ਹਾਲਾਂਕਿ ਬਾਅਦ ‘ਚ ਸਮੀਰ ਵਾਨਖੇੜੇ ਖੁਦ ਇਸ ਮਾਮਲੇ ‘ਚ ਫਸ ਗਏ। ਸਮੀਰ ‘ਤੇ ਆਰੀਅਨ ਨੂੰ ਛੱਡਣ ਦੇ ਬਦਲੇ ਪੈਸੇ ਲੈਣ ਦਾ ਦੋਸ਼ ਹੈ। ਉਸ ‘ਤੇ ਇਹ ਵੀ ਦੋਸ਼ ਹਨ ਕਿ ਉਸ ਨੇ ਆਪਣੇ ਸੀਨੀਅਰ ਅਧਿਕਾਰੀਆਂ ਨੂੰ ਧਿਆਨ ਵਿਚ ਲਏ ਬਿਨਾਂ ਆਰੀਅਨ ਖਾਨ ਮਾਮਲੇ ਦੀ ਜਾਂਚ ਕੀਤੀ। ਮੁਨਮੁਨ ਧਮੀਚਾ ਦੇ ਨਾਲ, ਉਸਦੀ ਇੱਕ ਰੂਮਮੇਟ ਸੌਮਿਆ ਸਿੰਘ ਵੀ NCB ਨੇ ਫੜੀ ਸੀ। ਉਸ ਦੇ ਬੈਗ ਵਿੱਚੋਂ ਇੱਕ ਰੋਲਿੰਗ ਪੇਪਰ (ਨਸ਼ੀਲਾ ਪਦਾਰਥ) ਵੀ ਬਰਾਮਦ ਹੋਇਆ ਹੈ। ਹਾਲਾਂਕਿ ਐਨਸੀਬੀ ਨੇ ਉਸ ਨੂੰ ਰਿਹਾਅ ਕਰ ਦਿੱਤਾ ਸੀ। ਹੁਣ ਸੀਬੀਆਈ ਨੂੰ ਇਸ ਗੱਲ ਦਾ ਖਦਸ਼ਾ ਹੈ ਕਿ ਨਸ਼ੀਲੇ ਪਦਾਰਥ ਮਿਲਣ ਦੇ ਬਾਵਜੂਦ ਸੌਮਿਆ ਨੂੰ ਕਿਵੇਂ ਛੱਡ ਦਿੱਤਾ ਗਿਆ। ਉਨ੍ਹਾਂ ਨੂੰ ਛੱਡਣ ਦੇ ਬਦਲੇ ਵਿੱਚ ਕੁਝ ਸਮਝੌਤਾ ਹੋ ਸਕਦਾ ਹੈ। ਇਨ੍ਹਾਂ ਸਾਰੇ ਸਵਾਲਾਂ ਦੇ ਜਵਾਬ ਲੈਣ ਲਈ ਸੀਬੀਆਈ ਨੇ ਮੁਨਮੁਨ ਨੂੰ ਸੰਮਨ ਭੇਜੇ ਹਨ। ਸੀਬੀਆਈ ਅੱਜ ਯਾਨੀ ਵੀਰਵਾਰ ਨੂੰ ਮੁਨਮੁਨ ਦਾ ਬਿਆਨ ਦਰਜ ਕਰੇਗੀ।

ਵੀਡੀਓ ਲਈ ਕਲਿੱਕ ਕਰੋ -:

“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “

ਮੁਨਮੁਨ ਧਮੀਚਾ ਨੇ ਮਈ ‘ਚ ਵਿਸ਼ੇਸ਼ ਅਦਾਲਤ ਦਾ ਰੁਖ ਕੀਤਾ ਸੀ। ਮੁਨਮੁਨ ਨੇ ਅਦਾਲਤ ਨੂੰ ਅਪੀਲ ਕੀਤੀ ਕਿ ਉਸ ਨੂੰ ਇਸ ਕੇਸ ਤੋਂ ਡਿਸਚਾਰਜ ਕੀਤਾ ਜਾਵੇ। ਉਸ ਨੇ ਕਿਹਾ ਕਿ ਜਿਸ ਤਰ੍ਹਾਂ ਆਰੀਅਨ ਨੂੰ ਕਲੀਨ ਚਿੱਟ ਮਿਲੀ ਹੈ, ਉਸ ਨਾਲ ਬਰਾਬਰੀ ਦਾ ਸਲੂਕ ਹੋਣਾ ਚਾਹੀਦਾ ਹੈ। ਮੁਨਮੁਨ ਅਨੁਸਾਰ ਉਸ ਨੂੰ ਬਿਨਾਂ ਕਿਸੇ ਕਾਰਨ ਇਸ ਮਾਮਲੇ ਵਿੱਚ ਮੁਲਜ਼ਮ ਬਣਾਇਆ ਗਿਆ। ਰਿਪੋਰਟ ਮੁਤਾਬਕ ਇੰਟੈਲੀਜੈਂਸ ਅਫਸਰ ਆਸ਼ੀਸ਼ ਰੰਜਨ ਪ੍ਰਸਾਦ ਨੇ ਦੱਸਿਆ ਕਿ ਆਰੀਅਨ ਖਾਨ ਨਾਲ ਜੋ ਵੀ ਹੋਇਆ ਉਹ ਸੈੱਟਅੱਪ ਸੀ। ਆਸ਼ੀਸ਼ ਰੰਜਨ ਪ੍ਰਸਾਦ ਨੇ ਖੁਲਾਸਾ ਕੀਤਾ ਕਿ ਸਮੀਰ ਵਾਨਖੇੜੇ ਨੇ ਪਹਿਲਾਂ ਹੀ ਗਵਾਹਾਂ ਨੂੰ ਛਾਪੇਮਾਰੀ (ਕ੍ਰੂਜ਼ਸ਼ਿਪ) ਸਥਾਨ ‘ਤੇ ਭੇਜਿਆ ਸੀ। ਆਸ਼ੀਸ਼ ਨੇ ਖਦਸ਼ਾ ਪ੍ਰਗਟਾਇਆ ਕਿ ਸਮੀਰ ਗਵਾਹਾਂ ਨੂੰ ਪਹਿਲਾਂ ਹੀ ਜਾਣਦਾ ਸੀ। ਆਰੀਅਨ ਦੀ ਗ੍ਰਿਫਤਾਰੀ ਦਰਸਾਉਂਦੀ ਹੈ ਕਿ ਇਹ ਮਾਮਲਾ ਪਹਿਲਾਂ ਤੋਂ ਹੀ ਯੋਜਨਾਬੱਧ ਸੀ।

The post CBI ਵੱਲੋਂ ਮਾਡਲ ਮੁਨਮੁਨ ਧਮੀਚਾ ਨੂੰ ਸੰਮਨ: ਸਮੀਰ ਵਾਨਖੇੜੇ ਮਾਮਲੇ ‘ਚ ਹੋਵੇਗੀ ਪੁੱਛਗਿੱਛ appeared first on Daily Post Punjabi.