ਭਾਰੀ ਮੀਂਹ ਦੇ ਅਲਰਟ ਦੇ ਮੱਦੇਨਜ਼ਰ ਪ੍ਰਸ਼ਾਸਨ ਨੇ ਪਹਿਲਾਂ ਹੀ ਸ਼ਰਧਾਲੂਆਂ ਨੂੰ ਸੁਰੱਖਿਅਤ ਥਾਵਾਂ ‘ਤੇ ਪਹੁੰਚਾ ਦਿੱਤਾ ਸੀ। ਕੇਦਾਰਨਾਥ ਪੈਦਲ ਮਾਰਗ ਦੇ ਭੀਮਬਲੀ ਅਤੇ ਲਿਨਚੋਲੀ ਵਿੱਚ ਸਭ ਤੋਂ ਵੱਧ ਨੁਕਸਾਨ ਹੋਣ ਦੀ ਖਬਰ ਹੈ। ਕੇਦਾਰਨਾਥ ਪੈਦਲ ਮਾਰਗ ਦੇ ਰਾਮਬਾੜਾ ‘ਚ ਮੰਦਾਕਿਨੀ ਨਦੀ ‘ਤੇ ਸਥਿਤ ਦੋ ਪੁਲ ਵਹਿ ਗਏ ਹਨ। ਕੇਦਾਰਨਾਥ ਮਾਰਗ ‘ਤੇ ਭਿੰਬਲੀ ਚੌਕੀ ਤੋਂ ਕਰੀਬ 70 ਮੀਟਰ ਅੱਗੇ ਸੜਕ ਟੁੱਟਣ ਕਾਰਨ 200 ਸ਼ਰਧਾਲੂਆਂ ਨੂੰ ਜੀਐੱਮਵੀਐੱਨ ਅਤੇ ਪੁਲਿਸ ਚੌਕੀ ‘ਤੇ ਸੁਰੱਖਿਅਤ ਰੱਖਿਆ ਗਿਆ। ਨੁਕਸਾਨੀ ਗਈ ਸੜਕ ਤੋਂ ਲੋਕਾਂ ਨੂੰ ਬਾਹਰ ਕੱਢਿਆ ਗਿਆ ਹੈ।

ਦੂਜੇ ਪਾਸੇ ਮੰਦਾਕਿਨੀ ਨਦੀ ਦੇ ਭਿਆਨਕ ਰੂਪ ਕਾਰਨ ਗੌਰੀਕੁੰਡ ‘ਚ ਗਰਮ ਤਲਾਅ ਵਹਿ ਗਿਆ ਹੈ। ਨਦੀ ਦੇ ਕੰਢੇ ਸਥਿਤ ਦੁਕਾਨਾਂ ਅਤੇ ਹੋਟਲਾਂ ਨੂੰ ਖਾਲੀ ਕਰਵਾ ਲਿਆ ਗਿਆ ਹੈ। ਇਸ ਤੋਂ ਇਲਾਵਾ ਸੋਨਪ੍ਰਯਾਗ ‘ਚ ਮੰਦਾਕਿਨੀ ਨਦੀ ਦੇ ਵਧਦੇ ਪਾਣੀ ਦੇ ਪੱਧਰ ਨੂੰ ਦੇਖਦੇ ਹੋਏ ਪ੍ਰਸ਼ਾਸਨ ਨੇ ਯਾਤਰੀਆਂ ਨੂੰ ਸੁਰੱਖਿਅਤ ਥਾਵਾਂ ‘ਤੇ ਰੱਖਿਆ ਹੈ। ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਹਰ ਘਟਨਾ ‘ਤੇ ਨਜ਼ਰ ਰੱਖੀ ਜਾ ਰਹੀ ਹੈ।

ਇਹ ਵੀ ਪੜ੍ਹੋ : ਸਕੂਲਾਂ ‘ਚ ਸ਼ੁਰੂ ਹੋਏ ਜ਼ੋਨਲ ਪੱਧਰ ਦੇ ਮੁਕਾਬਲੇ, ਮੁੰਡੇ-ਕੁੜੀਆਂ ਦੀਆਂ ਕਰਾਟੇ, ਕਬੱਡੀ ਤੇ ਖੋ-ਖੋ ਦੀਆਂ ਕਰਵਾਈਆਂ ਜਾ ਰਹੀਆਂ ਖੇਡਾਂ

ਸਾਵਧਾਨੀ ਵਜੋਂ ਐਸਡੀਆਰਐਫ, ਪੁਲਿਸ ਅਤੇ ਆਫ਼ਤ ਰਾਹਤ ਟੀਮ ਮੌਕੇ ਲਈ ਰਵਾਨਾ ਹੋ ਗਈ ਹੈ। ਦੇਹਰਾਦੂਨ ਸ਼ਹਿਰ ਦੇ ਕੁਝ ਹਿੱਸਿਆਂ ‘ਚ ਭਾਰੀ ਮੀਂਹ ਕਾਰਨ ਚਕਰਤਾ ਰੋਡ ‘ਤੇ ਬਿੰਦਲ ਨਦੀ ਦੇ ਪਾਣੀ ਦਾ ਪੱਧਰ ਵਧ ਗਿਆ ਹੈ। ਦੇਹਰਾਦੂਨ ਦੇ ਤਪਕੇਸ਼ਵਰ ਮਹਾਦੇਵ ਮੰਦਰ ਕੰਪਲੈਕਸ ‘ਚ ਪਾਣੀ ਭਰ ਗਿਆ ਹੈ। ਸੋਨਪ੍ਰਯਾਗ ਵਿੱਚ SDRF ਅਤੇ NDRF ਨੂੰ ਅਲਰਟ ਕਰ ਦਿੱਤਾ ਗਿਆ ਹੈ। ਸੋਨਪ੍ਰਯਾਗ ‘ਚ ਨਦੀ ਦੇ ਪਾਣੀ ਦਾ ਪੱਧਰ ਵਧਣ ਤੋਂ ਬਾਅਦ ਲੋਕਾਂ ਨੂੰ ਚੌਕਸ ਰਹਿਣ ਲਈ ਕਿਹਾ ਗਿਆ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

The post ਉਤਰਾਖੰਡ ‘ਚ ਫੱਟਿਆ ਬੱਦਲ, 100 ਤੋਂ ਵੱਧ ਸੈਲਾਨੀ ਹੋਏ ਲਾਪਤਾ, SDRF ਬਚਾਅ ਕਾਰਜ ’ਚ ਜੁਟੀ appeared first on Daily Post Punjabi.