ਦੱਸਣਯੋਗ ਹੈ ਕਿ ਉੱਤਰ-ਪੱਛਮੀ ਹਵਾਵਾਂ ਚੱਲਣੀਆਂ ਸ਼ੁਰੂ ਹੋ ਗਈਆਂ ਹਨ, ਜਿਸ ਤੋਂ ਹੁਣ ਹਵਾ ‘ਚ ਠੰਡਕ ਘੁਲਣ ਲੱਗੀ ਹੈ। ਇਸ ਦੇ ਕਾਰਨ ਹੁਣ ਲੋਕਾਂ ਨੂੰ ਗਰਮੀ ਦਾ ਅਹਿਸਾਸ ਘੱਟ ਹੋਣ ਲੱਗਿਆ ਹੈ ਅਤੇ ਦਿਨ ਦੇ ਤਾਪਮਾਨ ‘ਚ ਵੀ ਕਾਫੀ ਕਮੀ ਦਰਜ ਕੀਤੀ ਜਾ ਰਹੀ ਹੈ।

ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਮੌਸਮ ਵਿਭਾਗ ਦੇ ਵਿਗਿਆਨਿਕ ਡਾ.ਕੇ.ਕੇ ਗਿੱਲ ਦੇ ਮੁਤਾਬਕ ਜਦੋਂ ਉੱਤਰ ਤੋਂ ਹਵਾਵਾਂ ਸ਼ੁਰੂ ਹੋ ਜਾਂਦੀਆਂ ਹਨ ਤਾਂ ਇਹ ਸਰਦੀ ਆਉਣ ਦਾ ਸੰਕੇਤ ਹੈ। ਇਸ ਦੇ ਕਾਰਨ ਦਿਨ ਅਤੇ ਰਾਤ ਦੇ ਤਾਪਮਾਨ ‘ਚ ਵੀ ਗਿਰਾਵਟ ਆਉਣ ਲੱਗੀ ਹੈ। ਆਉਣ ਵਾਲੇ ਦਿਨਾਂ ‘ਚ ਤਾਪਮਾਨ ਹੋਰ ਹੇਠਾ ਆ ਜਾਵੇਗਾ ਅਤੇ ਲੋਕਾਂ ਨੂੰ ਗੁਲਾਬੀ ਠੰਡ ਦਾ ਅਹਿਸਾਸ ਹੋਣਾ ਸ਼ੁਰੂ ਹੋ ਜਾਵੇਗਾ। ਪਹਿਲਾਂ ਦੇ ਸਾਲਾਂ ਦੌਰਾਨ ਠੰਡ ਦਾ ਆਗਾਜ਼ ਨਵੰਬਰ ਮਹੀਨੇ ਤੋਂ ਹੁੰਦਾ ਰਿਹਾ ਹੈ। ਠੰਡ ਦਾ ਮੌਸਮ ਰੱਬੀ ਦੀਆਂ ਫਸਲਾਂ ਦੇ ਲਈ ਕਾਫੀ ਮਹੱਤਵਪੂਰਨ ਹੁੰਦਾ ਹੈ। ਡਾ. ਗਿੱਲ ਦੇ ਮੁਤਾਬਕ ਇਸ ਵਾਰ ਠੰਡ ਜਿਆਦਾ ਦਿਨਾਂ ਤੱਕ ਰਹਿ ਸਕਦੀ ਹੈ।

The post ਹੁਣ ਸਵੇਰ-ਸ਼ਾਮ ਵੱਧਣ ਲੱਗੀ ਠੰਡ, ਜਾਣੋ ਮੌਸਮ ਸਬੰਧੀ ਭਵਿੱਖਬਾਣੀ appeared first on Daily Post Punjabi.