ਕੀਮੋਥੈਰੇਪੀ ਕੀ ਹੈ: ਇਹ ਇਕ ਅਜਿਹਾ ਇਲਾਜ਼ ਹੈ ਜੋ ਕੈਂਸਰ ਦੀ ਬਿਮਾਰੀ ਵਿਚ ਕੀਤਾ ਜਾਂਦਾ ਹੈ। ਕੁਝ ਦਵਾਈਆਂ ਇਸ ਦੇ ਜ਼ਰੀਏ ਦਿੱਤੀਆਂ ਜਾਂਦੀਆਂ ਹਨ ਜਿਸ ਦੁਆਰਾ ਸਰੀਰ ਵਿਚ ਕੈਂਸਰ ਸੈੱਲ ਨਸ਼ਟ ਹੋ ਜਾਂਦੇ ਹਨ। ਇਹ ਦਵਾਈਆਂ ਕਾਰਨ ਟਿਊਮਰ ਸੁੰਗੜ ਜਾਂਦਾ ਹੈ। ਇਹਨਾਂ ਨੂੰ ਐਂਟੀ ਕੈਂਸਰ ਡਰੱਗਸ ਜਾਂ ਕੀਮੋਥੈਰੇਪਿਕ ਏਜੰਟ ਵੀ ਕਹਿੰਦੇ ਹਨ। ਹਾਲਾਂਕਿ ਇਹ ਕੈਂਸਰ ਸਟੇਜ ‘ਤੇ ਨਿਰਭਰ ਕਰਦਾ ਹੈ ਕਿ ਇਹ ਟ੍ਰੀਟਮੈਂਟ ਦਿੱਤਾ ਜਾਵੇਗਾ ਜਾਂ ਨਹੀਂ।

ਥਕਾਵਟ ਅਤੇ ਲੱਤਾਂ ਵਿਚ ਗੰਭੀਰ ਦਰਦ: ਦਰਅਸਲ ਇਸ ਇਲਾਜ ਦੌਰਾਨ ਮਰੀਜ਼ ਦੇ ਸਾਰੇ ਸੈੱਲ ਖ਼ਤਮ ਹੋ ਜਾਂਦੇ ਹਨ ਜਿਸ ਨੂੰ ਦੁਬਾਰਾ ਬਣਾਉਣ ਵਿਚ 5-6 ਦਿਨ ਲੱਗ ਜਾਂਦੇ ਹਨ ਜਿਸ ਦੌਰਾਨ ਸਰੀਰ ਥੱਕ ਜਾਂਦਾ ਹੈ ਅਤੇ ਲੱਤਾਂ ਵਿਚ ਅਸਹਿ ਦਰਦ ਹੁੰਦਾ ਹੈ। ਇਹ ਦਰਦ ਉਦੋਂ ਤਕ ਜਾਰੀ ਹੈ ਜਦੋਂ ਤੱਕ ਮਰੀਜ਼ ਦੇ ਨਵੇਂ ਸੈੱਲ ਬਣ ਨਹੀਂ ਜਾਂਦੇ। ਕੀਮੋਥੈਰੇਪੀ ਦੇ ਦੌਰਾਨ ਮਰੀਜ਼ ਨੂੰ ਆਪਣੇ ਭੋਜਨ ਦੀ ਬਹੁਤ ਚੰਗੀ ਦੇਖਭਾਲ ਕਰਨੀ ਚਾਹੀਦੀ ਹੈ ਤਾਂ ਜੋ ਸਰੀਰ ‘ਚ ਜ਼ਿਆਦਾ ਕਮਜ਼ੋਰੀ ਨਾ ਆ ਸਕੇ।

ਵਾਲਾਂ ਦਾ ਨੁਕਸਾਨ: ਕੀਮੋਥੈਰੇਪੀ ਦੇ ਦੌਰਾਨ ਸਰੀਰ ਦੇ ਸਾਰੇ ਵਾਲ ਡਿੱਗ ਜਾਂਦੇ ਹਨ। ਹਾਲਾਂਕਿ ਵਾਲ ਅਸਥਾਈ ਤੌਰ ‘ਤੇ ਡਿੱਗਦੇ ਹਨ ਥੈਰੇਪੀ ਖਤਮ ਹੋਣ ਤੋਂ ਬਾਅਦ ਵਾਲ ਫਿਰ ਉੱਗਣੇ ਸ਼ੁਰੂ ਹੋ ਜਾਂਦੇ ਹਨ। ਵਾਲਾਂ ਦੇ ਤੇਜ਼ੀ ਨਾਲ ਵਾਧਾ ਕਰਨ ਲਈ ਆਇਰਨ ਨਾਲ ਭਰਪੂਰ ਡਾਇਟ ਲੈਣਾ ਬਹੁਤ ਜ਼ਰੂਰੀ ਹੈ ਨਾਲ ਹੀ ਕੁਝ ਸਪਲੀਮੈਂਟਸ ਵੀ ਸ਼ਾਮਲ ਕੀਤੇ ਜਾ ਸਕਦੇ ਹਨ।

