ਅਮਰਿੰਦਰ ਸਿੰਘ ਨੇ ਦੱਸਿਆ ਕਿ ਉਸ ਨੂੰ ਬਚਪਨ ਤੋਂ ਹੀ ਦੌੜਨ ਦਾ ਸ਼ੌਕ ਰਿਹਾ ਹੈ। ਉਹ ਅਕਸਰ ਸੋਸ਼ਲ ਮੀਡੀਆ ‘ਤੇ ਆਪਣੀਆਂ ਲੰਬੀਆਂ ਦੌੜਾਂ ਦੇ ਵੀਡੀਓ ਅਪਲੋਡ ਕਰਦਾ ਹੈ, ਜਿਨ੍ਹਾਂ ਨੂੰ ਲੋਕ ਕਾਫੀ ਪਸੰਦ ਕਰਦੇ ਹਨ। ਲੋਕਾਂ ਦੀ ਸ਼ਲਾਘਾ ਨੇ ਉਸ ਦੇ ਅੰਦਰ ਨਵੀਂ ਊਰਜਾ ਭਰ ਦਿੱਤੀ। ਉਸ ਦੇ ਮਨ ਵਿਚ ਇੱਕ ਸੁਪਨਾ ਸੀ-ਪ੍ਰੀਤੀ ਜਿੰਟਾ ਨੂੰ ਮਿਲਣਾ। ਇਸ ਨੂੰ ਪੂਰਾ ਕਰਨ ਲਈ ਉਸ ਨੇ ਬਿਨਾਂ ਕਿਸੇ ਡਰ ਦੇ 80 ਕਿਲੋਮੀਟਰ ਦੌੜਨ ਦਾ ਫੈਸਲਾ ਕੀਤਾ।

ਸਵੇਰੇ-ਸਵੇਰੇ ਸ਼ੁਰੂ ਹੋਈ ਇਹ ਦੌੜ ਸੌਖੀ ਨਹੀਂ ਸੀ। ਰਸਤੇ ਵਿਚ ਥਕਾਵਟ, ਗਰਮੀ ਤੇ ਸਰੀਰਕ ਦਰਦ ਵੀ ਮਹਿਸੂਸ ਹੋਇਆ, ਪਰ ਅਮਰਿੰਦਰ ਨੇ ਹਿੰਮਤ ਨਹੀਂ ਹਾਰੀ। ਉਹ ਹਰ 15 ਕਿਲੋਮੀਟਰ ਬਾਅਦ ਕੁਝ ਮਿੰਟ ਆਰਾਮ ਕਰਦ ਅਤੇ ਫਿਰ ਆਪਣੀ ਮੰਜਿਲ ਵੱਲ ਵਧਦਾ ਗਿਆ। ਕਈ ਘੰਟਿਆਂ ਦ ਮਿਹਨਤ ਦੇ ਬਾਅਦ ਜਦੋਂ ਉਹ ਨਿਊ ਚੰਡੀਗੜ੍ਹ ਪਹੁੰਚਿਆ, ਤਾਂ ਉਸ ਦੇ ਕੋਲ ਮੈਚ ਦੀ ਟਿਕਟ ਵੀ ਨਹੀਂ ਸੀ।

ਉੱਥੇ ਮੌਜੂਦ ਪੁਲਿਸ ਅਧਿਕਾਰੀਆਂ ਨੇ ਉਸ ਨੂੰ ਪਹਿਲਾਂ ਹੀ ਸੋਸ਼ਲ ਮੀਡੀਆ ‘ਤੇ ਦੇਖਿਆ ਸੀ। ਉਸਦੀ ਹਿੰਮਤ ਤੋਂ ਪ੍ਰਭਾਵਿਤ ਹੋ ਕੇ ਉਨ੍ਹਾਂ ਨੇ ਉਸਨੂੰ ਸਟੇਡੀਅਮ ਵਿੱਚ ਜਾਣ ਦਿੱਤਾ। ਇਸ ਤੋਂ ਬਾਅਦ ਜੋ ਹੋਇਆ ਉਹ ਅਮਰਿੰਦਰ ਲਈ ਇੱਕ ਸੁਪਨੇ ਤੋਂ ਘੱਟ ਨਹੀਂ ਸੀ। ਪ੍ਰੀਤੀ ਜ਼ਿੰਟਾ ਉਸਨੂੰ ਮਿਲੀ, ਉਸਦੀ ਕਹਾਣੀ ਸੁਣੀ, ਅਤੇ ਉਸ ਦੀ ਹਿੰਮਤ ਦੀ ਦਿਲੋਂ ਤਾਰੀਫ ਕੀਤੀ। ਉਸ ਨੇ ਉਸ ਨੂੰ ਪੰਜਾਬ ਕਿੰਗਜ਼ ਦੀ ਟੀ-ਸ਼ਰਟ ਤੋਹਫ਼ੇ ਵਿੱਚ ਦਿੱਤੀ ਅਤੇ ਉਸ ਦੇ ਨਾਲ ਮੈਚ ਵੀ ਦੇਖਿਆ।

