ਤਾਜ਼ਾ ਅੰਕੜਿਆਂ ਅਨੁਸਾਰ ਤੇਜਸ਼ਵੀ ਯਾਦਵ ਦੀਆਂ ਸੀਟਾਂ ਹੁਣ ਲਗਾਤਾਰ ਘੱਟ ਰਹੀਆਂ ਹਨ। ਰਾਜਦ, ਕਾਂਗਰਸ ਅਤੇ ਖੱਬੇਪੱਖੀ ਮਹਾਂਗਠਜੋੜ ਹੁਣ ਸੌ ਸੀਟਾਂ ਤੋਂ ਵੀ ਪਿੱਛੇ ਹਨ। ਮਹਾਂਗਠਜੋੜ ਹੁਣ 97 ਸੀਟਾਂ ‘ਤੇ ਅੱਗੇ ਹੈ, ਜਦਕਿ ਐਨਡੀਏ 132 ਸੀਟਾਂ ‘ਤੇ ਅੱਗੇ ਚੱਲ ਰਹੀ ਹੈ। ਚਿਰਾਗ ਪਾਸਵਾਨ ਦੀ ਐਲਜੇਪੀ ਚਾਰ ਅਤੇ ਹੋਰ ਨੌਂ ਸੀਟਾਂ ‘ਤੇ ਅੱਗੇ ਹਨ। ਇਸ ਤੋਂ ਸਿਰਫ ਇੱਕ ਘੰਟਾ ਪਹਿਲਾਂ, ਮਹਾਂਗਠਜੋੜ 130 ਸੀਟਾਂ ‘ਤੇ ਅਗਵਾਈ ਕਰ ਰਿਹਾ ਸੀ, ਜਦੋਂਕਿ ਐਨਡੀਏ 102 ਸੀਟਾਂ ‘ਤੇ ਅੱਗੇ ਸੀ, ਪਰ ਹੁਣ ਤਾਜ਼ਾ ਰੁਝਾਨਾਂ ਵਿੱਚ ਐਨਡੀਏ ਸਪੱਸ਼ਟ ਬਹੁਮਤ ਵੱਲ ਵਧਦੀ ਪ੍ਰਤੀਤ ਹੋ ਰਹੀ ਹੈ, ਜਦਕਿ ਵਿਸ਼ਾਲ ਗੱਠਜੋੜ ਪਿੱਛੇ ਰਹਿੰਦਾ ਦਿੱਖ ਰਿਹਾ ਹੈ। ਬਿਹਾਰ ਵਿਧਾਨ ਸਭਾ ਚੋਣਾਂ ਦੇ ਰੁਝਾਨਾਂ ਵਿੱਚ, ਭਾਰਤੀ ਜਨਤਾ ਪਾਰਟੀ ਆਪਣੇ ਸਹਿਯੋਗੀ ਨਿਤੀਸ਼ ਕੁਮਾਰ ਤੋਂ ਵੀ ਅੱਗੇ ਹੈ। ਨਿਤੀਸ਼ ਕੁਮਾਰ ਰਾਸ਼ਟਰੀ ਲੋਕਤੰਤਰੀ ਗਠਜੋੜ ਦਾ ਮੁੱਖ ਮੰਤਰੀ ਦਾ ਚਿਹਰਾ ਹੈ ਪਰ ਉਹ 15 ਸਾਲਾਂ ਦੀ ਸੱਤਾ ਵਿਰੋਧੀ ਲਹਿਰ ਦਾ ਸਾਹਮਣਾ ਵੀ ਕਰ ਰਹੇ ਹਨ। ਸ਼ੁਰੂਆਤੀ ਅੰਕੜਿਆਂ ਵਿੱਚ ਭਾਜਪਾ ਸਭ ਤੋਂ ਵੱਧ ਲਾਭਕਾਰੀ ਦਿਖਾਈ ਦਿੱਤੀ, ਜਦਕਿ ਜੇਡੀਯੂ ਨੂੰ ਸਖਤ ਟੱਕਰ ਦਾ ਸਾਹਮਣਾ ਕਰਨਾ ਪਿਆ ਹੈ।

ਇਹ ਵੀ ਦੇਖੋ : ਕੀ ਕਿਸਾਨੀ ਕਨੂੰਨਾਂ ਪਿੱਛੇ ਲੁਕਿਆ ਹੈ ਹਿੰਦੂ ਰਾਸ਼ਟਰ ਦਾ ਏਜੰਡਾ? ਇਸ ਸਿੱਖ ਨੌਜਵਾਨ ਨੇ ਕੀਤੇ ਵੱਡੇ ਖੁਲਾਸੇ

The post Bihar Election Results: NDA ਨੂੰ ਲੀਡ ਮਿਲਣ ਤੋਂ ਬਾਅਦ ਕਾਂਗਰਸ ਨੇ ਚੁੱਕਿਆ EVM ਹੈਕ ਦਾ ਮੁੱਦਾ appeared first on Daily Post Punjabi.