Chandu Champion Collection Day9

ਸਕਨੀਲਕ ਦੇ ਅੰਕੜਿਆਂ ‘ਤੇ ਨਜ਼ਰ ਮਾਰੀਏ ਤਾਂ ‘ਚੰਦੂ ਚੈਂਪੀਅਨ’ ਨੇ 4.75 ਕਰੋੜ ਰੁਪਏ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਤੋਂ ਬਾਅਦ ਪਹਿਲੇ ਵੀਕੈਂਡ ‘ਤੇ ਸ਼ਨੀਵਾਰ ਨੂੰ 7 ਕਰੋੜ ਅਤੇ ਐਤਵਾਰ ਨੂੰ 9.75 ਕਰੋੜ ਰੁਪਏ ਦੀ ਕਮਾਈ ਕੀਤੀ। ਜਦੋਂ ਕਿ ਪਹਿਲੇ ਸੋਮਵਾਰ ਦੀ ਕੁਲੈਕਸ਼ਨ 5 ਕਰੋੜ ਰੁਪਏ ਸੀ। ਉਦੋਂ ਤੋਂ ਫਿਲਮ ਨੇ ਇਕ ਦਿਨ ‘ਚ 3.25 ਕਰੋੜ ਰੁਪਏ ਤੋਂ ਜ਼ਿਆਦਾ ਦਾ ਕਾਰੋਬਾਰ ਨਹੀਂ ਕੀਤਾ ਹੈ। ਆਪਣੀ ਰਿਲੀਜ਼ ਦੇ ਪੰਜਵੇਂ ਦਿਨ ਤੋਂ ਹੀ ਬਾਕਸ ਆਫਿਸ ‘ਤੇ ਹੌਲੀ ਹੋ ਗਈ ਸੀ ਅਤੇ ਹਰ ਦਿਨ 2.5 ਤੋਂ 3.25 ਕਰੋੜ ਰੁਪਏ ਦੀ ਕਮਾਈ ਕਰ ਰਹੀ ਸੀ। ਪਰ ਨੌਵੇਂ ਦਿਨ ‘ਚੰਦੂ ਚੈਂਪੀਅਨ’ ਦੀ ਕਮਾਈ ‘ਚ ਜ਼ਬਰਦਸਤ ਵਾਧਾ ਹੋਇਆ ਹੈ ਅਤੇ ਕਾਰਤਿਕ ਆਰੀਅਨ ਦੀ ਫਿਲਮ ਨੇ ਕੁੱਲ 4.85 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ। ਇਸ ਨਾਲ ਫਿਲਮ ਨੇ ਭਾਰਤ ‘ਚ ਕੁੱਲ 42.75 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।

ਕਈ ਰਿਪੋਰਟਾਂ ਮੁਤਾਬਕ ‘ਚੰਦੂ ਚੈਂਪੀਅਨ’ ਦਾ ਬਜਟ 120 ਕਰੋੜ ਰੁਪਏ ਹੈ। ਫਿਲਮ ਨੇ ਘਰੇਲੂ ਬਾਕਸ ਆਫਿਸ ‘ਤੇ 40 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ ਅਤੇ ਇਸ ਨਾਲ ਇਸ ਨੇ ਆਪਣੀ ਲਾਗਤ ਦਾ ਇੱਕ ਤਿਹਾਈ ਹਿੱਸਾ ਕਮਾ ਲਿਆ ਹੈ। ਹਾਲਾਂਕਿ ‘ਚੰਦੂ ਚੈਂਪੀਅਨ’ ਅਜੇ ਵੀ ਬਜਟ ਨੂੰ ਕਲੀਅਰ ਕਰਨ ਤੋਂ ਕਾਫੀ ਦੂਰ ਹੈ। ‘ਚੰਦੂ ਚੈਂਪੀਅਨ’ ਦੀ ਕਹਾਣੀ ਦੀ ਗੱਲ ਕਰੀਏ ਤਾਂ ਇਹ ਭਾਰਤ ਦੇ ਪਹਿਲੇ ਪੈਰਾਲੰਪਿਕ ਸੋਨ ਤਮਗਾ ਜੇਤੂ ਮੁਰਲੀਕਾਂਤ ਪੇਟਕਰ ਦੀ ਕਹਾਣੀ ਹੈ। ਕਬੀਰ ਖਾਨ ਦੇ ਨਿਰਦੇਸ਼ਨ ‘ਚ ਬਣੀ ਇਸ ਫਿਲਮ ‘ਚ ਕਾਰਤਿਕ ਆਰੀਅਨ ਮੁੱਖ ਭੂਮਿਕਾ ‘ਚ ਹਨ। ਵਿਜੇ ਰਾਜ, ਭਾਗਿਆਸ਼੍ਰੀ ਅਤੇ ਰਾਜਪਾਲ ਯਾਦਵ ਵੀ ਅਹਿਮ ਭੂਮਿਕਾਵਾਂ ‘ਚ ਨਜ਼ਰ ਆ ਚੁੱਕੇ ਹਨ।

ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .

The post ‘ਚੰਦੂ ਚੈਂਪੀਅਨ’ ਨੇ ਆਖਿਰਕਾਰ ਬਾਕਸ ਆਫਿਸ ‘ਤੇ ਫੜ ਲਈ ਤੇਜ਼ੀ, ਦੂਜੇ ਵੀਕੈਂਡ ‘ਤੇ ਵਧਿਆ ਫਿਲਮ ਦਾ ਕਲੈਕਸ਼ਨ appeared first on Daily Post Punjabi.