West Indies veteran Darren Bravo takes break

ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਪੋਸਟ ਸਾਂਝੀ ਕਰ ਲਿਖਿਆ ਕਿ ਮੈਂ ਸੋਚਣ ਦੇ ਲਈ ਕੁਝ ਸਮਾਂ ਲਿਆ ਹੈ ਅਤੇ ਸੋਚਿਆ ਹੈ ਕਿ ਇੱਕ ਕ੍ਰਿਕਟਰ ਦੇ ਰੂਪ ਵਿੱਚ ਅੱਗੇ ਵਧਣ ਲਈ ਮੇਰਾ ਅਗਲਾ ਕਦਮ ਕੀ ਹੈ। ਮੇਰੇ ਕਰੀਅਰ ਦੇ ਇਸ ਮੋੜ ‘ਤੇ ਇਹ ਆਸਾਨ ਨਹੀਂ ਹੈ ਜਾਂ ਮੈਨੂੰ ਕਹਿਣਾ ਚਾਹੀਦਾ ਹੈ ਕਿ ਆਪਣੀ ਸਮਰੱਥਾ ਅਨੁਸਾਰ ਬੈਸਟ ਪਰਫਾਰਮੈਂਸ ਕਰਨ ਤੇ ਖੁਦ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਵਾਪਸੀ ਕਰਨ ਦੀ ਸਥਿਤੀ ਵਿੱਚ ਲਿਆਉਣ ਲਈ ਊਰਜਾ, ਜਨੂਨ, ਵਚਨਬੱਧਤਾ ਤੇ ਅਨੁਸ਼ਾਸਨ ਨੂੰ ਜਾਰੀ ਰੱਖਣ ਦੇ ਲਈ ਬਹੁਤ ਕੁਝ ਕਰਨਾ ਪੈਂਦਾ ਹੈ।

ਇਹ ਵੀ ਪੜ੍ਹੋ: ਗੁਰੂ ਨਾਨਕ ਦੇਵ ਜੀ ਦਾ 554ਵਾਂ ਪ੍ਰਕਾਸ਼ ਪੁਰਬ, ਫੁੱਲਾਂ ਤੇ ਲਾਈਟਾਂ ਨਾਲ ਸਜਾਇਆ ਗਿਆ ਗੋਲਡਨ ਟੈਂਪਲ-ਨਨਕਾਣਾ ਸਾਹਿਬ

ਇਸ ਸਮੇਂ ਤਿੰਨ ਟੀਮਾਂ ਕਈ ਫਾਰਮੈਟ ਤੇ ਸੀਰੀਜ਼ ਵਿੱਚ ਇਸ ਖੇਤਰ ਦੀ ਅਗਵਾਈ ਕਰ ਰਹੀਆਂ ਹਨ। ਇਹ ਲਗਭਗ 40-45 ਖਿਡਾਰੀ ਹਨ ਤੇ ਜੇ ਮੈਂ ਆਪਣੇ ਖੇਤਰੀ ਟੂਰਨਾਮੈਂਟਾਂ ਵਿੱਚ ਦੌੜਾਂ ਬਣਾਉਣ ਦੇ ਬਾਅਦ ਇਨ੍ਹਾਂ ਵਿੱਚੋਂ ਕਿਸੇ ਵੀ ਟੀਮ ਵਿੱਚ ਨਹੀਂ ਹੋ ਸਕਦਾ, ਤਾਂ ਉਹ ਸਾਫ ਤੌਰ ‘ਤੇ ਮੈਨੂੰ ਸੰਕੇਤ ਦੇ ਰਹੇ ਹਨ। ਮੈਂ ਹਾਰ ਨਹੀਂ ਮੰਨ ਰਿਹਾ ਹਾਂ, ਪਰ ਮੇਰਾ ਮੰਨਣਾ ਹੈ ਕਿ ਥੋੜ੍ਹਾ ਜਿਹਾ ਦੂਰ ਰਹਿਣਾ ਤੇ ਸ਼ਾਇਦ ਇੱਕ ਨੌਜਵਾਨ ਤੇ ਉੱਭਰ ਰਹੀ ਪ੍ਰਤਿਭਾ ਦੇ ਲਈ ਕੁਝ ਜਗ੍ਹਾ ਬਣਾਉਣਾ ਸਭ ਤੋਂ ਵਧੀਆ ਹੈ। ਮੈਂ ਸਾਰਿਆਂ ਨੂੰ ਸ਼ੁੱਭਕਾਮਨਾਵਾਂ ਦਿੰਦੇ ਹੋਏ ਆਪਣੀ ਗੱਲ ਖਤਮ ਕਰਾਂਗਾ।

