ਟੀਮ ਦੇ ਸੂਤਰਾਂ ਅਨੁਸਾਰ ਦਰਸ਼ਕਾਂ ਦੀਆਂ ਟਿੱਪਣੀਆਂ ਬਹੁਤ ਹੀ ਅਪਮਾਨਜਨਕ ਸਨ। ਨਾ ਸਿਰਫ ਮੁਹੰਮਦ ਸਿਰਾਜ, ਬਲਕਿ ਟੀਮ ਦੇ ਸਟਾਰ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨਾਲ ਵੀ ਆਸਟ੍ਰੇਲੀਆਈ ਦਰਸ਼ਕਾਂ ਨੇ ਦੁਰਵਿਵਹਾਰ ਕੀਤਾ। ਇੱਕ ਆਸਟ੍ਰੇਲੀਆਈ ਅਖਬਾਰ ਦੇ ਅਨੁਸਾਰ ਟੀਮ ਇੰਡੀਆ ਦੇ ਅਧਿਕਾਰੀਆਂ ਨੂੰ ਆਈਸੀਸੀ ਅਤੇ ਸਟੇਡੀਅਮ ਦੇ ਸੁਰੱਖਿਆ ਅਧਿਕਾਰੀਆਂ ਨਾਲ ਭਾਰਤੀ ਡਰੈਸਿੰਗ ਰੂਮ ਦੇ ਬਾਹਰ ਗੱਲਬਾਤ ਕਰਦੇ ਦੇਖਿਆ ਗਿਆ। ਇਸ ਗੱਲਬਾਤ ਦੌਰਾਨ ਜਸਪ੍ਰੀਤ ਬੁਮਰਾਹ ਅਤੇ ਮੁਹੰਮਦ ਸਿਰਾਜ ਵੀ ਮੌਜੂਦ ਸਨ। ਖ਼ਬਰਾਂ ਅਨੁਸਾਰ, ਨਸ਼ੇ ‘ਚ ਚੂਰ ਦਰਸ਼ਕ ਬੀਤੇ ਦੋ ਦਿਨਾਂ ਤੋਂ ਸਿਰਾਜ ਅਤੇ ਬੁਮਰਾਹ ਨਾਲ ਬਦਸਲੂਕੀ ਕਰ ਰਹੇ ਸਨ। ਕਪਤਾਨ ਰਹਾਣੇ ਨੇ ਕਿਹਾ ਕਿ ਰੈਂਡਵਿਕ ਦੇ ਸਿਰੇ ‘ਤੇ ਬੈਠੇ ਇੱਕ ਦਰਸ਼ਕ ਨੇ ਸਿਰਾਜ ਨਾਲ ਬਦਸਲੂਕੀ ਕੀਤੀ ਸੀ। ਜ਼ਿਕਰਯੋਗ ਹੈ ਕਿ ਆਸਟ੍ਰੇਲੀਆ ਦੇ ਦਰਸ਼ਕ ਅਕਸਰ ਆਸਟ੍ਰੇਲੀਆ ਵਿੱਚ ਆਉਣ ਵਾਲੀਆਂ ਟੀਮਾਂ ਉੱਤੇ ਦਬਾਅ ਪਾਉਣ ਲਈ ਅਜਿਹੀ ਹਰਕਤ ਕਰਦੇ ਹਨ, ਤਾਂ ਜੋ ਮੇਜ਼ਬਾਨ ਟੀਮ ਮੈਦਾਨ ਵਿੱਚ ਇਸ ਦਾ ਲਾਭ ਲੈ ਸਕੇ।

ਇਹ ਵੀ ਦੇਖੋ : ਕੇਂਦਰ ਨਾਲ ਕਿਸਾਨ ਜਥੇਬੰਦੀਆਂ ਦੇ ਆਗੂਆਂ ਦੀਆਂ ਹੋਈਆਂ ਬੇਨਤੀਜਾ ਮੀਟਿੰਗਾਂ ਬਾਰੇ ਆਮ ਲੋਕਾਂ ਦੇ ਕੀ ਵਿਚਾਰ ਨੇ ..

The post ਨਸ਼ੇ ‘ਚ ਚੂਰ ਆਸਟ੍ਰੇਲੀਆਈ ਦਰਸ਼ਕਾਂ ਨੇ ਸਿਰਾਜ-ਬੁਮਰਾਹ ਨਾਲ ਕੀਤੀ ਬਦਸਲੂਕੀ, ਟੀਮ ਇੰਡੀਆ ਦਰਜ ਕਰਾਈ ਸ਼ਿਕਾਇਤ appeared first on Daily Post Punjabi.