ਇਸ ਖਾਸ ਮੌਕੇ ‘ਤੇ ਪ੍ਰਸਿੱਧ ਪੰਜਾਬੀ ਕਲਾਕਾਰ ਗੁਰਦਾਸ ਮਾਨ, ਐਮੀ ਵਿਰਕ ਅਤੇ ਸੁਨੰਦਾ ਸ਼ਰਮਾ ਵੀ ਮੌਜੂਦ ਸਨ। ਉਹ ਵੀ ਅਮਰਿੰਦਰ ਨੂੰ ਮਿਲੇ ਅਤੇ ਉਸ ਨੂੰ ਉਤਸ਼ਾਹਿਤ ਕੀਤਾ। ਅਮਰਿੰਦਰ ਨੂੰ ਦਸਤਾਰ ਪਹਿਨੀਂ ਵੇਖ ਸਾਰਿਆਂ ਨੇ ਉਸਦੀ ਪ੍ਰਸ਼ੰਸਾ ਕੀਤੀ ਅਤੇ ਉਸਨੂੰ ਸਿੱਖ ਧਰਮ ਨੂੰ ਅੱਗੇ ਵਧਾਉਣ ਲਈ ਪ੍ਰੇਰਿਤ ਕੀਤਾ।

ਇਹ ਵੀ ਪੜ੍ਹੋ : ਜਲੰਧਰ BSF ਹੈੱਡਕੁਆਰਟਰ ਸਾਹਮਣੇ ਬਲਾਸਟ, ਮਗਰੋਂ ਅੰਮ੍ਰਿਤਸਰ ‘ਚ ਆਰਮੀ ਕੈਂਪ ਕੋਲ ਜ਼ੋਰਦਾਰ ਧ.ਮਾ/ਕਾ

ਅਮਰਿੰਦਰ ਲਈ ਇਹ ਯਾਤਰਾ ਸਿਰਫ਼ ਇੱਕ ਦੌੜ ਨਹੀਂ ਸੀ, ਸਗੋਂ ਉਸਦੇ ਸੁਪਨੇ ਨੂੰ ਜੀਉਣ ਦਾ ਇੱਕ ਖਾਸ ਮੌਕਾ ਸੀ। ਅਮਰਿੰਦਰ ਅਟੱਲ ਹੈ। ਉਸਦਾ ਅਗਲਾ ਟੀਚਾ 17 ਮਈ ਨੂੰ ਧਰਮਸ਼ਾਲਾ, ਹਿਮਾਚਲ ਪ੍ਰਦੇਸ਼ ਵਿੱਚ ਹੋਣ ਵਾਲਾ ਮੈਚ ਹੈ, ਅਤੇ ਉਹ ਇਸਨੂੰ ਦੇਖਣ ਲਈ ਰਾਣੀਤਾਲ ਤੋਂ ਧਰਮਸ਼ਾਲਾ ਤੱਕ ਲਗਭਗ 40 ਕਿਲੋਮੀਟਰ ਦੌੜੇਗਾ।

ਵੀਡੀਓ ਲਈ ਕਲਿੱਕ ਕਰੋ -:

Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ

The post 80 KM ਦੌੜ ਕੇ IPL ਮੈਚ ਵੇਖਣ ਪਹੁੰਚਿਆ ਖੰਨਾ ਦਾ ਮੁੰਡਾ, ਪ੍ਰੀਤੀ ਜ਼ਿੰਟਾ ਵੀ ਮਿਲ ਕੇ ਹੋ ਗਈ ਹੈਰਾਨ appeared first on Daily Post Punjabi.

