IGMC ਪ੍ਰਸ਼ਾਸਨ ਨੇ ਇਨ੍ਹਾਂ ਮਸ਼ੀਨਾਂ ਦੇ ਆਰਡਰ ਦੇ ਦਿੱਤੇ ਹਨ। ਮਸ਼ੀਨ ਨੂੰ ਤਿਆਰ ਕਰਕੇ ਸ਼ਿਮਲਾ ਪਹੁੰਚਣ ‘ਚ 2 ਤੋਂ 3 ਮਹੀਨੇ ਲੱਗਣਗੇ। ਇਹ ਮਸ਼ੀਨਾਂ ਅਪ੍ਰੈਲ ਤੱਕ IGMC ਕੋਲ ਪਹੁੰਚ ਜਾਣਗੀਆਂ, ਜਿਸ ਤੋਂ ਬਾਅਦ ਮਰੀਜ਼ਾਂ ਨੂੰ ਇਲਾਜ ਲਈ ਪੀਜੀਆਈ PGI ਨਹੀਂ ਜਾਣਾ ਪਵੇਗਾ।
ਲੀਨੀਅਰ ਐਕਸਲੇਟਰ ਮਸ਼ੀਨ ਨਾਲ ਟਿਊਮਰ ਵਾਲੇ ਹਿੱਸੇ ‘ਤੇ ਸਿੱਧਾ ਲਾਗੂ ਕੀਤਾ ਜਾਂਦਾ ਹੈ, ਜੋ ਦੂਜੇ ਸੈੱਲਾਂ ਨੂੰ ਮਾਰਨ ਦੀ ਬਜਾਏ ਸਿਰਫ਼ ਕੈਂਸਰ ਸੈੱਲਾਂ ਨੂੰ ਮਾਰਦਾ ਹੈ। ਇਸ ਮਸ਼ੀਨ ਨੂੰ ਚਲਾਉਣ ਲਈ ਰੇਡੀਏਸ਼ਨ ਔਨਕੋਲੋਜਿਸਟ ਦਾ ਹੋਣਾ ਜ਼ਰੂਰੀ ਹੈ। ਦੂਜੇ ਪਾਸੇ ਸੀਟੀ ਸਿਮੂਲੇਟਰ ਮਸ਼ੀਨ ਸੀਟੀ ਸਕੈਨ ਮਸ਼ੀਨ ਦੀ ਤਰ੍ਹਾਂ ਹੈ, ਜੋ ਮਰੀਜ਼ ਦੇ ਇਲਾਜ ਵਿਚ ਕਾਫੀ ਮਦਦ ਕਰੇਗੀ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “

IGMC ਪ੍ਰਿੰਸੀਪਲ ਡਾ: ਸੀਤਾ ਠਾਕੁਰ ਨੇ ਕਿਹਾ ਕਿ ਮਸ਼ੀਨ ਦੇ ਆਉਣ ਨਾਲ ਮਰੀਜ਼ਾਂ ਨੂੰ ਵੱਡੀ ਰਾਹਤ ਮਿਲੇਗੀ। ਹਿਮਾਚਲ ਦੇ ਕਿਸੇ ਵੀ ਸਰਕਾਰੀ ਹਸਪਤਾਲ ਵਿੱਚ ਇਹ ਮਸ਼ੀਨ ਉਪਲਬਧ ਨਹੀਂ ਹੈ, ਜਿਸ ਕਾਰਨ ਮਰੀਜ਼ਾਂ ਨੂੰ ਦੂਜੇ ਰਾਜਾਂ ਵਿੱਚ ਜਾਣਾ ਪੈਂਦਾ ਹੈ। ਮਸ਼ੀਨਾਂ ਦੇ ਆਉਣ ਨਾਲ ਮਰੀਜ਼ਾਂ ਦੇ ਪੈਸੇ ਅਤੇ ਸਮੇਂ ਦੀ ਬੱਚਤ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਕੈਂਸਰ ਹਸਪਤਾਲ ਵਿੱਚ ਥਾਂ ਦੀ ਘਾਟ ਕਾਰਨ ਉਹ ਮਸ਼ੀਨ ਨਹੀਂ ਖਰੀਦ ਸਕੇ। IGMC ਪ੍ਰਸ਼ਾਸਨ ਨੇ ਵਿਸ਼ੇਸ਼ ਮਸ਼ੀਨ ਰੱਖਣ ਲਈ ਨਵੀਂ ਇਮਾਰਤ ਦਾ ਨਿਰਮਾਣ ਕੀਤਾ ਹੈ। ਇਸ ਦਾ ਕੰਮ ਚੱਲ ਰਿਹਾ ਹੈ, ਜਿਸ ਨੂੰ ਜਲਦੀ ਹੀ ਪੂਰਾ ਕਰ ਲਿਆ ਜਾਵੇਗਾ। ਮਸ਼ੀਨ ਆਉਣ ਤੋਂ ਪਹਿਲਾਂ ਬਿਲਡਿੰਗ ਤਿਆਰ ਹੋ ਜਾਵੇਗੀ।

The post 33 ਕਰੋੜ ‘ਚ ਖਰੀਦੀਆਂ ਜਾਣਗੀਆਂ ਸ਼ਿਮਲਾ IGMC ‘ਚ ਕੈਂਸਰ ਦੇ ਇਲਾਜ ਦੀਆਂ ਮਸ਼ੀਨਾਂ appeared first on Daily Post Punjabi.