ਇਸ ਸਬੰਧੀ ਦੁਕਾਨਦਾਰਾਂ ਦਾ ਕਹਿਣਾ ਹੈ ਕਿ ਦੀਵਾਲੀ ‘ਚ ਹਾਲੇ ਕੁਝ ਹੀ ਦਿਨ ਬਚੇ ਹਨ ਕਿ ਪਰ ਬਾਜ਼ਾਰਾਂ ‘ਚ ਲੋਕਾਂ ਦੀ ਚੰਗੀ ਚਹਿਲ-ਪਹਿਲ ਦੇਖਣ ਨੂੰ ਮਿਲ ਰਹੀ ਹੈ। ਉਨ੍ਹਾਂ ਨੇ ਇਹ ਵੀ ਦੱਸਿਆ ਹੈ ਕਿ ਕੋਰੋਨਾ ਮਹਾਮਾਰੀ ਤੋਂ ਬਾਅਦ ਦੁਕਾਨਦਾਰਾਂ ਅਤੇ ਸਟੋਰ ਮਾਲਕਾਂ ਨੂੰ ਵੱਡੇ ਘਾਟਾ ਝੱਲਣਾ ਪਿਆ ਹੈ ਪਰ ਹੁਣ ਤਿਉਹਾਰੀ ਸੀਜ਼ਨ ਦੌਰਾਨ ਗਾਹਕ ਖਰੀਦਦਾਰੀ ਲਈ ਬਾਜ਼ਾਰਾਂ ‘ਚ ਆ ਰਹੇ ਹਨ ਅਤੇ ਉਮੀਦ ਜਤਾਈ ਜਾ ਰਹੀ ਹੈ ਕਿ ਇਸ ਵਾਰ ਦੀਵਾਲੀ ‘ਤੇ ਚੰਗੀ ਆਮਦ ਹੋਵੇਗੀ।

ਦੱਸਣਯੋਗ ਹੈ ਕਿ ਤਿਉਹਾਰਾਂ ਦੇ ਦਿਨਾਂ ‘ਚ ਜ਼ਿਆਦਾਤਰ ਲੋਕਾਂ ਵੱਲੋਂ ਇਲੈਕਟਰੋਨਿਕ, ਵਹੀਕਲ ਅਤੇ ਹੋਰ ਘਰੇਲੂ ਸਾਮਾਨ ਦੀ ਖਰੀਦਾਰੀ ਕੀਤੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਸਰਕਾਰ ਵੱਲੋਂ ਲਾਕਡਾਊਨ ਖ਼ਤਮ ਕਰਨ ਦੇ ਨਾਲ-ਨਾਲ ਕਰਫਿਊ ਵੀ ਖ਼ਤਮ ਕੀਤਾ ਗਿਆ ਹੈ। ਇਸ ਤੋਂ ਬਾਅਦ ਕਾਰੋਬਾਰੀਆਂ ਅਤੇ ਦੁਕਾਨਦਾਰਾਂ ਨੂੰ ਬਹੁਤ ਰਾਹਤ ਮਿਲੀ ਹੈ। ਦੂਜੇ ਪਾਸੇ ਲੁਧਿਆਣਾ ਜਿਹੜਾ ਕਿ ਪੂਰੀ ਦੂਨੀਆਂ ‘ਚ ਹੌਜਰੀ ਸਾਈਕਲ ਉਦਯੋਗ ਅਤੇ ਹੋਰ ਕੰਮਾਂ ਲਈ ਜਾਣਿਆ ਜਾਂਦਾ ਹੈ ਅਤੇ ਲੁਧਿਆਣਾ ਦੇ ਬਾਜ਼ਾਰ ‘ਚ ਅਕਸਰ ਹੀ ਭਾਰੀ ਭੀੜ-ਭਾੜ ਰਹਿੰਦੀ ਹੈ ਅਤੇ ਜ਼ਿਲ੍ਹੇ ਦੇ ਪ੍ਰਸਿੱਧ ਇਲਾਕੇ ਘੰਟਾ ਘਰ ਦੇ ਆਸ ਪਾਸ ਅਤੇ ਪ੍ਰਸਿੱਧ ਚੌੜਾ ਬਾਜ਼ਾਰ ‘ਚ ਵੀ ਰੌਣਕ ਨਜ਼ਰ ਆ ਰਹੀ ਹੈ।

The post ਕੋਰੋਨਾਕਾਲ ‘ਚ ਝੰਬੇ ਦੁਕਾਨਦਾਰਾਂ ਨੇ ਤਿਉਹਾਰੀ ਸੀਜ਼ਨ ‘ਚ ਲਿਆ ਸੁੱਖ ਦਾ ਸਾਹ, ਜਾਣੋ ਕਿਵੇ… appeared first on Daily Post Punjabi.