ਉਨ੍ਹਾਂ ਨੇ ਕਿਹਾ, “ਇਹ ਇੱਕ ਮੁੱਦਾ ਸੀ ਪਰ ਮੈਨੂੰ ਨਹੀਂ ਲਗਦਾ ਕਿ ਇਹ ਵਾਪਸੀ ਦਾ ਇੱਕ ਵੱਡਾ ਕਾਰਨ ਸੀ। ਟੀਮ ਵਿੱਚ ਕੋਵਿਡ ਮਾਮਲਿਆਂ ‘ਚ ਵਾਧੇ ਨਾਲੋਂ ਵੱਡਾ ਮਸਲਾ ਹੋਰ ਹੋ ਸਕਦਾ ਹੈ।” ਉਨ੍ਹਾਂ ਕਿਹਾ ਕਿ ਸਥਿਤੀ ਨੂੰ ਦੇਖਦਿਆਂ ਰੈਨਾ ਅਪ੍ਰੈਲ 2021 ਤੋਂ ਸ਼ੁਰੂ ਹੋਣ ਵਾਲੇ ਅਗਲੇ ਆਈਪੀਐਲ ਲਈ ਚੇਨਈ ਦੀ ਟੀਮ ਤੋਂ ਬਾਹਰ ਵੀ ਹੋ ਸਕਦੇ ਹਨ। ਇਸ ਗੱਲ ‘ਤੇ ਕਿ ਰੈਨਾ ਦੀ ਇਸ ਸੀਜ਼ਨ ‘ਚ ਵਾਪਸੀ ਦੀ ਸੰਭਾਵਨਾ ਹੈ, ਜਿਸ ਨਾਲ ਸਥਿਤੀ ਬਦਲ ਸਕਦੀ ਹੈ, ਸੂਤਰਾਂ ਨੇ ਕਿਹਾ, “ਉਹ ਇਸ ਸੈਸ਼ਨ ‘ਚ ਉਪਲਬਧ ਨਹੀਂ ਹੋਣਗੇ ਅਤੇ ਇਹ ਅਧਿਕਾਰਤ ਬਿਆਨ ਵਿੱਚ ਸਪਸ਼ਟ ਹੈ ਜੋ ਸੀਐਸਕੇ ਨੇ ਜਾਰੀ ਕੀਤਾ ਹੈ। ਕੁੱਝ ਚੀਜ਼ਾਂ ਅਜਿਹੀਆਂ ਹਨ ਜਿਨ੍ਹਾਂ ਨੂੰ ਲੈ ਕੇ ਉੱਚ ਅਧਿਕਾਰੀ ਗੁੱਸੇ ‘ਚ ਹਨ।” ਉਨ੍ਹਾਂ ਕਿਹਾ, “ਬਹੁਤ ਘੱਟ ਸੰਭਾਵਨਾ ਹੈ ਕਿ ਉਹ ਖਿਡਾਰੀ ਜੋ ਸੰਨਿਆਸ ਲੈ ਚੁੱਕਾ ਹੈ ਅਤੇ ਸ਼ਾਇਦ ਕਿਸੇ ਕਿਸਮ ਦਾ ਕ੍ਰਿਕਟ ਨਹੀਂ ਖੇਡੇਗਾ ਸੀਐਸਕੇ ‘ਚ ਵਾਪਸੀ ਕਰੇਗਾ। ਉਹ ਨਿਲਾਮੀ ਵਿੱਚ ਵਾਪਿਸ ਆ ਜਾਵੇਗਾ ਅਤੇ ਕੋਈ ਟੀਮ ਉਸਨੂੰ ਖ੍ਰੀਦ ਸਕਦੀ ਹੈ।

