ਦੱਸ ਦੇਈਏ ਕਿ ਹਾਦਸੇ ਦੌਰਾਨ ਰੰਗਾਈ ਕਰਨ ਵਾਲੇ ਟੈਂਕ ਦੇ ਪਰਖੱਚੇ ਤੱਕ ਉੱਡ ਗਏ, ਜੋ ਕਿ ਨੇੜੇ ਦੀਆਂ ਫੈਕਟਰੀਆਂ ਅਤੇ ਘਰਾਂ ‘ਚ ਜਾ ਕੇ ਡਿੱਗੇ ਫਿਲਹਾਲ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।

ਦਰਅਸਲ ਇਹ ਹਾਦਸਾ ਤਾਜਪੁਰ ਰੋਡ ‘ਤੇ ਗੀਤਾ ਨਗਰ ਸਥਿਤ ਏ.ਡੀ ਡਾਇੰਗ ਫੈਕਟਰੀ ‘ਚ ਵਾਪਰਿਆ। ਇਕ ਮਜ਼ਦੂਰ ਨੇ ਦੱਸਿਆ ਹੈ ਕਿ ਤਿਉਹਾਰ ਦਾ ਸੀਜ਼ਨ ਹੋਣ ਕਾਰਨ ਫੈਕਟਰੀ ‘ਚ ਕੱਪੜਾ ਰੰਗਾਈ ਦਾ ਕੰਮ ਦਿਨ-ਰਾਤ ਚੱਲਦਾ ਰਹਿੰਦਾ ਹੈ। ਐਤਵਾਰ ਸਵੇਰਸਾਰ ਲਗਭਗ ਪੌਣੇ 5 ਵਜੇ ਰੰਗਾਈ ਵਾਲੇ ਟੈਂਕ ‘ਚ ਬਲਾਸਟ ਹੋ ਗਿਆ। ਇਸ ਕਾਰਨ ਉੱਥੇ ਕੰਮ ਕਰ ਰਹੇ ਮਜ਼ਦੂਰ ਜ਼ਖਮੀ ਹੋ ਗਏ। ਟੈਂਕ ‘ਚ ਬਲਾਸਟ ਇੰਨਾ ਭਿਆਨਕ ਰੂਪ ‘ਚ ਹੋਇਆ ਕਿ ਟੈਂਕ ਦੇ ਟੁਕੜੇ ਨੇੜੇ ਦੀਆਂ ਫੈਕਟਰੀਆਂ ਅਤੇ ਘਰਾਂ ‘ਚ ਮਿਲੇ।

ਇਸ ਘਟਨਾ ਦੀ ਜਾਣਕਾਰੀ ਮਿਲਦਿਆਂ ਤਾਜਪੁਰ ਚੌਕੀ ਪੁਲਿਸ ਅਤੇ ਥਾਣਾ ਡੀਵੀਜ਼ਨ ਨੰਬਰ 7 ਦੀ ਪੁਲਿਸ ਮੌਕੇ ‘ਤੇ ਪਹੁੰਚੀ ਤੇ ਜਾਂਚ ਜਾਰੀ ਹੈ।

The post ਦਿਨ ਚੜ੍ਹਦਿਆ ਹੀ ਲੁਧਿਆਣਾ ‘ਚ ਵੱਡਾ ਬਲਾਸਟ, ਹਿੱਲ ਗਈਆਂ ਇਮਾਰਤਾਂ (ਤਸਵੀਰਾਂ) appeared first on Daily Post Punjabi.