ਇਸ ਮਾਮਲੇ ਵਿੱਚ ਜਵਾਨ ਦਾ ਕਹਿਣਾ ਹੈ ਕਿ ਮੈਂ ਪਿਛਲੇ 8 ਘੰਟਿਆਂ ਤੋ ਆਪਣੀ ਪਤਨੀ ਨੂੰ ਕਾਰ ਵਿੱਚ ਲੈ ਕੇ ਭਟਕ ਰਿਹਾ ਹਾਂ । ਹਰ ਹਸਪਤਾਲ ਦੇ ਲੋਕ ਇੱਕ-ਦੂਜੇ ਹਸਪਤਾਲ ਵਿੱਚ ਭੇਜ ਰਹੇ ਹਨ। ਕੋਈ ਇਹ ਦੱਸਣ ਲਈ ਤਿਆਰ ਨਹੀਂ ਹੈ ਕਿ ਮੈਂ ਪਤਨੀ ਨੂੰ ਕਿੱਥੇ ਦਾਖ਼ਲ ਕਰਾਵਾਂ । ਜਵਾਨ ਹਰ ਆਉਣ-ਜਾਣ ਵਾਲੇ ਲੋਕਾਂ ਤੋਂ ਮਦਦ ਦੀ ਗੁਹਾਰ ਲਗਾ ਰਿਹਾ ਸੀ । ਮੀਡੀਆ ਕਰਮੀਆਂ ਦੇ ਦਖ਼ਲ ਤੋਂ ਬਾਅਦ ਜਵਾਨ ਦੀ ਪਤਨੀ ਨੂੰ ਰੀਵਾ ਦੇ ਸੰਜੇ ਗਾਂਧੀ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ।

ਦੱਸ ਦੇਈਏ ਕਿ ਇਸ ਜਵਾਨ ਦੀ ਤਾਇਨਾਤੀ ਤ੍ਰਿਪੁਰਾ ਵਿੱਚ ਹੈ। ਉਹ 4 ਦਿਨ ਪਹਿਲਾਂ ਹੀ ਘਰ ਛੁੱਟੀ ‘ਤੇ ਆਇਆ ਹੈ । ਜਵਾਨ ਨੂੰ ਕੋਰੋਨਾ ਟੀਕਾ ਵੀ ਲੱਗ ਚੁੱਕਿਆ ਹੈ। ਉੱਥੇ ਹੀ ਘਰ ਆਉਣ ‘ਤੇ ਪਤਨੀ ਬੀਮਾਰ ਹੋਈ । ਜਿਸ ਤੋਂ ਬਾਅਦ ਉਸ ਦਾ ਕੋਰੋਨਾ ਟੈਸਟ ਕਰਵਾਇਆ ਗਿਆ ਤੇ ਉਸਦੀ ਰਿਪੋਰਟ ਪਾਜ਼ੀਟਿਵ ਨਿਕਲੀ । ਮੰਗਲਵਾਰ ਦੀ ਸਵੇਰ ਉਹ ਪਤਨੀ ਨੂੰ ਦਾਖ਼ਲ ਕਰਵਾਉਣ ਲਈ ਹਸਪਤਾਲਾਂ ਦਾ ਚੱਕਰ ਲਗਾ ਰਿਹਾ ਸੀ ਪਰ ਕੋਈ ਮਦਦ ਨਹੀਂ ਮਿਲ ਰਹੀ ਸੀ । ਕੋਰੋਨਾ ਪੀੜਤ ਪਤਨੀ ਨੂੰ ਲੈ ਕੇ ਜਵਾਨ ਕਾਫ਼ੀ ਲਾਚਾਰ ਨਜ਼ਰ ਆ ਰਿਹਾ ਸੀ । ਉਹ ਕੈਮਰਾ ਦੇਖ ਕੇ ਰੋਣ ਲੱਗ ਗਿਆ । ਉਸਨੇ ਰੋਂਦੇ ਹੋਏ ਕਿਹਾ ਕਿ ਬੀਮਾਰ ਪਤਨੀ ਨੂੰ ਲੈ ਕੇ ਭਟਕ ਰਿਹਾ ਹਾਂ । ਕਿੱਥੇ ਇਲਾਜ ਕਰਾਵਾਂ ।

ਇਹ ਵੀ ਦੇਖੋ: Delhi ‘ਚ lockdown ਦਾ ਐਲਾਨ ਹੁੰਦੇ ਹੀ ਰੇਲਵੇ ਸਟੇਸ਼ਨ ਤੇ ਲੱਗੀ ਭੀੜ, ਤੁਰੰਤ ਆਪਣੇ ਘਰ ਪਹੁੰਚਣਾ ਚਾਹੁੰਦੇ ਲੋਕ

The post ਕੋਰੋਨਾ ਪਾਜ਼ੀਟਿਵ ਪਤਨੀ ਨੂੰ ਲੈ ਕੇ 8 ਘੰਟਿਆਂ ਤੱਕ ਬੈੱਡ ਲਈ ਭਟਕਦਾ ਰਿਹਾ BSF ਜਵਾਨ, ਰੋਂਦੇ ਹੋਏ ਨੇ ਬਿਆਨ ਕੀਤਾ ਆਪਣਾ ਦਰਦ appeared first on Daily Post Punjabi.