ਕੋਰੋਨਾ ਖਿਲਾਫ਼ ਲੜਾਈ ਵਿੱਚ ਅੱਜ ਭਾਰਤੀ ਫੌਜ ਦੇ ਚਿਨਾਰ ਕੋਰ ਵੱਲੋਂ ਸ਼੍ਰੀਨਗਰ ਵਿੱਚ 50 ਬੈੱਡਾਂ ਵਾਲੇ ਕੋਵਿਡ ਹਸਪਤਾਲ ਦੀ ਸ਼ੁਰੂਆਤ ਕੀਤੀ ਗਈ ਹੈ। ਜਿਸ ਵਿਚ ਫੌਜ ਦੇ ਜਵਾਨਾਂ ਅਤੇ ਆਮ ਨਾਗਰਿਕਾਂ ਦਾ ਮੁਫਤ ਇਲਾਜ ਕੀਤਾ ਜਾਵੇਗਾ।

ਇਹ ਵੀ ਪੜ੍ਹੋ: Big Breaking : ‘ਤੱਕੜੀ’ ਤੇ ‘ਹਾਥੀ’ ਦੀ ਜੋੜੀ ਹਿਲਾਵੇਗੀ ਹੁਣ ਪੰਜਾਬ ਦੀ ਸਿਆਸਤ, ਜਾਣੋ ਕਿੰਨਾ 20 ਸੀਟਾਂ ‘ਤੇ ਮੈਦਾਨ ‘ਚ ਉੱਤਰੇਗੀ BSP

ਸ੍ਰੀਨਗਰ ਦੇ ਮੁੱਖ ਦਫ਼ਤਰ ਦੇ ਬ੍ਰਿਗੇਡੀਅਰ ਦੇ ਅਨੁਸਾਰ ਇਹ 50 ਬੈੱਡ ਵਾਲਾ ਹਸਪਤਾਲ ਰਾਜ ਦੇ ਸਿਹਤ ਵਿਭਾਗ ਦੀ ਕੋਵਿਡ ਕੋਰਡੀਨੇਸ਼ਨ ਯੂਨਿਟ ਦੇ ਨਾਲ ਮਿਲ ਕੇ ਕੰਮ ਕਰੇਗਾ। ਇਲਾਜ ਦੀਆਂ ਸਾਰੀਆਂ ਸੇਵਾਵਾਂ ਦੇ ਨਾਲ-ਨਾਲ ਖਾਣ-ਪੀਣ ਅਤੇ ਕੱਪੜੇ ਵੀ ਮੁਫਤ ਦਿੱਤੇ ਜਾਣਗੇ।

ਫੌਜ ਨੇ ਇਸ ਤੋਂ ਪਹਿਲਾਂ ਬਡਗਾਮ ਦੇ ਰੰਗਰੇਠ ਵਿਖੇ 250 ਬੈੱਡਾਂ ਵਾਲਾ ਕੋਵਿਡ ਸੈਂਟਰ ਅਤੇ ਬਾਰਾਮੂਲਾ ਦੇ ਬਾਹਰੀ ਹਿੱਸੇ ਵਿੱਚ ਇੱਕ 20 ਬੈੱਡ ਵਾਲੇ ਕੋਵਿਡ ਹਸਪਤਾਲ ਦੀ ਸ਼ੂਰੁਆਤ ਕੀਤੀ ਸੀ। ਇਸ ਦੇ ਨਾਲ ਹੀ DRDO ਵੱਲੋਂ ਵੀਰਵਾਰ ਨੂੰ ਸ੍ਰੀਨਗਰ ਦੇ ਖੰਮੋਹ ਵਿੱਚ 500 ਬੈੱਡ ਦੇ ਹਸਪਤਾਲ ਦੀ ਸਥਾਪਨਾ ਕੀਤੀ ਗਈ ਹੈ।  ਸ੍ਰੀਨਗਰ ਵਿੱਚ ਬਣੇ ਇਸ ਨਵੇਂ ਹਸਪਤਾਲ ਵਿੱਚ 10 ਵੈਂਟੀਲੇਟਰ ਬੈੱਡ, 20 ਉੱਚ ਘਣਤਾ ਵਾਲੀਆਂ ਯੂਨਿਟ ਅਤੇ 20 ਆਕਸੀਜਨ ਬੈੱਡ ਹਨ।

ਇਹ ਵੀ ਪੜ੍ਹੋ: ਸੰਯੁਕਤ ਕਿਸਾਨ ਮੋਰਚਾ ਦਾ ਵੱਡਾ ਐਲਾਨ, 26 ਜੂਨ ਨੂੰ ਕਿਸਾਨਾਂ ਵੱਲੋਂ ਰਾਜ ਭਵਨ ਦੇ ਬਾਹਰ ਕੀਤਾ ਜਾਵੇਗਾ ਰੋਸ ਪ੍ਰਦਰਸ਼ਨ

ਫੌਜ ਦੇ 92 ਬੇਸ ਹਸਪਤਾਲ ਦੇ ਮੁੱਖ ਬ੍ਰਿਗੇਡੀਅਰ ਦੇ ਅਨੁਸਾਰ ਹਸਪਤਾਲ ਦੇ ਲਈ ਦਵਾਈਆਂ, ਡਾਕਟਰ ਤੇ ਪੈਰਾਮੈਡੀਕਲ ਸਟਾਫ਼ ਫੌਜ ਦੇ ਹਸਪਤਾਲ ਤੋਂ ਦਿੱਤਾ ਗਿਆ ਹੈ। ਸ੍ਰੀਨਗਰ ਦੇ ਡਿਪਟੀ ਕਮਿਸ਼ਨਰ ਅਨੁਸਾਰ ਇਸ ਨਵੇਂ ਹਸਪਤਾਲ ਦੇ ਬਣਨ ਤੋਂ ਜ਼ਿਲ੍ਹੇ ਵਿੱਚ ਕੋਰੋਨਾ ਖਿਲਾਫ਼ ਲੜੀ ਜਾ ਰਹੀ ਜੰਗ ਵਿੱਚ ਜ਼ਿਆਦਾ ਮਦਦ ਮਿਲੇਗੀ। 

