ਬ੍ਰੇਕਫਾਸਟ ’ਚ ਦੁੱਧ ਜਾਂ ਜੂਸ: ਇਕ ਸਵਾਲ ਜੋ ਅਕਸਰ ਲੋਕਾਂ ਦੇ ਮਨ ’ਚ ਆਉਂਦਾ ਹੈ ਕਿ ਬ੍ਰੇਕਫਾਸਟ ’ਚ ਦੁੱਧ ਪੀਣਾ ਚਾਹੀਦਾ ਹੈ ਜਾਂ ਜੂਸ? ਬਹੁਤ ਸਾਰੇ ਲੋਕ ਬ੍ਰੇਕਫਾਸਟ ’ਚ ਕੈਲਸ਼ੀਅਮ ਨਾਲ ਭਰਪੂਰ 1 ਗਲਾਸ ਦੁੱਧ ਪੀਣਾ ਪਸੰਦ ਕਰਦੇ ਹਨ ਅਤੇ ਉਥੇ ਹੀ ਕੁਝ ਲੋਕਾਂ ਨੂੰ ਸਵੇਰੇ-ਸਵੇਰੇ ਨਾਸ਼ਤੇ ’ਚ ਬ੍ਰੈੱਡ ਟੋਸਟ ਜਾਂ ਆਮਲੇਟ ਦੇ ਨਾਲ ਵਿਟਾਮਿਨ ਸੀ ਨਾਲ ਭਰਪੂਰ 1 ਗਲਾਸ ਸੰਤਰੇ ਦੇ ਜੂਸ ਪੀਣਾ ਪਸੰਦ ਹੁੰਦਾ ਹੈ।

ਦੁੱਧ ਪੀਣ ਦੇ ਫਾਇਦੇ: ਦੁੱਧ ਕੈਲਸ਼ੀਅਮ ਦਾ ਤਾਂ ਬੈਸਟ ਸੋਰਸ ਹੈ ਹੀ, ਨਾਲ ਹੀ ਦੁੱਧ ’ਚ ਪ੍ਰੋਟੀਨ, ਵਿਟਾਮਿਨ ਬੀ-12, ਹੈਲਦੀ ਫੈਟਸ ਆਦਿ ਵੀ ਭਰਪੂਰ ਮਾਤਰਾ ’ਚ ਹੁੰਦੇ ਹਨ। ਸਦੀਆਂ ਤੋਂ ਦੁੱਧ ਨੂੰ ਇਕ ਕੰਪਲੀਟ ਮੀਲ ਦੇ ਤੌਰ ’ਤੇ ਦੇਖਿਆ ਜਾਂਦਾ ਰਿਹਾ ਹੈ। ਦੁੱਧ ਦੇ ਕਈ ਫਾਇਦਿਆਂ ਕਾਰਣ ਹੀ ਸਰੀਰ ਨੂੰ ਹੈਲਦੀ ਅਤੇ ਐਕਟਿਵ ਰੱਖਣ ਲਈ ਵੱਡੀ ਗਿਣਤੀ ’ਚ ਲੋਕ ਦੁੱਧ ਦਾ ਸੇਵਨ ਕਰਦੇ ਹਨ। ਅਜਿਹੇ ’ਚ ਦੇਖਿਆ ਜਾਵੇ ਤਾਂ ਬ੍ਰੇਕਫਾਸਟ ’ਚ ਦੁੱਧ ਪੀਣਾ ਫਾਇਦੇਮੰਦ ਹੋ ਸਕਦਾ ਹੈ।

ਦੁੱਧ ਪੀਣ ਦੇ ਨੁਕਸਾਨ: ਦੁੱਧ ’ਚ ਸੈਚੁਰੇਟਿਡ ਫੈਟ ਹੁੰਦੀ ਹੈ, ਜਿਸ ਨਾਲ ਮੋਟਾਪਾ ਅਤੇ ਦਿਲ ਨਾਲ ਜੁੜੀਆਂ ਬੀਮਾਰੀਆਂ ਦਾ ਖਤਰਾ ਹੋ ਸਕਦਾ ਹੈ। ਨਾਲ ਹੀ ਇਨ੍ਹੀਂ ਦਿਨੀਂ ਦੁੱਧ ਦੇਣ ਵਾਲੇ ਜਾਨਵਰਾਂ ਨੂੰ ਇੰਜੈਕਸ਼ਨ ਵੀ ਲਾਇਆ ਜਾਂਦਾ ਹੈ ਤਾਂ ਕਿ ਉਹ ਜ਼ਿਆਦਾ ਦੁੱਧ ਦੇ ਸਕਣ ਅਤੇ ਇਸ ਇੰਜੈਕਸ਼ਨ ਦਾ ਵੀ ਸਾਡੀ ਸਿਹਤ ’ਤੇ ਬੁਰਾ ਅਸਰ ਪੈ ਸਕਦਾ ਹੈ। ਅਜਿਹੇ ’ਚ ਜਦੋਂ ਤੱਕ ਤੁਸੀਂ ਦੁੱਧ ਦੀ ਕੁਆਲਿਟੀ ਨੂੰ ਲੈ ਕੇ ਪੂਰੀ ਤਰ੍ਹਾਂ ਆਸਵੰਦ ਨਾ ਹੋਵੋ ਤਾਂ ਸਵੇਰੇ-ਸਵੇਰੇ ਦੁੱਧ ਪੀਣ ਤੋਂ ਬਚੋ। ਬਹੁਤ ਸਾਰੇ ਲੋਕਾਂ ’ਚ ਲੈਕਟੋਜ ਇਨਟਾਲਰੈਂਸ ਦੀ ਵੀ ਪ੍ਰੇਸ਼ਾਨੀ ਹੁੰਦੀ ਹੈ ਅਤੇ ਅਜਿਹੇ ਲੋਕਾਂ ਨੂੰ ਵੀ ਦੁੱਧ ਤੋਂ ਬਚਣਾ ਚਾਹੀਦਾ ਹੈ।

