Car collided with a trolley

ਜਾਣਕਾਰੀ ਅਨੁਸਾਰ ਪਿੰਡ ਸਾਲਾਹਵਾਸ ਵਾਸੀ ਹੰਸਰਾਜ ਨੇ ਹਾਈਵੇਅ ’ਤੇ ਪੈਂਦੇ ਪਿੰਡ ਕੱਟ ਵਿਖੇ ਬਾਬਾ ਕਾ ਢਾਬਾ ਦੇ ਨਾਂ ’ਤੇ ਹੋਟਲ ਖੋਲ੍ਹਿਆ ਹੋਇਆ ਹੈ। ਰਾਤ ਕਰੀਬ 11.30 ਵਜੇ ਪੰਜਾਬ ਦੇ ਮਾਨਸਾ ਜ਼ਿਲ੍ਹੇ ਦਾ ਰਹਿਣ ਵਾਲਾ ਧੀਰਾ ਸਿੰਘ ਆਪਣੀ ਟਰਾਲੀ ਲੈ ਕੇ ਖਾਣਾ ਖਾਣ ਲਈ ਹੋਟਲ ਪਹੁੰਚਿਆ ਸੀ। ਉਸ ਦੀ ਟਰਾਲੀ ਸਰਵਿਸ ਰੋਡ ‘ਤੇ ਖੜ੍ਹੀ ਸੀ ਅਤੇ ਉਹ ਅੰਦਰ ਖਾਣਾ ਖਾ ਰਿਹਾ ਸੀ। ਇਸ ਦੌਰਾਨ ਅਚਾਨਕ ਜ਼ੋਰਦਾਰ ਧਮਾਕਾ ਹੋਇਆ।

ਜਦੋਂ ਉਹ ਬਾਹਰ ਆਇਆ ਤਾਂ ਦੇਖਿਆ ਕਿ ਜੈਪੁਰ ਤੋਂ ਆ ਰਹੀ ਇੱਕ ਸਿਲਵਰ ਵੈਗਨਆਰ ਕਾਰ ਪਿੱਛੇ ਤੋਂ ਟਰਾਲੀ ਨਾਲ ਬੁਰੀ ਤਰ੍ਹਾਂ ਨਾਲ ਟਕਰਾਈ ਹੋਈ ਸੀ। ਜਦੋਂ ਧੀਰਾ ਸਿੰਘ ਨੇੜੇ ਗਿਆ ਤਾਂ ਦੇਖਿਆ ਕਿ ਦੋ ਵਿਅਕਤੀ ਇਸ ਵਿੱਚ ਫਸੇ ਹੋਏ ਸਨ। ਕੰਡਕਟਰ ਸੀਟ ‘ਤੇ ਬੈਠੇ ਵਿਅਕਤੀ ਨੂੰ ਤੁਰੰਤ ਬਾਹਰ ਕੱਢ ਕੇ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ ਪਰ ਡਰਾਈਵਰ ਨੂੰ ਬੜੀ ਮੁਸ਼ਕਲ ਨਾਲ ਬਾਹਰ ਕੱਢਿਆ ਗਿਆ।

ਇਹ ਵੀ ਪੜ੍ਹੋ : ਮੋਗਾ ਦੀ ਧੀ ਨੇ ਪੁਰਤਗਾਲ ‘ਚ ਲਹਿਰਾਇਆ ਤਿਰੰਗਾ, ਕਿੱਕ ਬਾਕਸਿੰਗ ਦੀ ਵਿਸ਼ਵ ਚੈਂਪੀਅਨਸ਼ਿਪ ‘ਚ ਜਿੱਤਿਆ ਚਾਂਦੀ ਦਾ ਤਗਮਾ

ਹੋਟਲ ਸੰਚਾਲਕ ਹੰਸਰਾਜ ਅਨੁਸਾਰ ਕਾਰ ਬੇਕਾਬੂ ਹੋ ਕੇ ਡਿਵਾਈਡਰ ਨਾਲ ਟਕਰਾ ਕੇ ਸਰਵਿਸ ਰੋਡ ’ਤੇ ਜਾ ਵੱਜੀ। ਇਸ ਹਾਦਸੇ ਦੀ ਸੂਚਨਾ ਤੁਰੰਤ ਥਾਣਾ ਕਸੌਲਾ ਨੂੰ ਦਿੱਤੀ ਗਈ। ਪੁਲਿਸ ਨੇ ਪਹਿਲਾਂ ਮੌਕੇ ‘ਤੇ ਪਹੁੰਚ ਕੇ ਫਿਰ ਹਸਪਤਾਲ ਪਹੁੰਚ ਕੇ ਜਾਂਚ ਕੀਤੀ। ਹਾਦਸੇ ਵਿੱਚ ਕਾਰ ਚਾਲਕ ਦੀ ਮੌਤ ਹੋ ਗਈ। ਹੰਸਰਾਜ ਅਨੁਸਾਰ ਹਾਦਸੇ ਵਿੱਚ ਮਰਨ ਵਾਲਾ ਵਿਅਕਤੀ ਓਮਪ੍ਰਕਾਸ਼ (52) ਰੇਵਾੜੀ ਦੇ ਪਿੰਡ ਕਿਸ਼ਨਗੜ੍ਹ ਦਾ ਰਹਿਣ ਵਾਲਾ ਹੈ।

ਦੱਸਿਆ ਜਾ ਰਿਹਾ ਹੈ ਕਿ ਏਅਰਫੋਰਸ ਤੋਂ ਰਿਟਾਇਰ ਹੋਣ ਤੋਂ ਬਾਅਦ ਓਮਪ੍ਰਕਾਸ਼ ਦਿੱਲੀ ਦੇ ਇੱਕ ਬੈਂਕ ਵਿੱਚ ਕੰਮ ਕਰ ਰਹੇ ਸਨ। ਹੰਸਰਾਜ ਦੀ ਸ਼ਿਕਾਇਤ ‘ਤੇ ਕਸੌਲਾ ਥਾਣਾ ਪੁਲਿਸ ਨੇ ਮਾਮਲੇ ‘ਚ ਐੱਫ.ਆਈ.ਆਰ. ਦਰਜ ਕਰ ਲਿਆ ਹੈ। ਫਿਲਹਾਲ ਪੁਲਿਸ ਮ੍ਰਿਤਕ ਦੀ ਲਾਸ਼ ਦਾ ਪੋਸਟਮਾਰਟਮ ਕਰਵਾਉਣ ‘ਚ ਲੱਗੀ ਹੋਈ ਹੈ।

ਵੀਡੀਓ ਲਈ ਕਲਿੱਕ ਕਰੋ : –

The post ਰੇਵਾੜੀ ‘ਚ ਖੜ੍ਹੀ ਟਰਾਲੀ ਨਾਲ ਟਕਰਾਈ ਕਾਰ, ਹਾ.ਦਸੇ ‘ਚ ਰਿਟਾਇਰਡ ਏਅਰ ਫੋਰਸ ਦੇ ਜਵਾਨ ਦੀ ਮੌ.ਤ appeared first on Daily Post Punjabi.