NHS ਨੇ ਕਿਹਾ ਕਿ ਇਕ ਸਾਲ ਦੀ ਖੁਰਾਕ ਯੋਜਨਾ ਉਨ੍ਹਾਂ ਲੋਕਾਂ ਲਈ ਅਪਣਾਈ ਜਾਵੇਗੀ ਜਿਨ੍ਹਾਂ ਨੂੰ ਉਤਪਾਦਾਂ ਨੂੰ ਬਦਲਣ ਦਾ ਲਾਭ ਹੋਵੇਗਾ ਜਿਵੇਂ ਘੱਟ-ਕੈਲੋਰੀ ਵਾਲੇ ਫਾਰਮੂਲਾ ਸ਼ੇਕ ਅਤੇ ਸੂਪ ਜਿਸ ਨੂੰ ਜ਼ਿਆਦਾ ਕਸਰਤ ਦੇ ਨਾਲ ਤਿੰਨ ਮਹੀਨਿਆਂ ਤੱਕ ਦਿੱਤਾ ਜਾਵੇਗਾ। NHS ਵਿਚ ਸ਼ੂਗਰ ਦੇ ਨੈਸ਼ਨਲ ਕਲੀਨਿਕਲ ਡਾਇਰੈਕਟਰ, ਪ੍ਰੋਫੈਸਰ ਜੋਨਾਥਨ ਵੱਲਭਜੀ ਨੇ ਕਿਹਾ, “ਇਹ ਇਕ ਤਾਜ਼ਾ ਉਦਾਹਰਣ ਹੈ ਕਿ ਕਿਵੇਂ NHS ਤੇਜ਼ੀ ਨਾਲ ਸਾਡੀ ਲੰਬੀ-ਅਵਧੀ ਯੋਜਨਾ ਨੂੰ ਗ੍ਰਹਿਣ ਕਰ ਰਿਹਾ ਹੈ ਅਤੇ ਲੋਕਾਂ ਨੂੰ ਸਿਹਤਮੰਦ ਰੱਖਣ, ਸਹੀ ਭਾਰ ਰੱਖਣ, ਅਤੇ ਵੱਡੀਆਂ ਬਿਮਾਰੀਆਂ ਨੂੰ ਰੋਕਣ ਲਈ ਇਹ ਹਾਲਿਆ ਸਬੂਤ ਅਧਾਰਤ ਇਲਾਜ਼ ਹੈ।”

NHS ਇਸ ਪ੍ਰਯੋਗ ਦੀ ਵਰਤੋਂ ਲੰਡਨ ਅਤੇ ਉੱਤਰੀ ਇੰਗਲੈਂਡ ਸਮੇਤ ਪੂਰੇ ਦੇਸ਼ ਵਿੱਚ 12 ਮਹੀਨਿਆਂ ਲਈ ਕਰੇਗੀ ਅਤੇ ਪਿਛਲੇ ਛੇ ਮਹੀਨਿਆਂ ਤੋਂ ਸ਼ੂਗਰ ਦਾ ਇਲਾਜ ਕਰਵਾ ਰਹੇ ਲੋਕਾਂ ਨੂੰ ਇਸ ਯੋਜਨਾ ਵਿੱਚ ਸ਼ਾਮਲ ਕੀਤਾ ਜਾਵੇਗਾ। ਕੁਝ ਹੋਰ ਯੋਗਤਾਵਾਂ ਨੂੰ ਵੀ ਯੋਜਨਾ ਵਿੱਚ ਸ਼ਾਮਲ ਕਰਨ ਲਈ ਨਿਰਧਾਰਤ ਕੀਤਾ ਜਾਵੇਗਾ ਤਾਂ ਜੋ ਇਹ ਸੁਨਿਸ਼ਚਿਤ ਕੀਤਾ ਜਾ ਸਕੇ ਕਿ ਸਕੀਮ ਉਨ੍ਹਾਂ ਲਈ ਸਹੀ ਹੈ। NHS ਇੰਗਲੈਂਡ ਨੇ ਦੱਸਿਆ ਕਿ ਇਸ ਸਮੇਂ ਇਸ ਯੋਜਨਾ ਵਿੱਚ 6,00,000 ਲੋਕ ਸ਼ਾਮਲ ਕੀਤੇ ਗਏ ਹਨ ਅਤੇ ਜੋ ਲੋਕ ਯੋਗਤਾ ਪੂਰੀ ਕਰਦੇ ਹਨ ਉਹ ਇਸ ਸਕੀਮ ਵਿੱਚ ਆਪਣਾ ਨਾਮ ਦਰਜ ਕਰਵਾ ਸਕਦੇ ਹਨ।

The post ਸ਼ੂਗਰ ਨਾਲ ਲੜਨ ਲਈ ਲੋਕਾਂ ਨੂੰ ਮੁਫ਼ਤ ‘ਚ ਸੂਪ ਅਤੇ ਸ਼ੇਕ ਮੁਹੱਈਆ ਕਰਵਾਏਗਾ ਬ੍ਰਿਟੇਨ ! appeared first on Daily Post Punjabi.