ਕਮਜ਼ੋਰ ਇਮਿਊਨਿਟੀ ਅਤੇ ਵੇਟਲੋਸ: ਜਿਥੇ ਕੈਂਸਰ ਸੈੱਲਾਂ ਨੂੰ ਖਤਮ ਕਰਨ ਲਈ ਮਰੀਜ਼ਾਂ ਨੂੰ ਕੀਮੋਥੈਰੇਪੀ ਦਿੱਤੀ ਜਾਂਦੀ ਹੈ ਓਥੇ ਹੀ ਸਰੀਰ ਦੀ ਇਮਿਊਨਿਟੀ ਕਮਜ਼ੋਰ ਅਤੇ ਭਾਰ ਘਟਣ ਦਾ ਖ਼ਤਰਾ ਹੁੰਦਾ ਹੈ।

ਸਕਿਨ ‘ਤੇ ਨਿਸ਼ਾਨ: ਇਨ੍ਹਾਂ ਐਂਟੀ-ਡਰੱਗਜ਼ ਨਾਲ ਸਕਿਨ ‘ਤੇ ਧੱਫੜ ਅਤੇ ਮੂੰਹ ‘ਤੇ ਜ਼ਖਮ ਹੋਣਾ ਜਿਹੇ ਸਾਈਡ ਇਫੈਕਟਸ ਵੀ ਦਿਖਾਈ ਦਿੰਦੇ ਹਨ। ਅਜਿਹੀ ਸਥਿਤੀ ਵਿੱਚ ਚਿੰਤਾ ਕਰਨ ਦੀ ਬਜਾਏ ਤੁਹਾਨੂੰ ਤੁਰੰਤ ਡਾਕਟਰ ਤੋਂ ਜਾਂਚ ਕਰਵਾ ਲੈਣੀ ਚਾਹੀਦੀ ਹੈ।

ਨੀਂਦ ਨਾ ਆਉਣਾ: ਇਹ ਕੈਂਸਰ ਵਿਰੋਧੀ ਦਵਾਈਆਂ ਨੀਂਦ ਨੂੰ ਵੀ ਪ੍ਰਭਾਵਤ ਕਰਦੀਆਂ ਹਨ ਜਿਸ ਕਾਰਨ ਮਰੀਜ਼ ਨੂੰ ਨੀਂਦ ਆਉਣੀ ਬੰਦ ਹੋ ਜਾਂਦੀ ਹੈ। ਇਸ ਸਥਿਤੀ ਵਿੱਚ ਨੀਂਦ ਵਾਲੀਆਂ ਗੋਲੀਆਂ ਲੈਣ ਦੀ ਬਜਾਏ ਆਪਣੇ ਡਾਕਟਰ ਨਾਲ ਸੰਪਰਕ ਕਰੋ।

ਗਰਭ ਅਵਸਥਾ ਵਿੱਚ ਕੀਮੋਥੈਰੇਪੀ ਨਾ ਕਰਵਾਓ: ਇਨ੍ਹਾਂ ਦਵਾਈਆਂ ਦੀ ਵਰਤੋਂ ਗਰਭ ਅਵਸਥਾ ਦੌਰਾਨ ਨਹੀਂ ਕੀਤੀ ਜਾਣੀ ਚਾਹੀਦੀ ਕਿਉਂਕਿ ਇਸ ਨਾਲ ਗਰਭ ਵਿੱਚ ਪਲ ਰਹੇ ਭਰੂਣ ਨੂੰ ਪਰੇਸ਼ਾਨੀ ਹੋ ਸਕਦੀ ਹੈ। ਸਿਰਫ ਇਹ ਹੀ ਨਹੀਂ ਕੁਝ ਕੈਂਸਰ ਵਿਰੋਧੀ ਦਵਾਈਆਂ ਬਾਂਝਪਨ ਦਾ ਕਾਰਨ ਵੀ ਬਣ ਸਕਦੀਆਂ ਹਨ। ਜੇ ਤੁਸੀਂ ਕੈਂਸਰ ਦੇ ਇਲਾਜ ਤੋਂ ਬਾਅਦ ਮਾਂ ਬਣਨ ਬਾਰੇ ਸੋਚ ਰਹੇ ਹੋ ਤਾਂ ਪਹਿਲਾਂ ਡਾਕਟਰ ਦੀ ਸਲਾਹ ਲਓ।

The post ਜਾਣੋ ਕੀ ਹਨ ਕੀਮੋਥੈਰੇਪੀ ਦੇ Side Effects ? appeared first on Daily Post Punjabi.