ਸੀਐਸਕੇ ਨੇ ਰਤੁਰਾਜ ‘ਤੇ ਇੱਕ ਵੱਡੀ ਬੋਲੀ ਲਗਾਈ ਸੀ, ਆਸ ਹੈ ਕਿ ਉਹ ਏਕਾਂਤਵਾਸ ਤੋਂ ਵਾਪਿਸ ਆਉਣ ਤੋਂ ਬਾਅਦ ਤੰਦਰੁਸਤ ਹੋ ਜਾਵੇਗਾ ਅਤੇ ਦੋ ਟੈਸਟਾਂ ਦੇ ਨਕਾਰਾਤਮਕ ਆਉਣ ਤੋਂ ਬਾਅਦ ਅਭਿਆਸ ਸੈਸ਼ਨ ਵਿੱਚ ਹਿੱਸਾ ਲੈਣ ਦੇ ਯੋਗ ਹੋ ਜਾਵੇਗਾ। IPL ਦੇ ਸੂਤਰਾਂ ਨੇ ਕਿਹਾ, “ਸੀਐਸਕੇ ਨੇ ਅਜੇ ਰੈਨਾ ਬਦਲੇ ਕਿਸੇ ਹੋਰ ਖਿਡਾਰੀ ਦੀ ਮੰਗ ਨਹੀਂ ਕੀਤੀ ਹੈ। ਉਨ੍ਹਾਂ ਨੇ ਅਜੇ ਇਸ ਬਾਰੇ ਕੋਈ ਫੈਸਲਾ ਨਹੀਂ ਲਿਆ ਹੈ।” ਅਜਿਹੀਆਂ ਅਟਕਲਾਂ ਹਨ ਕਿ ਰੈਨਾ ਨੇ ਬਾਇਓ-ਸੁਰੱਖਿਅਤ ਵਾਤਾਵਰਣ ਦੀ ਉਲੰਘਣਾ ਕੀਤੀ ਸੀ। ਇਸ ਮਾਮਲੇ ਵਿੱਚ ਰੈਨਾ ਦੀ ਮੁਆਫੀ ਦਾ ਬਹੁਤਾ ਅਸਰ ਨਹੀਂ ਹੋਏਗਾ ਕਿਉਂਕਿ ਟੀਮ ਭਵਿੱਖ ਬਾਰੇ ਸੋਚ ਰਹੀ ਹੈ। ਸੂਤਰਾਂ ਨੇ ਕਿਹਾ, “ਮੈਂ ਮੁਆਫੀ ਮੰਗਣ ਵਾਰੇ ਨਹੀਂ ਜਾਣਦਾ ਪਰ ਸੀਐਸਕੇ ਹੁਣ ਰਤੁਰਾਜ ਨੂੰ ਭਵਿੱਖ ਲਈ ਤਿਆਰ ਕਰਨਾ ਚਾਹੇਗਾ ਅਤੇ ਧੋਨੀ ਅਤੇ ਫਲੇਮਿੰਗ ਉਸ ਅਨੁਸਾਰ ਆਪਣੀ ਰਣਨੀਤੀ ਦੀ ਯੋਜਨਾ ਬਣਾਉਣਗੇ।” ਰੈਨਾ ਨੇ ਸੀਐਸਕੇ ਲਈ 164 ਮੈਚਾਂ ‘ਚ 4527 ਦੌੜਾਂ ਬਣਾਈਆਂ ਹਨ। ਆਈਪੀਐਲ ਵਿੱਚ ਉਸ ਦੇ ਨਾਮ ‘ਤੇ 5368 ਦੌੜਾਂ ਹਨ ਅਤੇ ਉਹ ਇਸ ਟੀ -20 ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ‘ਚ ਭਾਰਤੀ ਕਪਤਾਨ ਵਿਰਾਟ ਕੋਹਲੀ (5412) ਤੋਂ ਪਿੱਛੇ ਹਨ।

The post ਕੀ CSK ਨਾਲ ਖਤਮ ਹੋਇਆ ਰੈਨਾ ਦਾ ਸਫਰ? ਟੀਮ ਦੇ ਸਟਾਰ ਬੱਲੇਬਾਜ਼ ਨਾਲ ਸੰਬੰਧ ਤੋੜਨ ਦੀ ਖ਼ਬਰ appeared first on Daily Post Punjabi.