West Indies veteran Darren Bravo takes break

ਦੱਸ ਦੇਈਏ ਕਿ ਬ੍ਰਾਵੋ ਨੇ ਵੈਸਟਇੰਡੀਜ਼ ਦੇ ਲਈ ਆਖਰੀ ਮੈਚ ਸਾਲ 2022 ਵਿੱਚ ਭਾਰਤ ਦੇ ਖਿਲਾਫ਼ ਇੱਕ ਵਨਡੇ ਮੈਚ ਨਰਿੰਦਰ ਮੋਦੀ ਸਟੇਡੀਅਮ ਵਿੱਚ ਖੇਡਿਆ ਸੀ। ਇਸਦੇ ਬਾਅਦ ਉਨ੍ਹਾਂ ਨੂੰ ਕਿਸੇ ਵੀ ਫਾਰਮੈਟ ਵਿੱਚ ਮੌਕਾ ਨਹੀਂ ਮਿਲਿਆ ਹੈ। ਭਾਰਤ ਦੇ ਖਿਲਾਫ਼ ਆਖਰੀ ਮੈਚ ਵਿੱਚ 30 ਗੇਂਦਾਂ 19 ਦੌੜਾਂ ਬਣਾ ਕੇ ਆਊਟ ਹੋ ਗਏ ਸਨ। ਇਸ ਤੋਂ ਬਾਅਦ ਤੋਂ ਉਹ ਟੀਮ ਤੋਂ ਬਾਹਰ ਚੱਲ ਰਹੇ ਹਨ। ਡੈਰੇਨ ਨੇ ਵੈਸਟਇੰਡੀਜ਼ ਦੇ ਲਈ ਹੁਣ ਤੱਕ ਕੁੱਲ 56 ਟੈਸਟ, 122 ਵਨਡੇ ਤੇ 26 ਟੀ-20 ਮੈਚ ਖੇਡੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਤਿੰਨੋਂ ਫਾਰਮੈਂਟਾਂ ਵਿੱਚ ਕ੍ਰਮਵਾਰ 3558, 3109 ਤੇ 405 ਦੌੜਾਂ ਬਣਾਈਆਂ ਹਨ। ਟੈਸਟ ਵਿੱਚ ਉਹ 8 ਜਦਕਿ ਵਨਡੇ ਵਿੱਚ 4 ਸੈਂਕੜੇ ਲਗਾ ਚੁੱਕੇ ਹਨ। ਟੈਸਟ ਵਿੱਚ ਉਨ੍ਹਾਂ ਦੇ ਨਾਮ ਇੱਕ ਦੋਹਰਾ ਸੈਂਕੜਾ ਵੀ ਹੈ।

ਵੀਡੀਓ ਲਈ ਕਲਿੱਕ ਕਰੋ : –

The post ਵੈਸਟਇੰਡੀਜ਼ ਦੇ ਧਾਕੜ ਖਿਡਾਰੀ ਨੇ ਇੰਟਰਨੈਸ਼ਨਲ ਕ੍ਰਿਕਟ ਤੋਂ ਬਣਾਈ ਦੂਰੀ, ਕਿਹਾ- “ਦੌੜਾਂ ਬਣਾਉਣ ਦੇ ਬਾਵਜੂਦ ਟੀਮ ‘ਚ…” appeared first on Daily Post Punjabi.