ਇਹ ਵੀ ਦੇਖੋ: Akali Dal-BSP Alliance: ਪੰਜਾਬ ਦੀ ਸਿਆਸਤ ‘ਚ ਵੱਡਾ ਧਮਾਕਾ, Akali Dal ਤੇ BSP ਦਾ ਹੋਇਆ ਗਠਜੋੜ

The post ਸ੍ਰੀਨਗਰ ‘ਚ ਫੌਜ ਨੇ ਕੋਵਿਡ ਹਸਪਤਾਲ ਦੀ ਕੀਤੀ ਸ਼ੁਰੂਆਤ, ਆਮ ਲੋਕਾਂ ਦਾ ਕੀਤਾ ਜਾਵੇਗਾ ਮੁਫ਼ਤ ਇਲਾਜ appeared first on Daily Post Punjabi.

ਦੱਸਿਆ ਜਾ ਰਿਹਾ ਹੈ ਕਿ ਸ਼੍ਰੇਅ ਹਸਪਤਾਲ ਵਿੱਚ ਸਵੇਰੇ 3:15 ਵਜੇ ਅੱਗ ਲੱਗੀ। ਜਿਸ ਤੋਂ ਬਾਅਦ ਇਸ ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਫ਼ਾਇਰ ਬ੍ਰਿਗੇਡ ਦੀ ਟੀਮ ਮੌਕੇ ‘ਤੇ ਪਹੁੰਚ ਗਈ। ਮਿਲੀ ਜਾਣਕਾਰੀ ਅਨੁਸਾਰ ਹਸਪਤਾਲ ਦੇ ICU ਵਿੱਚ ਜਿਸ ਸਮੇਂ ਅੱਗ ਲੱਗੀ ਉਸ ਸਮੇਂ ਉੱਥੇ 10 ਕੋਰੋਨਾ ਮਰੀਜ਼ ਮੌਜੂਦ ਸਨ, ਜਦਕਿ ਪੂਰੇ ਹਸਪਤਾਲ ਵਿੱਚ 49 ਕੋਰੋਨਾ ਮਰੀਜ਼ ਸਨ। ਇਸ ਵਿੱਚ 8 ਮਰੀਜ਼ਾਂ ਦੀ ਮੌਤ ਹੋ ਗਈ।  

ਇਸ ਘਟਨਾ ਵਿੱਚ ਮਰਨ ਵਾਲਿਆਂ ਦੀ ਪਹਿਚਾਣ ਅਰਵਿੰਦ ਭਾਵਸਾਰ, ਨਵੀਨਲਾਲ ਸ਼ਾਹ, ਲੀਲਾਵਤੀ ਸ਼ਾਹ, ਆਇਸ਼ਾਬੇਨ ਤਿਰਮੀਸ਼, ਮਨੂਭਾਈ ਰਾਮੀ, ਜੋਤੀ ਸਿੰਧੀ, ਨਰਿੰਦਰ ਸ਼ਾਹ ਅਤੇ ਆਰਿਫ਼ ਮੰਸੂਰ ਦੇ ਰੂਪ ਵਿੱਚ ਹੋਈ ਹੈ। ਆਪਣੀ ਜਾਨ ਗਵਾਉਣ ਵਾਲੇ ਇਨ੍ਹਾਂ ਅੱਠ ਲੋਕਾਂ ਦਾ ਸ਼੍ਰੇਅ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਸੀ । ਫਿਲਹਾਲ ਬਾਕੀ ਮਰੀਜ਼ਾਂ ਨੂੰ ਇੱਕ ਹੋਰ ਹਸਪਤਾਲ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਹੈ । ਨਾਲ ਹੀ, ਫੋਰੈਂਸਿਕ ਵਿਭਾਗ ਦੀ ਟੀਮ ਜਾਂਚ ਲਈ ਪਹੁੰਚ ਗਈ ਹੈ।

ਇਸ ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਸਥਾਨਕ ਪ੍ਰਸ਼ਾਸਨ ਅਤੇ ਪੁਲਿਸ ਵਿਭਾਗ ਦੀ ਟੀਮ ਵੀ ਸ਼੍ਰੇਅ ਹਸਪਤਾਲ ਪਹੁੰਚ ਗਈ ਹੈ। ਅੱਗ ਲੱਗਣ ਦਾ ਕਾਰਨ ਸ਼ਾਰਟ ਸਰਕਟ ਦੱਸਿਆ ਜਾ ਰਿਹਾ ਹੈ । ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਆਈਸੀਯੂ ਵਿੱਚ ਇੱਕ ਸ਼ਾਰਟ ਸਰਕਟ ਹੋਇਆ ਅਤੇ ਅੱਗ ਲੱਗ ਗਈ । ਹਾਲਾਂਕਿ, ਫੋਰੈਂਸਿਕ ਵਿਭਾਗ ਦੀ ਟੀਮ ਜਾਂਚ ਕਰੇਗੀ ਕਿ ਅੱਗ ਕਿਵੇਂ ਲੱਗੀ।

The post ਅਹਿਮਦਾਬਾਦ ਦੇ ਕੋਰੋਨਾ ਹਸਪਤਾਲ ‘ਚ ਲੱਗੀ ਅੱਗ, 8 ਮਰੀਜ਼ਾਂ ਦੀ ਮੌਤ appeared first on Daily Post Punjabi.