ਮੁੰਬਈ ਇੰਡੀਅਨਜ਼ ਦੀ ਟੀਮ ਵੀ ਦੇਰ ਰਾਤ ਚੰਡੀਗੜ੍ਹ ਪਹੁੰਚ ਗਈ ਹੈ। ਇਸ ‘ਚ ਮੁੰਬਈ ਦੇ ਕਪਤਾਨ ਰੋਹਿਤ ਸ਼ਰਮਾ ਦੇ ਨਾਲ ਈਸ਼ਾਨ ਕਿਸ਼ਨ, ਸੂਰਿਆਕੁਮਾਰ ਯਾਦਵ, ਪੀਯੂਸ਼ ਚਾਵਲਾ ਅਤੇ ਟੀਮ ਦੇ ਹੋਰ ਖਿਡਾਰੀ ਵੀ ਮੌਜੂਦ ਹਨ।

18 ਅਪ੍ਰੈਲ ਨੂੰ ਹੋਣ ਵਾਲੇ ਮੈਚ ਲਈ ਦੋਵਾਂ ਟੀਮਾਂ ਮੁੰਬਈ ਇੰਡੀਅਨਜ਼ ਅਤੇ ਪੰਜਾਬ ਕਿੰਗਜ਼ ਇਲੈਵਨ ਦੇ ਖਿਡਾਰੀ ਅੱਜ ਸ਼ਾਮ ਨੂੰ ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਦੇ ਮਹਾਰਾਜਾ ਯਾਦਵਿੰਦਰ ਸਿੰਘ ਸਟੇਡੀਅਮ ਵਿੱਚ ਅਭਿਆਸ ਕਰਨਗੇ। ਇਸ ਦੇ ਲਈ 16 ਅਤੇ 17 ਅਪ੍ਰੈਲ ਨੂੰ ਦੋਵਾਂ ਟੀਮਾਂ ਦਾ ਅਭਿਆਸ ਪ੍ਰੋਗਰਾਮ ਤੈਅ ਕੀਤਾ ਗਿਆ ਹੈ।

ਮੌਸਮ ਵਿਭਾਗ ਨੇ 18 ਤਰੀਕ ਨੂੰ ਮੀਂਹ ਦੀ ਚਿਤਾਵਨੀ ਵੀ ਜਾਰੀ ਕੀਤੀ ਹੈ। ਇਸ ਕਾਰਨ ਖੇਡ ਵਿੱਚ ਕੁਝ ਵਿਘਨ ਪੈ ਸਕਦਾ ਹੈ। ਹਾਲਾਂਕਿ ਇਸ ਸਟੇਡੀਅਮ ਵਿੱਚ ਵਿਸ਼ੇਸ਼ ਡਰੇਨੇਜ ਸਿਸਟਮ ਲਗਾਇਆ ਗਿਆ ਹੈ, ਜਿਸ ਕਾਰਨ ਮੀਂਹ ਪੈਣ ਤੋਂ ਕੁਝ ਦੇਰ ਬਾਅਦ ਹੀ ਪਾਣੀ ਦਾ ਨਿਕਾਸ ਹੋ ਜਾਂਦਾ ਹੈ।

ਇਹ ਵੀ ਪੜ੍ਹੋ : ਅੰਮ੍ਰਿਤਸਰ : ਨਕ.ਲੀ ਬੰਦੂ.ਕ ਨਾਲ ਸੁਨਿਆਰੇ ਨੂੰ ਲੁੱਟਣ ਵਾਲਾ ਕਾਬੂ, ਜ਼ਮਾਨਤ ‘ਤੇ ਛੁੱਟਣ ਮਗਰੋਂ ਕੀਤੀ ਵਾਰ.ਦਾਤ

ਪੰਜਾਬ ਕਿੰਗਜ਼ ਇਲੈਵਨ ਦਾ ਟਾਪ ਆਰਡਰ ਲਗਾਤਾਰ ਖਰਾਬ ਪ੍ਰਦਰਸ਼ਨ ਕਰ ਰਿਹਾ ਹੈ। ਕਪਤਾਨ ਸ਼ਿਖਰ ਧਵਨ ਨੇ 2024 ਦੇ ਇਸ ਸੀਜ਼ਨ ‘ਚ ਪੰਜ ਮੈਚ ਖੇਡਦੇ ਹੋਏ ਸਿਰਫ 152 ਦੌੜਾਂ ਬਣਾਈਆਂ ਹਨ। ਇਸ ਤੋਂ ਇਲਾਵਾ ਸੈਮ ਕੁਰਨ ਨੇ 126 ਦੌੜਾਂ ਅਤੇ ਪ੍ਰਭੂ ਸਿਮਰਨ ਨੇ ਵੀ 6 ਮੈਚਾਂ ‘ਚ 119 ਦੌੜਾਂ ਬਣਾਈਆਂ।