ਲੀ ਨੇ ਸਟਾਰ ਸਪੋਰਟਸ ‘ਤੇ ਕ੍ਰਿਕਟ ਕੰਨੇਕਟੇਡ ਸ਼ੋਅ ‘ਚ ਕਿਹਾ ਕਿ, ਮੈਂ ਉਨ੍ਹਾਂ ਦੀ ਤਾਕਤ ਨੂੰ ਸਮਝਦਾ ਹਾਂ ਕਿ ਉਸ ਦੇ ਖਿਡਾਰੀ ਥੋੜ੍ਹੇ ਵੱਡੇ, ਪਰਿਪੱਕ ਹਨ। ਪਰ ਉਸਨੂੰ ਬਹੁਤ ਸਾਰੇ ਅਜਿਹੇ ਖਿਡਾਰੀ ਮਿਲੇ, ਜੋ ਲੰਬੇ ਸਮੇਂ ਤੋਂ ਟੀਮ ਦੇ ਆਸ ਪਾਸ ਹਨ ਅਤੇ ਮੈਂ ਕਹਿੰਦਾ ਹਾਂ ਕਿ ਇਹ ਉਸਦੀ ਸਭ ਤੋਂ ਵੱਡੀ ਤਾਕਤ ਹੈ। ਸੀਐਸਕੇ ਨੇ ਆਪਣੇ ਖਿਡਾਰੀਆਂ ਦਾ ਮੁੱਖ ਸਮੂਹ ਬਰਕਰਾਰ ਰੱਖਿਆ ਹੈ। ਜੋ ਸਾਲਾਂ ਤੋਂ ਇਸ ਦੀ ਸਫਲਤਾ ਲਈ ਜ਼ਿੰਮੇਵਾਰ ਹੈ। ਐਮਐਸ ਧੋਨੀ ਕਪਤਾਨ, ਸੁਰੇਸ਼ ਰੈਨਾ, ਡਵੇਨ ਬ੍ਰਾਵੋ, ਇਮਰਾਨ ਤਾਹਿਰ ਅਤੇ ਰਵਿੰਦਰ ਜਡੇਜਾ ਨੇ ਕਈ ਸਾਲਾਂ ‘ਤੋਂ ਸੀਐਸਕੇ ਦੀ ਰੀੜ੍ਹ ਦੀ ਹੱਡੀ ਬਣਾਈ ਹੈ ਅਤੇ ਸ਼ੇਨ ਵਾਟਸਨ ਅਤੇ ਹਰਭਜਨ ਸਿੰਘ ਵਰਗੇ ਤਜਰਬੇਕਾਰ ਖਿਡਾਰੀਆਂ ਦਾ ਸੁਮੇਲ ਰਿਹਾ ਹੈ। ਇੱਕ ਹੋਰ ਕਾਰਕ ਜੋ ਯੂਏਈ ਚ ਸੀਐਸਕੇ ਨੂੰ ਖ਼ਤਰਾ ਬਣਾਉਂਦਾ ਹੈ ਉਹ ਹੈ ਉਨ੍ਹਾਂ ਦਾ ਵਧੀਆ ਸਟੋਕ ਸਪਿਨ ਹਮਲਾ। ਹਰਭਜਨ, ਜਡੇਜਾ, ਤਾਹਿਰ, ਪਿਯੂਸ਼ ਚਾਵਲਾ, ਕਰਨ ਸ਼ਰਮਾ ਅਤੇ ਮਿਸ਼ੇਲ ਸੇੰਟਨਰ ਹਨ। ਇਹ ਕੁੱਝ ਬਹੁਤ ਤਜਰਬੇਕਾਰ ਨਾਮ ਯੂਏਈ ਦੀ ਧਰਤੀ ਉੱਤੇ ਬਹੁਤ ਪ੍ਰਭਾਵਸ਼ਾਲੀ ਸਾਬਿਤ ਹੋ ਸਕਦੇ ਹਨ। ਅਜਿਹੀ ਸਥਿਤੀ ਵਿੱਚ ਹਰ ਸੰਭਾਵਨਾ ਹੈ ਕਿ ਚੇਨਈ ਦੀ ਟੀਮ ਇਸ ਵਾਰ ਆਈਪੀਐਲ ਦਾ ਖਿਤਾਬ ਆਪਣੇ ਨਾਮ ਕਰ ਸਕਦੀ ਹੈ।

The post ਬ੍ਰੈਟ ਲੀ ਨੇ ਕਿਹਾ, ਇਹ ਟੀਮ ਬਣ ਸਕਦੀ ਹੈ ਇਸ ਸਾਲ ਆਈਪੀਐਲ ਦੀ ਚੈਂਪੀਅਨ appeared first on Daily Post Punjabi.