ਐਤਵਾਰ ਸਵੇਰੇ ਲੁਟੇਰਿਆਂ ਨੇ ਘਰ ਦੇ ਬਾਹਰ ਅਖਬਾਰ ਪੜ੍ਹ ਰਹੇ ਜਿਊਲਰ ਦੇ ਗਲੇ ‘ਚੋਂ ਸੋਨੇ ਦੀ ਚੇਨ ਖੋਹ ਲਈ। ਇਹ ਘਟਨਾ ਸ਼ਹਿਰ ਦੇ ਪੌਸ਼ ਇਲਾਕੇ ‘ਚੋਂ ਇਕ ਸ਼ਕਤੀ ਨਗਰ ਤੋਂ ਅੱਜ ਸਵੇਰੇ ਸਾਹਮਣੇ ਆਈ ਹੈ। ਸ਼ਹਿਰ ਦਾ ਮਸ਼ਹੂਰ ਜੌਹਰੀ ਕਮਲ ਮਲਹੋਤਰਾ ਉਰਫ਼ ਬਿੱਟੂ ਅੱਜ ਸਵੇਰੇ ਉੱਠ ਕੇ ਆਪਣੇ ਘਰ ਨੇੜੇ ਪਾਰਕ ਵਿੱਚ ਸੈਰ ਕਰਨ ਚਲਾ ਗਿਆ। ਸੈਰ ਤੋਂ ਵਾਪਸ ਆ ਕੇ ਉਹ ਆਪਣੇ ਘਰ ਦੇ ਬਾਹਰ ਬੈਠਾ ਅਖ਼ਬਾਰ ਪੜ੍ਹ ਰਿਹਾ ਸੀ। ਉਹ ਖ਼ਬਰ ਪੜ੍ਹਨ ਵਿਚ ਰੁੱਝਿਆ ਹੋਇਆ ਸੀ ਜਦੋਂ ਦੋ ਲੁਟੇਰੇ ਉਸ ਦੇ ਨੇੜੇ ਆ ਗਏ।

ਦੋਵੇਂ ਲੁਟੇਰਿਆਂ ਹੈਲਮੇਟ ਪਾਏ ਹੋਏ ਸੀ ਅਤੇ ਮੋਟਰਸਾਈਕਲ ‘ਤੇ ਸਵਾਰ ਸਨ। ਦੋਵਾਂ ਨੇ ਕਮਲ ਮਲਹੋਤਰਾ ਦੇ ਗਲੇ ਵਿੱਚੋਂ ਸੋਨੇ ਦੀ ਚੇਨ ਖਿੱਚ ਲਈ। ਜਦੋਂ ਤੱਕ ਕਮਲ ਮਲਹੋਤਰਾ ਕੁਝ ਸੰਭਾਲ ਸਕਿਆ ਤਾਂ ਲੁਟੇਰੇ ਤੇਜ਼ ਰਫਤਾਰ ਨਾਲ ਮੋਟਰਸਾਈਕਲ ਭਜਾ ਕੇ ਫਰਾਰ ਹੋ ਗਏ। ਕਮਲ ਮਲਹੋਤਰਾ ਨੇ ਤੁਰੰਤ ਇਸ ਦੀ ਸੂਚਨਾ ਪੁਲਸ ਨੂੰ ਦਿੱਤੀ। ਪੁਲੀਸ ਨੇ ਮੌਕੇ ‘ਤੇ ਪਹੁੰਚ ਕੇ ਜੌਹਰੀ ਮਲਹੋਤਰਾ ਦੇ ਬਿਆਨ ਦਰਜ ਕੀਤੇ। ਉਨ੍ਹਾਂ ਮਲਹੋਤਰਾ ਦੇ ਘਰ ਅਤੇ ਗਲੀ ਅਤੇ ਆਸ-ਪਾਸ ਇਲਾਕੇ ਵਿੱਚ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਹਾਸਲ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਨੇ ਦਾਅਵਾ ਕੀਤਾ ਹੈ ਕਿ ਸੀਸੀਟੀਵੀ ਫੁਟੇਜ ਦੇਖ ਕੇ ਜਲਦੀ ਹੀ ਲੁਟੇਰਿਆਂ ਨੂੰ ਕਾਬੂ ਕਰ ਲਿਆ ਜਾਵੇਗਾ।

The post ਜਲੰਧਰ ‘ਚ ਮੋਟਰਸਾਈਕਲ ਸਵਾਰ ਸਨੈਚਰਾਂ ਨੇ ਜਵੈਲਰ ਨਾਲ ਕੀਤੀ ਚੇਨ ਸਨੈਚਿੰਗ appeared first on Daily Post Punjabi.