ਇਸੇ ਤਰ੍ਹਾਂ ਜੌਨੀ ਬੇਅਰਸਟੋ ਨੇ 6 ਮੈਚਾਂ ‘ਚ ਸਿਰਫ 96 ਦੌੜਾਂ ਬਣਾਈਆਂ ਹਨ। ਇਸ ਕਾਰਨ ਟੀਮ ਨੂੰ ਲਗਾਤਾਰ ਹਾਰ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਟੀਮ ਲਈ ਸਮੱਸਿਆ ਇਹ ਹੈ ਕਿ ਟਾਪ ਆਰਡਰ ਪ੍ਰਦਰਸ਼ਨ ਨਹੀਂ ਕਰ ਰਿਹਾ ਹੈ।

Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ

The post 18 ਨੂੰ ਮੋਹਾਲੀ ਸਟੇਡੀਅਮ ‘ਚ PBKS ਨਾਲ ਭਿੜੇਗੀ MI, ਮੁੰਬਈ ਦੀ ਟੀਮ ਪਹੁੰਚੀ ਚੰਡੀਗੜ੍ਹ appeared first on Daily Post Punjabi.

ਮੇਅਰ ਕੁਲਦੀਪ ਕੁਮਾਰ ਲਈ ਮੰਗਲਵਾਰ ਦੋਹਰੀ ਖੁਸ਼ੀ ਦਾ ਦਿਨ ਰਿਹਾ। ਇਸ ਦਿਨ ਜਦੋਂ ਉਹ ਦੇਸ਼ ਦੀ ਚੋਟੀ ਦੀ ਅਦਾਲਤ ਦੇ ਹੁਕਮਾਂ ‘ਤੇ ਸ਼ਹਿਰ ਦੇ ਮੇਅਰ ਬਣੇ, ਉਸੇ ਦਿਨ ਉਨ੍ਹਾਂ ਦੇ ਵਿਆਹ ਦੀ 17ਵੀਂ ਵਰ੍ਹੇਗੰਢ ਸੀ। ਉਨ੍ਹਾਂ ਕਿਹਾ ਕਿ ਉਹ ਬਹੁਤ ਖੁਸ਼ਕਿਸਮਤ ਹਨ ਕਿ ਉਨ੍ਹਾਂ ਨੂੰ ਵਿਆਹ ਦੀ ਵਰ੍ਹੇਗੰਢ ਵਾਲੇ ਦਿਨ ਮੇਅਰ ਦੀ ਕੁਰਸੀ ਮਿਲੀ।

ਅਨੁਸੂਚਿਤ ਜਾਤੀ ਨਾਲ ਸਬੰਧਤ ਕੁਲਦੀਪ ਕੁਮਾਰ ਨੂੰ ਜਦੋਂ 30 ਜਨਵਰੀ ਨੂੰ ਹੋਈ ਮੇਅਰ ਦੀ ਚੋਣ ਵਿੱਚ ਹਾਰ ਦਾ ਐਲਾਨ ਕੀਤਾ ਗਿਆ ਤਾਂ ਉਹ ਰੋ ਪਏ, ਪਰ ਉਨ੍ਹਾਂ ਨੇ ਹਾਰ ਨਹੀਂ ਮੰਨੀ। 21 ਦਿਨ ਅਦਾਲਤ ਵਿੱਚ ਲੜੇ। ਉਹ ਹਾਈਕੋਰਟ ਤੋਂ ਲੈ ਕੇ ਸੁਪਰੀਮ ਕੋਰਟ ਤੱਕ ਗਏ ਅਤੇ ਅਖੀਰ ਜਿੱਤ ਕੇ ਮੁੜ ਮੇਅਰ ਦੀ ਕੁਰਸੀ ‘ਤੇ ਬੈਠ ਗਿਆ। ਕੁਲਦੀਪ ਦੇ ਮੇਅਰ ਬਣਨ ‘ਤੇ ਉਨ੍ਹਾਂ ਦੀ ਪਤਨੀ ਮਮਤਾ ਬਹੁਤ ਖੁਸ਼ ਹੈ।

