ਰਿਪੋਰਟ ‘ਚ ਕਿਹਾ ਗਿਆ ਹੈ, “ਕੋਰੋਨਾ ਮਹਾਂਮਾਰੀ ਕਾਰਨ ਸਕੂਲ ਬੰਦ ਹੋਣ ਨਾਲ ਦੁਨੀਆ ਭਰ ਵਿੱਚ ਤਕਰੀਬਨ ਇੱਕ ਅਰਬ ਬੱਚਿਆਂ ਦੀ ਪੜ੍ਹਾਈ ਤੱਕ ਪਹੁੰਚ ਨਹੀਂ ਹੋ ਰਹੀ ਹੈ। 40 ਕਰੋੜ ਤੋਂ ਵੱਧ ਬੱਚੇ ਘਰ ਵਿੱਚ ਇੰਟਰਨੈਟ ਦੀ ਅਣਹੋਂਦ ਕਾਰਨ ਆਨਲਾਈਨ ਸਿੱਖਿਆ ਪ੍ਰੋਗਰਾਮਾਂ ਦੀ ਵਰਤੋਂ ਕਰਨ ਵਿੱਚ ਅਸਮਰਥ ਹਨ। ਅਗਲੇ ਛੇ ਮਹੀਨਿਆਂ ਵਿੱਚ, ਇਹ ਅਨੁਮਾਨ ਲਗਾਇਆ ਗਿਆ ਹੈ ਕਿ 5 ਸਾਲ ਤੋਂ ਘੱਟ ਉਮਰ ਦੇ 10 ਲੱਖ 20 ਹਜ਼ਾਰ ਤੋਂ ਵੱਧ ਬੱਚੇ ਕੁਪੋਸ਼ਣ ਦਾ ਸ਼ਿਕਾਰ ਹੋਣਗੇ। ਟੀਕਾਕਰਨ ਦੀਆਂ ਯੋਜਨਾਵਾਂ ਵਿੱਚ ਵਿਘਨ ਪੈਣ ਕਾਰਨ ਇੱਕ ਸਾਲ ਜਾਂ ਇਸ ਤੋਂ ਘੱਟ ਉਮਰ ਦੇ 8 ਕਰੋੜ ਬੱਚਿਆਂ ਵਿੱਚ ਬਿਮਾਰੀ ਦਾ ਖ਼ਤਰਾ ਵੱਧ ਗਿਆ ਹੈ। ਸ਼ਾਂਤੀ ਦੇ ਨੋਬਲ ਪੁਰਸਕਾਰ ਨਾਲ ਸਨਮਾਨਿਤ ਕੈਲਾਸ਼ ਸਤਿਆਰਥੀ ਨੇ ਇਸ ਰਿਪੋਰਟ ਦਾ ਖੁਲਾਸਾ ਕਰਦਿਆਂ ਕਿਹਾ, “ਪਿੱਛਲੇ ਦੋ ਦਹਾਕਿਆਂ ਵਿੱਚ ਪਹਿਲੀ ਵਾਰ ਅਸੀਂ ਬਾਲ ਮਜ਼ਦੂਰੀ, ਗਰੀਬੀ ਅਤੇ ਸਕੂਲਾਂ ਤੋਂ ਬਾਹਰ ਹੋ ਰਹੇ ਬੱਚਿਆਂ ਦੀ ਵੱਧ ਰਹੀ ਗਿਣਤੀ ਨੂੰ ਵੇਖ ਰਹੇ ਹਾਂ। ਕੋਵਿਡ -19 ਦੇ ਮਾੜੇ ਪ੍ਰਭਾਵਾਂ ਨੂੰ ਦੂਰ ਕਰਨ ਲਈ ਜੋ ਵਾਅਦੇ ਕੀਤੇ ਗਏ ਸੀ, ਵਿਸ਼ਵ ਦੀਆਂ ਅਮੀਰ ਸਰਕਾਰਾਂ ਦੁਆਰਾ ਉਸ ਵਾਅਦੇ ਨੂੰ ਪੂਰਾ ਨਾ ਕਰਨਾ ਉਨ੍ਹਾਂ ਦੇ ਅਸਮਾਨ ਆਰਥਿਕ ਰੁਖ ਦਾ ਸਿੱਧਾ ਸਿੱਟਾ ਹੈ।” ਉਨ੍ਹਾਂ ਕਿਹਾ, “ਵਿਸ਼ਵ ਦੀਆਂ ਅਮੀਰ ਸਰਕਾਰਾਂ ਆਪਣੇ ਆਪ ਨੂੰ ਸੰਕਟ ਤੋਂ ਬਾਹਰ ਕੱਢਣ ਲਈ ਖਰਬਾਂ ਦਾ ਭੁਗਤਾਨ ਕਰ ਰਹੀਆਂ ਹਨ। ਇਸ ਦੇ ਨਾਲ ਹੀ ਸਮਾਜ ਦੇ ਸਭ ਤੋਂ ਕਮਜ਼ੋਰ ਅਤੇ ਪਛੜੇ ਬੱਚਿਆਂ ਨੂੰ ਉਨ੍ਹਾਂ ਦੇ ਰਹਿਮ ‘ਤੇ ਛੱਡ ਦਿੱਤਾ ਗਿਆ ਹੈ। ਇਸ ਨਾ-ਸਰਗਰਮੀ ਦਾ ਕੋਈ ਬਦਲ ਨਹੀਂ ਹੈ।”

The post ਘਰ ‘ਚ ਇੰਟਰਨੈੱਟ ਸਹੂਲਤ ਦੀ ਘਾਟ ਕਾਰਨ 40 ਕਰੋੜ ਤੋਂ ਵੱਧ ਬੱਚੇ ਆਨਲਾਈਨ ਪੜ੍ਹਨ ਵਿੱਚ ਅਸਮਰੱਥ: ਰਿਪੋਰਟ appeared first on Daily Post Punjabi.