ਹਾਲਾਂਕਿ, ਭਾਜਪਾ ਨੇਤਾ ਇੱਥੇ ਹੀ ਨਹੀਂ ਰੁਕਿਆ, ਉਸਨੇ ਦਾਅਵਾ ਕੀਤਾ ਕਿ “ਅਜਿਹੀਆਂ ਔਰਤਾਂ ਕੁੱਝ ਖਾਸ ਥਾਵਾਂ ‘ਤੇ ਮ੍ਰਿਤਕ ਮਿਲਦੀਆਂ ਹਨ”। ਉਸ ਨੇ ਪੁੱਛਿਆ, “ਅਜਿਹੀਆਂ ਕੁੜੀਆਂ ਸਿਰਫ ਕੁੱਝ ਥਾਵਾਂ ‘ਤੇ ਹੀ ਮ੍ਰਿਤਕ ਪਾਈਆਂ ਗਈਆਂ ਹਨ।” ਉਹ ਗੰਨੇ, ਮੱਕੀ ਅਤੇ ਬਾਜਰੇ ਦੇ ਖੇਤਾਂ ਜਾਂ ਝਾੜੀਆਂ, ਗਟਰਾਂ ਜਾਂ ਜੰਗਲਾਂ ਵਿੱਚ ਮ੍ਰਿਤਕ ਪਾਈਆਂ ਜਾਂਦੀਆਂ ਹਨ। ਉਹ ਕਦੇ ਝੋਨੇ ਜਾਂ ਕਣਕ ਦੇ ਖੇਤਾਂ ਵਿੱਚ ਮ੍ਰਿਤਕ ਕਿਉਂ ਨਹੀਂ ਮਿਲਦੀਆਂ?” ਉਨ੍ਹਾਂ ਕਿਹਾ ਕਿ ਗੰਨਾ, ਮੱਕੀ ਅਤੇ ਬਾਜਰੇ ਵਰਗੀਆਂ ਫਸਲਾਂ ਦੀ ਉੱਚਾਈ ਉੱਚੀ ਹੈ ਅਤੇ ਕਿਸੇ ਨੂੰ ਲੁਕਾਉਣ ਲਈ ਢੁਕਵੀਂ ਹੈ, ਜਦੋਂ ਕਿ ਕਣਕ ਅਤੇ ਝੋਨਾ ਦੀ ਉਚਾਈ ਸਿਰਫ ਤਿੰਨ ਜਾਂ ਚਾਰ ਫੁੱਟ ਹੁੰਦੀ ਹੈ, ਇਸ ਲਈ ਕੋਈ ਵੀ ਉਥੇ ਨਹੀਂ ਜਾਂਦਾ।

ਇਸ ਤੋਂ ਬਾਅਦ, ਬੀਜੇਪੀ ਨੇਤਾ ਨੇ ਦਾਅਵਾ ਕੀਤਾ ਕਿ ਕੋਈ ਵੀ ਅਜਿਹਾ ਅਪਰਾਧ ਹੁੰਦਾ ਹੋਇਆ ਨਹੀਂ ਦੇਖ ਸਕਦਾ, ਜਾਂ ਪੀੜਤ ਨੂੰ ਜੁਰਮ ਵਾਲੀ ਥਾਂ ‘ਤੇ ਖਿੱਚ ਕੇ ਲੈ ਜਾਂਦੇ ਹੋਏ ਨਹੀਂ ਦੇਖ ਸਕਦਾ ਹੈ। ਸ੍ਰੀਵਾਸਤਵ ਨੇ ਅਪਰਾਧ ਦੇ ਚਾਰਾਂ ਮੁਲਜ਼ਮਾਂ ਦਾ ਬਚਾਅ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਜੇਲ੍ਹ ਤੋਂ ਰਿਹਾਅ ਕਰ ਦੇਣਾ ਚਾਹੀਦਾ ਹੈ ਜਦ ਤੱਕ ਸੀ ਬੀ ਆਈ ਇਸ ਕੇਸ ਵਿੱਚ ਚਾਰਜਸ਼ੀਟ ਦਾਇਰ ਨਹੀਂ ਕਰਦੀ। ਉਸ ਨੇ ਮੰਗ ਕੀਤੀ, “ਮੈਂ ਗਰੰਟੀ ਦੇ ਸਕਦਾ ਹਾਂ ਕਿ ਇਹ ਲੜਕੇ ਬੇਕਸੂਰ ਹਨ। ਜੇਕਰ ਉਨ੍ਹਾਂ ਨੂੰ ਸਮੇਂ ਸਿਰ ਰਿਹਾ ਨਾ ਕੀਤਾ ਗਿਆ ਤਾਂ ਉਹ ਮਾਨਸਿਕ ਤਸੀਹੇ ਝੱਲਦੇ ਰਹਿਣਗੇ। ਉਨ੍ਹਾਂ ਦੇ ਗੁਆਚੇ ਨੌਜਵਾਨਾਂ ਅਵਸਥਾਂ ਨੂੰ ਕੌਣ ਵਾਪਿਸ ਕਰੇਗਾ? ਕੀ ਸਰਕਾਰ ਉਨ੍ਹਾਂ ਨੂੰ ਮੁਆਵਜ਼ਾ ਦੇਵੇਗੀ?” ਸ੍ਰੀਵਾਸਤਵ ਦੇ ਬਿਆਨਾਂ ਦਾ ਨੋਟਿਸ ਲੈਂਦੇ ਹੋਏ ਰਾਸ਼ਟਰੀ ਮਹਿਲਾ ਕਮਿਸ਼ਨ ਦੀ ਮੁਖੀ ਰੇਖਾ ਸ਼ਰਮਾ ਨੇ ਕਿਹਾ, “ਉਹ ਕਿਸੇ ਵੀ ਪਾਰਟੀ ਦੇ ਨੇਤਾ ਅਖਵਾਉਣ ਦੇ ਹੱਕਦਾਰ ਨਹੀਂ ਹਨ। ਉਹ ਆਪਣੀ ਮੁੱਢਲੀ ਅਤੇ ਮਾੜੀ ਸੋਚ ਵਾਲੀ ਮਾਨਸਿਕਤਾ ਦਰਸਾ ਰਹੇ ਹਨ ਅਤੇ ਮੈਂ ਉਨ੍ਹਾਂ ਨੂੰ ਨੋਟਿਸ ਭੇਜਣ ਜਾ ਰਹੀ ਹਾਂ।” ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਸ ਤੋਂ ਪਹਿਲਾਂ ਬਾਲੀਆ ਤੋਂ ਭਾਜਪਾ ਵਿਧਾਇਕ ਸੁਰੇਂਦਰ ਸਿੰਘ ਨੇ ਕਿਹਾ ਸੀ ਕਿ “ਬਲਾਤਕਾਰ ਦੀਆਂ ਘਟਨਾਵਾਂ ਨੂੰ ਰੋਕਣ ਲਈ ਕੁੜੀਆਂ ਨੂੰ ਢੁਕਵੇਂ ਸੰਸਕਾਰ ਦੇਣੇ ਚਾਹੀਦੇ ਹਨ।”

The post ਹਾਥਰਸ ਕੇਸ: BJP ਨੇਤਾ ਦਾ ਸ਼ਰਮਨਾਕ ਬਿਆਨ, ਕਿਹਾ- ਕੁੜੀ ਗੰਨੇ ਦੇ ਖੇਤ ‘ਚ ਹੀ ਕਿਉਂ ਮਿਲਦੀ ਹੈ, ਝੋਨੇ ਦੇ ਖੇਤ ਵਿੱਚ ਕਿਉਂ ਨਹੀਂ? appeared first on Daily Post Punjabi.