ਕੁਲਦੀਪ ਨੇ 2005 ਵਿੱਚ ਪੰਜਾਬ ਬੋਰਡ ਤੋਂ 12ਵੀਂ ਦੀ ਪ੍ਰੀਖਿਆ ਪਾਸ ਕੀਤੀ ਸੀ। 40 ਸਾਲਾ ਕੁਲਦੀਪ ਨੂੰ ਉਨ੍ਹਾਂ ਦੇ ਦੋਸਤ ਟੀਟਾ ਕਹਿ ਕੇ ਬੁਲਾਉਂਦੇ ਹਨ। ਉਹ ਆਪਣੇ ਪਰਿਵਾਰ ਵਿੱਚੋਂ ਰਾਜਨੀਤੀ ਵਿੱਚ ਆਉਣ ਵਾਲੇ ਪਹਿਲੇ ਵਿਅਕਤੀ ਹਨ।

ਡੱਡੂਮਾਜਰਾ ਤੋਂ 40 ਸਾਲਾ ਕੌਂਸਲਰ ਕੁਲਦੀਪ ਟੀਟਾ ਗ੍ਰੈਜੂਏਟ (ਇਗਨੂ ਤੋਂ ਬੀ.ਏ.) ਹਨ। ਉਨ੍ਹਾਂ ਨੇ 2021 ਵਿੱਚ ਮਿਉਂਸਪਲ ਚੋਣਾਂ ਵਿੱਚ ਜਿੱਤ ਪ੍ਰਾਪਤ ਕੀਤੀ ਅਤੇ ਨਗਰ ਨਿਗਮ ਦੇ ਸਿਹਤ ਵਿੰਗ ਦੇ ਮੈਡੀਕਲ ਅਫਸਰ ਨਾਲ ਨੌਕਰੀ ਕੀਤੀ।

ਇੱਕ ਨਿਊਜ਼ ਚੈਨਲ ਨਾਲ ਗੱਲ ਕਰਦਿਆਂ ਕੁਲਦੀਪ ਨੇ ਕਿਹਾ ਕਿ “ਸ਼ੁਰੂਆਤ ਵਿੱਚ, ਮੈਂ ਇੱਕ ਐਮਸੀ ਸਫ਼ਾਈ ਕਰਮਚਾਰੀ ਵਜੋਂ ਗਲੀਆਂ ਦੀ ਸਫ਼ਾਈ ਕੀਤੀ… ਹੁਣ ਮੈਂ ਸ਼ਹਿਰ ਦੇ ਮੇਅਰ ਵਜੋਂ ਸੜਕਾਂ ਦੀ ਸਫ਼ਾਈ ਕਰਵਾਵਾਂਗਾ। ਉਹ ਦੋ ਬੱਚਿਆਂ ਧੀ-ਪੁੱਤ ਦੇ ਪਿਤਾ ਹਨ। ਕੁਲਦੀਪ ਬਾਅਦ ਵਿੱਚ ਵਾਲਮੀਕੀ ਭਾਈਚਾਰੇ ਦੇ ਚੇਅਰਮੈਨ ਬਣ ਗਏ। 2019 ਵਿੱਚ, ਉਨ੍ਹਾਂ ਡੱਡੂਮਾਜਰਾ ਦੀ ਰੈਜ਼ੀਡੈਂਟਸ ਵੈਲਫੇਅਰ ਐਸੋਸੀਏਸ਼ਨ ਦੀ ਚੋਣ ਲੜੀ ਅਤੇ ਜਿੱਤੀ, ਜਿਸਦੀ ਪ੍ਰਤੀਨਿਧਤਾ ਕੀਤੀ। 2021 ਵਿੱਚ ਉਹ ਆਮ ਆਦਮੀ ਪਾਰਟੀ ਵਿੱਚ ਸ਼ਾਮਲ ਹੋ ਗਏ। ਪਹਿਲਾਂ, ਕੁਲਦੀਪ ਭਾਜਪਾ ਦੇ ਐਸਸੀ ਮੋਰਚੇ ਨਾਲ ਜੁੜੇ ਹੋਏ ਸਨ, ਪਰ ਉਹ ਪਾਰਟੀ ਛੱਡ ਕੇ ਕਾਂਗਰਸ ਵਿੱਚ ਸ਼ਾਮਲ ਹੋ ਗਏ ਸਨ।