ਸੰਤਰੇ ਦੇ ਜੂਸ ਦੇ ਫਾਇਦੇ: ਵਿਟਾਮਿਨ ਸੀ ਅਤੇ ਐਂਟੀਆਕਸੀਡੈਂਟ ਨਾਲ ਭਰਪੂਰ ਸੰਤਰੇ ਦਾ ਜੂਸ ਸਾਡੇ ਸਰੀਰ ਦੀ ਇਮਿਊਨਿਟੀ ਵਧਾ ਕੇ ਸਾਨੂੰ ਬੀਮਾਰੀਆਂ ਤੋਂ ਦੂਰ, ਫਿੱਟ ਅਤੇ ਹੈਲਦੀ ਰੱਖਣ ’ਚ ਮਦਦ ਕਰਦਾ ਹੈ। ਵਿਟਾਮਿਨ ਸੀ ਸਰੀਰ ਨੂੰ ਵਾਤਾਵਰਣ ਨਾਲ ਜੁੜੀਆਂ ਪ੍ਰੇਸ਼ਾਨੀਆਂ ਜਿਵੇਂ ਪ੍ਰਦੂਸ਼ਣ, ਸੂਰਜ ਦੀਆਂ ਹਾਨੀਕਾਰਕ ਯੂਵੀ ਕਿਰਨਾਂ ਆਦਿ ਤੋਂ ਵੀ ਬਚਾਉਂਦਾ ਹੈ। ਸਵੇਰੇ ਬ੍ਰੇਕਫਾਸਟ ’ਚ ਜੇ ਤੁਸੀਂ 1 ਗਲਾਸ ਸੰਤਰੇ ਦਾ ਜੂਸ ਪੀ ਲਓ ਤਾਂ ਤੁਹਾਡੇ ਦਿਨ ਭਰ ਦੀ ਵਿਟਾਮਿਨ ਸੀ ਦੀ ਲੋੜ ਪੂਰੀ ਹੋ ਜਾਂਦੀ ਹੈ।

ਸੰਤਰੇ ਦੇ ਜੂਸ ਦੇ ਨੁਕਸਾਨ: ਹਾਲਾਂਕਿ ਜੇ ਤੁਸੀਂ ਘਰ ’ਚ ਖੁਦ ਸੰਤਰੇ ਦਾ ਜੂਸ ਕੱਢ ਕੇ ਪੀ ਰਹੇ ਹੋ ਤਾਂ ਫਾਇਦੇਮੰਦ ਹੋਵੇਗਾ। ਡੱਬਾ ਬੰਦ ਜਾਂ ਪੈਕੇਜਡ ਸੰਤਰੇ ਦੇ ਜੂਸ ’ਚ ਚੀਨੀ ਦੀ ਮਾਤਰਾ ਬਹੁਤ ਵੱਧ ਹੁੰਦੀ ਹੈ ਅਤੇ ਉਹ ਫ੍ਰੈੱਸ਼ ਨਹੀਂ ਹੁੰਦਾ, ਕਾਫੀ ਪੁਰਾਣਾ ਹੁੰਦਾ ਹੈ, ਉਸ ’ਚ ਜੂਸ ਦਾ ਟੈਸਟ ਵਧਾਉਣ ਲਈ ਕੈਮੀਕਲਸ ਵੀ ਮਿਲੇ ਹੁੰਦੇ ਹਨ।

The post ਜਾਣੋ ਨਾਸ਼ਤੇ ‘ਚ ਕਿਹੜੀ ਡ੍ਰਿੰਕ ਦਾ ਸੇਵਨ ਹੈ ਸਿਹਤ ਲਈ ਫ਼ਾਇਦੇਮੰਦ ? appeared first on Daily Post Punjabi.