੇ ਹਨ । ਭੁਈਆਂ ਨੇ ਦੱਸਿਆ ਕਿ ਪਹਿਲੇ ਪਰਿਵਾਰਕ ਲੋਕਾਂ ਨੇ ਉਸ ਨੂੰ ਕਾਫ਼ੀ ਮਨ੍ਹਾਂ ਕੀਤਾ, ਪਰ ਉਨ੍ਹਾਂ ਨੇ ਕਿਸੇ ਦੀ ਨਹੀਂ ਸੁਣੀ ਅਤੇ ਨਹਿਰ ਪੁੱਟਣੀ ਸ਼ੁਰੂ ਕਰ ਦਿੱਤੀ।

ਦਰਅਸਲ, ਇਲਾਕੇ ਵਿੱਚ ਪਾਣੀ ਦੀ ਘਾਟ ਕਾਰਨ ਲੋਕ ਸਿਰਫ ਮੱਕੀ ਅਤੇ ਚਨੇ ਦੀ ਕਾਸ਼ਤ ਕਰਦੇ ਸਨ । ਅਜਿਹੀ ਸਥਿਤੀ ਵਿੱਚ ਪਿੰਡ ਦੇ ਸਾਰੇ ਨੌਜਵਾਨ ਚੰਗੀ ਨੌਕਰੀ ਦੀ ਭਾਲ ਵਿੱਚ ਪਿੰਡ ਤੋਂ ਚਲੇ ਗਏ ਸਨ। ਬਹੁਤੇ ਲੋਕ ਵੀ ਕੰਮ ਦੀ ਭਾਲ ਵਿੱਚ ਪਿੰਡ ਤੋਂ ਦੂਰ ਚਲੇ ਗਏ ਸਨ। ਅਜਿਹੀ ਸਥਿਤੀ ਵਿੱਚ ਉਨ੍ਹਾਂ ਦੇ ਮਨ ਵਿੱਚ ਖਿਆਲ ਆਇਆ ਕਿ ਜੇਕਰ ਇੱਥੇ ਪਾਣੀ ਦੀ ਵਿਵਸਥਾ ਹੋ ਜਾਵੇ ਤਾਂ ਲੋਕਾਂ ਦੇ ਪਲਾਇਨ ਨੂੰ ਰੋਕਿਆ ਜਾ ਸਕਦਾ ਹੈ। ਸਖਤ ਮਿਹਨਤ ਤੋਂ ਬਾਅਦ ਅੱਜ ਨਹਿਰ ਬਣ ਕੇ ਤਿਆਰ ਹੋ ਗਈ ਹੈ ਅਤੇ ਇਸ ਖੇਤਰ ਦੇ ਤਿੰਨ ਪਿੰਡਾਂ ਦੇ ਤਿੰਨ ਹਜ਼ਾਰ ਲੋਕ ਲਾਭ ਲੈ ਰਹੇ ਹਨ ।

ਇਸ ਮਾਮਲੇ ਵਿੱਚ ਪਿੰਡ ਵਾਸੀਆਂ ਦਾ ਕਹਿਣਾ ਹੈ ਕਿ ਜਦੋਂ ਤੋਂ ਉਨ੍ਹਾਂ ਨੇ ਹੋਸ਼ ਸੰਭਾਲਿਆ ਹੈ ਉਦੋਂ ਤੋਂ ਲੌਂਗੀ ਭੁਈਆਂ ਨੂੰ ਘਰ ਵਿੱਚ ਘੱਟ, ਜੰਗਲ ਵਿੱਚ ਜ਼ਿਆਦਾ ਦੇਖਿਆ ਹੈ। ਉੱਥੇ ਹੀ ਭੁਈਆਂ ਦਾ ਕਹਿਣਾ ਹੈ ਕਿ ਜੇਕਰ ਸਰਕਾਰ ਕੁਝ ਸਹਾਇਤਾ ਕਰਦੇ ਤੇ ਖੇਤੀ ਟਰੈਕਟਰਾਂ ਵਰਗੀਆਂ ਸਹੂਲਤਾਂ ਮਿਲ ਜਾਣ ਤਾਂ ਅਸੀਂ ਬੰਜਰ ਜ਼ਮੀਨਾਂ ਨੂੰ ਖੇਤੀ ਲਈ ਉਪਜਾਊ ਬਣਾ ਸਕਦੇ ਹਾਂ, ਜਿਸ ਨਾਲ ਲੋਕਾਂ ਦੀ ਬਹੁਤ ਮਦਦ ਹੋਵੇਗੀ । ਉੱਥੇ ਹੀ ਹਰ ਕੋਈ ਲੌਂਗੀ ਭੁਈਆਂ ਦੇ ਕੰਮ ਤੋਂ ਪ੍ਰਭਾਵਿਤ ਹੈ। ਅੱਜ ਉਨ੍ਹਾਂ ਦਾ ਨਾਮ ਦੇਸ਼ ਦੇ ਹਰ ਕੋਨੇ ਵਿੱਚ ਲਿਆ ਜਾ ਰਿਹਾ ਹੈ। ਹਰ ਕੋਈ ਉਨ੍ਹਾਂ ਦੇ ਜਜ਼ਬਾ ਨੂੰ ਸਲਾਮ ਕਰ ਰਿਹਾ ਹੈ। ਜਿਨ੍ਹਾਂ ਨੇ 30 ਸਾਲਾਂ ਵਿੱਚ ਪੰਜ ਫੁੱਟ ਚੌੜੀ ਅਤੇ ਤਿੰਨ ਫੁੱਟ ਡੂੰਘੀ ਨਹਿਰ ਬਣਾਈ ਅਤੇ ਹਜ਼ਾਰਾਂ ਲੋਕਾਂ ਦੀਆਂ ਮੁਸ਼ਕਿਲਾਂ ਦਾ ਹੱਲ ਕਰ ਦਿੱਤਾ ।

The post ਬਿਹਾਰ ‘ਚ ਇੱਕ ਹੋਰ ਮਾਂਝੀ, 30 ਸਾਲਾਂ ‘ਚ ਪਹਾੜ ਕੱਟ ਕੇ ਬਣਾਈ 3 ਕਿਲੋਮੀਟਰ ਲੰਬੀ ਨਹਿਰ appeared first on Daily Post Punjabi.