ਇਹ ਵੀ ਪੜ੍ਹੋ : ‘ਸ਼ਾਂਤੀ ਬਣਾਈ ਰੱਖੋ, ਮਿਲ ਕੇ ਹੱਲ ਲੱਭਣਾ ਚਾਹੀਦਾ’- ਕੇਂਦਰੀ ਮੰਤਰੀ ਅਰਜੁਨ ਮੁੰਡਾ ਦੀ ਕਿਸਾਨਾਂ ਨੂੰ ਅਪੀਲ

ਕੁਲਦੀਪ ਨੇ ਦਸੰਬਰ 2021 ਵਿੱਚ ਆਮ ਆਦਮੀ ਪਾਰਟੀ ਦੀ ਟਿਕਟ ‘ਤੇ ਪਹਿਲੀ ਵਾਰ ਨਗਰ ਨਿਗਮ ਚੋਣਾਂ ਲੜੀਆਂ ਅਤੇ ਵਾਰਡ 26 ਤੋਂ ਭਾਜਪਾ ਦੇ ਮੌਜੂਦਾ ਕੌਂਸਲਰ ਅਤੇ ਸਾਬਕਾ ਮੇਅਰ ਰਾਜੇਸ਼ ਕਾਲੀਆ ਨੂੰ ਹਰਾਇਆ। ਮੌਜੂਦਾ ਸਮੇਂ ਵਿੱਚ ਕੁਲਦੀਪ ਡੱਡੂਮਾਜਰਾ ਵਿੱਚ ਟੈਂਟ ਦਾ ਕਾਰੋਬਾਰ ਚਲਾ ਰਹੇ ਹਨ।

ਆਪਣੀਆਂ ਤਰਜੀਹਾਂ ਬਾਰੇ ਉਨ੍ਹਾਂ ਕਿਹਾ ਕਿ ਕਿਉਂਕਿ ਮੈਂ ਇੱਕ ਪਿਛੋਕੜ ਤੋਂ ਆਇਆ ਹਾਂ ਜਿੱਥੇ ਮੈਨੂੰ ਪਤਾ ਹੈ ਕਿ ਡੰਪਿੰਗ ਗਰਾਉਂਡ ਦੇ ਪਾਰ ਡੱਡੂਮਾਜਰਾ ਵਿੱਚ ਰਹਿਣਾ ਕਿੰਨਾ ਮੁਸ਼ਕਲ ਹੈ, ਇਸ ਲਈ ਇਸ ਨੂੰ ਸਾਫ਼ ਕਰਨਾ ਅਤੇ ਹਟਾਉਣਾ ਮੇਰੀ ਪਹਿਲੀ ਤਰਜੀਹ ਹੋਵੇਗੀ। ਸਵੱਛਤਾ ਹੀ ਮੇਰਾ ਮੁੱਖ ਏਜੰਡਾ ਹੋਵੇਗਾ। ਆਪਣੀ ਜਿੱਤ ਬਾਰੇ, ਉਨ੍ਹਾਂ ਕਿਹਾ, “ਮੈਂ ਸੁਪਰੀਮ ਕੋਰਟ ਦਾ ਬਹੁਤ ਧੰਨਵਾਦੀ ਹਾਂ। ਜਦੋਂ ਮੇਰੇ ਹੱਕ ਵਿੱਚ ਪਈਆਂ 8 ਵੋਟਾਂ ਰੱਦ ਹੋ ਗਈਆਂ ਤਾਂ ਮੇਰੀ ਪੂਰੀ ਉਮੀਦ ਟੁੱਟ ਗਈ ਸੀ। ਆਖ਼ਰਕਾਰ ਇਨਸਾਫ਼ ਮਿਲ ਗਿਆ।”

The post ਸਫਾਈ ਕਰਮਚਾਰੀ ਤੋਂ ਬਣੇ ਚੰਡੀਗੜ੍ਹ ਦੇ ਮੇਅਰ, ਜਾਣੋ ਕੌਣ ਹਨ ਕੁਲਦੀਪ ਕੁਮਾਰ appeared first on Daily Post Punjabi.